Saturday, May 13, 2017

නොපෙනෙන බලවේග සහ අන්දරමාන්න

නිවාඩු දවස්වලට වැඩිපුර TV බලන එක මගේ පුරුද්දක්.ඒ වගේ වෙලාවක අහම්බෙන් බලන්න හම්බවෙච්ච ප්‍රෝග්‍රෑම් එකක් තමයි නොපෙනෙන බලවේගය .එකත් කාලයක් යනකොට ගොන් පාට් වැඩි වුනා.ඉන්දික තොටවත්ත ඊට පස්සේ අසංග ජයසුරිය කියන දෙන්නා තමන් ගේ මතය වෙනුවෙන් කරන කියන දේවල් වලින් ඕක බලන එක නතර කරන්න හිටියේ.එත් ගොඩක් පෝය දවස් වල අපේ ගෙදර කට්ටිය බලන නිසා මාත් බලනවට වැඩිය බැලුනා.

එත් මං බලපු නොපෙනෙන මානයේ ප්‍රෝග්‍රෑම් වලින් වැදගත්ම එක තමයි අන්දරමාන්නගේ කතාව .කව්ද මේ අන්දරමාන්න ..? ඒ ඉදුනිල් අන්දරමාන්න .තමන් මත් කූඩු වලට ඇබ්බැහිවීම ගැන කියන කතාව තමයි තියෙන්නේ.වැඩ සටහන අතරතුරේ දී මෙහෙම කියනවා " මෙහෙම  දෙයක් කියන ලංකාවේ එකම කලාකරුවා වෙන්න පුළුවන් " ඔව් ඒක සෑහෙන්න ඇත්තක් .මොකද කලාකාරයෝ ද සාමාන්‍ය මිනිස්සු ද තමන්ගේ අතීතයේ ලේසියෙන් කියන්නේ නැති නිසා.එක දවසක හඳහන් සහ ග්‍රහයෝ ගැන යන කතාවකදී දොස්තර කෙනෙක් වෙන අසංග ජයසුරිය මහතාගෙන් ඉන්දික තොටවත්ත  අහනවා මන් දැන් අනාවැකියක් කියන්න ද ඔබතුමා ගැන .මේ වෙලාවේ දොස්තර මහත්තයා කියනවා මං ගැන මොනවා කියන්න ද ඕනෙනම් කියයි මන් දොස්තර කෙනෙක් කියලා.එහෙම අනාවැකි නෙවෙයි පුද්ගලික දෙයක්.ඒ වෙලාවේ තොටවත්ත කියනවා දොස්තර මහතා තමන්ගේ බිරිඳ ට අයිති දෙයක් වෙනුවෙන් නඩුවක් තියෙනවා කියෙලා.කොතරම් උත්සාහ කලත් එහෙම දෙයක් නෑ කියලා දොස්තර මහතා කිව්වත්.සමීප රුප රාමු වලින් පෙනුනා යම්කිසි ඇත්තක් ඇති විත්තිය.මේක කිව්වේ ඉන්දික තොටවත්තගේ අනාවැකි හරි කියලා නෙවෙයි.එත් තමන්ගේ පුද්ගලික දේවල් අනිත් අය දැන ගන්න ඕනේ නැහැ කියා සිතීම ද වරදක් නෙවෙයි.එත් එකෙන් සමාජයට වැදගත් යමක් වෙනවනම් ,හොඳයි කියලා හිතනවානම් කිව්වට ද කමක් නැත.අන්දරමාන්න ගන්නේ තමන්ගේ කතාවෙන් සමාජයට වැදගත් වෙනවා නිසා කියන පුද්ගලික කතාවක් විදියට .

ආයි තැනක කියනවා '' මගේ බිරිඳ කැමැත්තෙන්ම මේ වැඩසටහනට එව්වා " ගොඩක් වෙලාවට බිරින්දෑවරු තමන්ගේ රහස් අනිත් අය දැන ගන්නවාට ද කැමැත්තක් නැත.අනික මේ දෙදෙනා විව්වාහ වී තවම වැඩි කල් නොගිය නිසා.අනික අන්දරමාන්න පොඩ්ඩක් හිට්  වීගෙන එන කාලේ නිසා.අනික මෙහෙම දෙයක් නොදන්නා අය දැන ගැනීමෙන් වෙන සමාජ ප්‍රශ්න වගේ දේවල් වලට පවා ඇය මුහුණ දෙන්න වෙනවා.ඒ අභියෝගයත් එක්ක ඇය කැමති වෙනවා.ඒ සමාජයට වැදගත් පණිවිඩයක් දෙන්න ..

අන්දරමාන්ගෙන් එතනදී සමීර අහනවා කොහොමද මේකට ඇබ්බැහි වෙන්නේ කියලා.එකට ඔහු හරි අපුරු උත්තරයක් දෙනවා ."සමීර මම කූඩු ගැහුව්වයි කියලා ඔයාට කූඩු ගහන්න එන්න කියලා .කෙනක් එහෙම විශ්වාස කරනවානම් ඒක අමුලික බොරුවක්" එයාලා මේකේ ආදීනව මේකයි කියලා කියනවා .ඒ එක්කම මේකේ ෆීල් එක මහ ඉහලින් වර්ණනා කරනවා .කැසට් කරන්න කොළඹ ගියාම එතන යම් යම් සමාජ තියෙනවා.ඒ සමාජ තමන් ,වීරයෝ කියලා පෙන්වනවා .ඒ සමාජයට පිටින් ගිහින් වෙනත් පාරක යන්න හැදුවොත් ,අර සමාජය තමන් කොන් කරයි කියලා බය ඇති වෙනවා.එක නිසා මුලින් අයිනෙන් ගිහින් වාඩිවෙලා ඉන්නවා.පස්සේ පොඩ්ඩක් ගන්නවා. දෙවෙනි දවසේ ආයි පොඩ්ඩක්එ ගන්නවා.ෆීල් එක මදි.ඊට වැඩිය ගන්නවා.එහෙම ගිහින් තමයි මේක ඇබ්බැහි වුනේ .

මේක අධ්‍යාපනයේ මදි කම ද සමජභාවිතයේ අල්ප දැනුම කියන කාරනාව වෙන්න පුළුවන්.තමන්ගේ පවෘශය ගැන තිබෙන ගැටලුව කි. එහෙම නැත්නම් ගමෙන් එහෙම එන අලුත් මල්ලිලා බා ගන්න කොළොඹ අයියලා බලා ඉන්නවා වෙන්නත් පුළුවන්.මත් කූඩු නිසා වැනසුණු අයියලා ,මල්ලිලා මතින් ගොඩ යන්න හදන උපක්‍රමයක් වෙන්න පුළුවන්.මෙහෙම දේවල් නිසා අපේ රටේ හොඳ කලාකරුවෝ කි දෙනෙක් වැනසුනා ද.අද සමහරු නැත්තටම නැති වී ගිහින්.එක්කෝ ලෙඩ රෝග වලට අසුවී.එයින් ගොඩ එන්නට පුළුවන් වුනේ කි දෙනෙකුට විතර ද.මේක කළා ලෝකයේ විතරක් නෙවෙයි සාමාන්‍ය සමාජයේ ද තියෙනවා.තමන් නොබිව්වොත් කොන් කරයි කියන හිනමානේ නිසා සමහරු බොනවා.යාලුවා නිසා ගන්නවා වගේ දේවල් තමයි කියන්නේ.



කළා ලෝකයේ මෙවෙනි අගාධයට ගිය කී දෙනෙක් සිටීද ..සමාන්‍ය සමාජයේ කී දෙනෙක් සිටී ද ..ඔවුන් මුදවා ගැනීමට අන්දරමාන්න ගේ ඉදිරිපත් වීම පලක් වේ ද ...


Wednesday, May 10, 2017

ඊට පස්සේ

ඊට පස්සේ කියන්නේ මේ නාට්‍යක්වත් ,නවකතාවක් හරි කෙටි කතාවක් වගේ එකක් නෙවෙයි.අවුරුද්දෙන් පස්සේ ඉතිරි මාස 3-4 හෙන බිසී කාලයක් නේ අපිට ඒ දවස්වල තිබුනේ.ඒ දවස්වල කියන්නේ ස්කොලේ යන කාලේ.මොකද අවුරුද්ද ගියපු ගමන් එන වෙසක් එක හෙන ජයටම අපි සමරනවා නේ .සමහරු ඉතිං අප්‍රේල් 20 වගේ ඉදන් තමයි  වෙසක් එකට  ලේස්ති වෙන්නේ.වෙසක් කිව්වොත් සරුංගල් .,වෙසක් කූඩු ,දන්සල් තමයි ඉතින් ඔන්න

වෙසක් එකට ගමන් තුනක්වත් කැලේට යනවා .ඉස්සෙල්ලම යන්නේ වේලිච්ච කිතුල් පිලි .තල් ඉරටු හොයාගෙන ..කට්ටිය ත් එක්ක කැලේට යනවයි කියන්නෙත් මාරම ගමනක් .ගෙවල් වලට හොරෙන් යන මේ ගමන් නිකන් හොල්මන් ෆිල්ම් එකක් බලනවා වගේ.කට්ටිය ත් එක්ක යන කොට ටිකක් කල්පනාවෙන් යන්න ඕනේ.මොකද කයිය පිට ගියොත් මොකක් හරි කට්ටියට හිනා වෙන්න වැඩක් කාට හරි කරන නිසා.දවසක් ඔහොම යද්දී කට්ටිය මාව නිකන් ආඩි  පාරෙන් එලියට යන විදියට කට්ටිය ඈත් වෙනවා.මන් දන්නවා මොකක් හරි ගේමක් තමයි කියලා.පොඩ්ඩක් වට පිට බැලුවා ..අප්පා හෙන කහඹිලියා ගොඩක්.මන් ටිකක් පස්සට වුනා.මට මෙහා පැත්තෙන් ගිය අජිත්ට මතක නැති වුනා ඕක.මොකද කතාව ඒ තරම් රසවත් නිසා.අජිත් දන්නෙම නැතිව කහඹිලියා ගාලේ.දැන් අජිත් උඩ පැන පැන කසනවා.අනිත් අය මහ හයියෙන් හිනා වෙනවා.ටිකක්  වෙලා  කට්ටිය හිනා වෙලා ඉවර වුන් පස්සේ ගෙනාපු පිහිවලින් අර බූව ටික හුරලා අයින් කරනවා.එතකොට ඉතින් වෙන්න ඕනේ හරිය වෙලා ඉවරයි.

ආයි කරන දෙයක් තමයි ඔන්න සර්පයෙක් කියලා කට්ටිය බය කරන එක,මොකද මේ කන්දේ නයි පොලොංගු පිඹුරෝ ඉදලා ඔය කරවැලා කුනකට්ටා වෙනකන් සර්පයෝ ඉන්නවා .එක පාරක් එහෙම බය වෙඡ්චා කෙනෙක් උඩ පැනලා අඩිය තිව්වේ බෝල ගලකට.මිනිහා ගලත් එක්ක බොලේ වගේ පෙරලිලා පල්ලෙහාට ගියා.කට්ටිය ඉතින් යනකන් එනකන් මිනිහා පෙරලුඅන් හැටි තමයි කතාව.ඔහොම යද්දී මට ඇහෙනවා  සතෙක් දගලන සද්දෙයක්.කොයි එකටත් අනිත් අයට කිව්වා සරපයෙක් ඉන්නවා කියලා.කට්ටිය එච්චර ගණන් ගත්තේ නෑ.එක යාලුවෙක් කෙලින්ම කකුල තියලා තියෙන්නේ සර්පයාගේ ඇඟ උඩ .මිනිහට කකුලට හීතලට දැනිලා.එක පාරටම බුදු අම්මෝ කියලා කෑ ගහපි.එතකොටම යෝධ කහ ගරඩියෙක් නිකන් නයා පෙනේ පුප්පනවා වගේ ඉස්සුනා.කට්ටියට සතාට බය නැතිවුනත් හෙන අප්පිරියාවක් වගේ දැනුනා.ඔහොම  යන කොට කට්ටිය හොඳටම බය වෙඡ්චා දවසකුත් තිබුනා.කට්ටිය ගිහින් කිතුල් පිත්තිත් කපාන එනවා.අපිත් එක්ක ගිය එක අයියා කෙනෙක් දර කාලක් උඩින් පැනලා ගියා.ඊට පස්සේ ගියපු කෙනා අර දර කෑල්ලට පයින් ගැහුව්වා.පයින් ගැහුව්වා ගමන් බොස් ගාලා සද්දයක් විතරයි ආවේ.අර අයියා අපිවත් පෙරලගෙන කන්දේ උඩහට දිව්වා.හෙන පිඹුරෙක් ගොදුරක් ගිලලා ඉදලා තියෙන්නේ.අපි යනකොටත් මූ මෙහෙම ඉන්න ඇති කියලා තේරුනාම තමයි කට්ටිය හොඳටම බය වුනේ.

ඒ දවස්වල අපිට සරුංගල්වේ හදන්න දන්නේ නෑ.ලොකු අයියා කෙනෙකුට කියලා තමයි සැකිල්ල බන්දවා ගන්න ඕනේ.ඒකට හොදම කෙනා තමයි සිරි අයියා.හැබැයි සිරි අයියගෙන්ලි සරුංගලයක්ච්ච හදා ගන්නවයි කියන එක ලේසි නැත.මුළු අවුරුද්දක්ම අවාතෙව කම් කරන්නම වෙනවා.සිරි අයියා සරුංගලේ හදලා පිහියේ තුඩ උඩ තියලා තමයි බැලන්ස් කරන්නේ.ඒ හැකියාවනම් පුදුමය . කිතුල් පිතිය වලින් හදපු සරුංගල් ලොකු අයද ,තල්  ඉරටු වලින් හදපු සරුංගල් පොඩි අය මේ දවස් වල යවනවා.තවත් අය පොල් කොළ ඉරටු වලින් හදපු ඒවත් ගෙනාවා.ඔය කොයි කවුරු ආවත් ලොකු අයගේ සරුංගල් වලට සහයෝගය දෙන්නම ඕනේ.නැත්නම් ඒ අය පොඩි අයගේ සරුංගල් වල නුල පටලවා කඩනවා.ලොකු අය තංගුස් නුලද ,පොඩි අය සන් නුල් තමයි ගත්තේ.ඉතින් තමන්ගේ සරුනගලේ කැඩෙනාවට  අකමැති නම් ලොකු යට සපෝට් කරන්නම වෙනවා .ආයි ජොලිම වැඩේ තමයි සරුංගලයක් කූරිය ගහලා බාන වෙලාවට හරි නූල කඩාගෙන ගියොත් පස්සෙන් දුවන එක.සමහර වෙලාවට උඩ බලාගෙන දිව්වේ කොහොමද කිව්වොත් ආයි ඒ පාරෙන් ආපහු එන්න බැරිය .

ආයි කැලේට යන්නේ කූඩු බඳින්න පට්ට ගන්න.ඕකට ඉතින් දැමිණ හරි වෙලන් පට්ට තමයි ගන්නේ.ඔය වැඩේනම් ලොකු කෙනෙක් තමයි ගොඩක් වෙලාවට කරලා දෙන්නේ.මන් නම් ඔය පට්ට ගන්න ලී කපන්න කැලේට ගිහින් නැති තරම්.මොකද අච්චිලයි ගෙදර ගියපු ගමන් රබර් වත්තට පැන හොරෙන් ඔට්ටපාළු ටිකක් ගලවන් එනවා කූඩු බඳින්න.ඔට්ටපාළු වලින් පට්ට වලට වැඩිය හොදින් කූඩු බදින්න පුළුවන් .ආයි ඉතිං කට්ටියත් එක්ක යනවා උණ ගස් කපන්න.මෙහෙ බට ගස් නැති නිසා උණ ගස් වලින් තමයි කූඩු හැදුවේ.ගොඩක් මොරලත් නැති ගොබත් නොවන සාමානය ගානේ උණ ගස් තමයි කපන්නේ.ගොඩක් වෙලාවට උණ ගහේ මැද විතරයි අරන් එන්නේ.මොකද මුල මෝරලා ,අඟ ලා නිසා.උණ ගස් කපාලා දාන දාඩියට උණ බූව ගෑවුනාම කට්ටිය කසන්නේ ඔක්කොම තරගෙට වගේ.අන්තිමට කට්ටිය කසපු තරම කිව්වොත් ඔක්කොම රතු පාටට තමයි කැලෙන් එලියට එන්නේ.ආපු ගමන් කරන්නේ නා ගන්න එක තමයි.ඒ නානකොට තවත් සුන්ඳරය.උණ කොළවලට කැපිච්චා ඔය වෙන වෙන ඒවාට හිරිච්චා වලට වතුර වැටෙනකොට දැනෙන සනීපෙ ගැන නම් කියන්න වචන නැහැ.

ඊට පස්සේ කට්ටිය වෙන වෙනම තමයි ගෙවල් වල කුඩු හදන්නේ.තමන් හදන කූඩුව ගැන කලින් කාටවත් කියන්නේ නැහැ.කට්ටියට හොරෙන් තමයි කූඩු හදන්නේ.දවල්ට සරුංගල් ඇරලා ඇවිල්ලා රෑට තමයි කූඩු හදන්නේ.අටපට්ටමේ සිට දහඅට පට්ටම දක්වාත් තරුවේ සිට නෙලුම් මල් දක්වාත් හඬනවා.අට්ටපට්ටමට අනිවාර්යෙන්ම පැටව ද පැටවුන්ට පැටව් ද හදනවා. පස්සේ ප්ලේන් ,දළදා මාලිගාව වගේ එව්වත් හැදුවා.පොල් තෙල් පහන් හරි ඉටි පන්දම් හරි තමයි ගොඩක් වෙලාවට පත්තු කරන්නේ.ඒවා පත්තු කරන නිසා බාන්න පුළුවන් වෙන්න තමයි හැදුවේ.මොකද ඒ කාලේ අපිට කරන්ට් එක තුබුණේ නෑ.පස්සේ කාලෙක මම කරන්ට් එක ආපු කාලෙක ටියුබ් ලයිට් එකක ස්ටාටරයක් අරන් ඔටෝ මැටික් වෙන්න හදලා තිබුනා.එකටනම් යාළුවො ගොඩක් පුදුම වුනා.ඇත්තටම ඒක ඔටෝ මැටික් වුනා නෙවෙයි.ලයිට් එලිය ගැස්සුනා විතරයි වගේ.ඔය ඔක්කොම වැඩ පෝය දවස වෙන කොට ඉවර කරලා තියෙනවා.

පෝය දවසේ උදෙන්ම පන්සල් ගිහින් ගෙදර එනවා.ඊට පස්සේ කට්ටියත් එක්ක දන්සල් වන්දනාවේ යෑම තමයි කරන්නේ.පොඩි දවස්වල නම් අහල පහල අයත් එක්ක ලෑන්ඩ් මාස්ටරේ තමයි යන්නේ.ඉස්සරහා පුවක් මලක් අනිවාර්යෙන්ම ගහනවා.ටෙලරේට කොටු බැදලා ටෙන්ට් රෙද්දක් බදිනවා.නැත්නම් කොටු විතරක් බැදලා රෙද්ද නොදා යනවා.වැස්සොත් විතරක් දාන්න.ට්‍රැක්ටරේ කොහොමත් 50 විතර යනවා.ලොකු කදු තිබුනොත් බැහැලා තල්ලු කරන්න ඕනේ.වෙසක් එකට මේ පැත්තේ එච්චර දන්සල් නැත.තියෙන්නේ තේ ,බත් දන්සල් විතරයි.දැන් කාලේ වගේ බිම ,සව් .අයිස්ක්‍රීම් තිබුනෙම නැත.ඉදාලා හිටලා තැනක් තැඹිලි දන්සල් තිබුනා.ට්‍රැකටරේ ගියාම නිදහස අඩු නිසා පස්සේ කාලෙක කාත් එක්ක හරි බයිසිකලේක එල්ලිලා යන්න පටන් ගත්තා.එතකොට ඉතින් මට බයිසිකල් පදින්නත් බැහැනේ.කාගේ හරි බයිසිකලේක තමයි යන්නේ.කදු සේරම තල්ලු කිරීම මගේ වගකීම.මාත් බයිසිකලයක් ගත්තම තමයි හොඳම නිදහස ආවේ.ඒ කාලේ වෙනකොට බිම ,සව් දන්සල් තිබුනා.වෙසක් පෝයේ පලවෙනි දවසේ කොහොමත් දන්සල් 25 -30 අතර ගානකට වගකියලා තමයි එන්නේ.බයිසිකලෙත් කිලෝමීටර් 50 විතර පදිනවා.ගෙදර එන්නේ නිකන් බඩ කොරවෙලා වගේ.මොකද කාපු බිපුවගේ තරම නිසා.කිසි දන්සලක් අතාරින්නේත් නැත.කොඩිය නොදැම්මත් දන්සලට ගිහින් කන පුරුද්දක් අපිට තිබුනේ.

මේ පොයටනම්දැ දන්සල්න් වල ලොකු අඩුවක් තියෙනවා.දැන් ඉන්න පොඩි අය ඔහොම බයිසිකල් වල දන්සල් වන්දනාවේ  යනවා මන් නම් දැකලා නැත.ඒ අතින් අපි කොච්චර නරකද කියලත් දැන් ළමයි හොඳයි කියලත් හිතන්න පුළුවන්.එත් ඒකාලේ මරු .

දැන්  නම් ඉතින් දන්සල් දෙක තුනක් විවෘත කරන්නත් පෝය දවස්වලට තියෙනවා.දන්සල් වලට යනවයි කියලා යන්නෙත් ඒ දෙක තුනට විතරයි.වෙසක් පෝය ගියාම එන පොසොන් පෝයටත් අපි  ගොඩක් බිසී.ඒ කාලේ ......

Sunday, May 7, 2017

චුටි ටීචර් සහ අපේ පංතිය

අලුත් අවුරුද්දේ අලුත් පන්තියට ගියාම හොයන දෙයක් නේ කව්ද උගන්වන්න ඉන්න ගුරුවරු ,පන්ති බාර කව්ද වගේ ඒවා .අපේ වුන් කවුරුත් කුරු කුරු ගගා හිටියේ ජෝතිපාල මහත්තයා පංතිය බාර ගත්තොත් ඉවරයි කියලා .මොකද 10 වසරේ ඉදන් විභාගේ ලියන කන් එකම ගුරුවරයෙක්ට තමයි පංතිය භාර දෙන්නේ  .එහෙම උනානම් අවුරුදු දෙකම ජෝතිපාල මහත්තයත් එක්ක ඉන්නවයි කියන්නේ මැරුවා සමග වාසේ වගේ තමයි ..ජෝතිපාල කියන්නේ සර්ගේ නම් නෙවෙයි ..කොහේ ගියත් කියන්නේ ජෝතිපාලගේ සින්දු විතරයි ..ඒක නිසා කවුරුත් කිව්වේ ජෝතිපාල කියලා තමයි.ඇත්ත නම නම් මතකම නෑ .

ඔන්න ඉතින් ජනවාරි වල ස්කොලේ ගියාම හැමදාම වගේ නිතරගයෙන්ම පන්තියේ මොනිටර් කම ලැබෙනවා .අපේ  .උන් කියන්නෙම කිබුලට කිරි මැටි වගේ තමයි මට මොනිටර් කම කියලා ,මේක නිතරගයෙන් දෙන්නේ 7 වසරේදී උගන්වපු මලානි ටීචර් නිසා තමයි.ඒ කාලේ මන් නොසන්ඩාල කොල්ලෙක් නිසා හදන්නලු මොනිටර් කම් දුන්නේ..පන්තිය උන් වැරද්දක් කරලා අහුවුනත් ඉතින් මට සඳ ගුටි ..අනිත් උන්ට එකනම් මට දෙකයි ..ඔය මොනිටර් කම් නිසා මන් ටිඅක ශේප් එකේ ඉන්න පුරුදු වුනා ..

මොකක් හරි වැඩකට ඔෆිස් එකට ගියාම ප්‍රින්සිපල් මගෙන් ඇහුව්වා කව්ද පන්තිභාර ඕනේ කියලා ..මන් කියන්න හිටියේ ඉතිහාසේ මිස් හරි සිංහල මිස් දෙන්න කියලා .එත් මන් ප්‍රින්සිපල් එක්කගෙන ගියා ස්ටාෆ් රූම් එකට .එතන හිටියා අලුත් පත්වීම් අරගත්තු මිස්ලා හතර දෙනෙක්.ඒ මිස්ලා පෙන්නලා ඇහුව්වා කව්ද පන්තිභාර ඕනේ කියලා ..අම්මට සිරි කිව්වලු ..මන් කොයි එකටත් මිස්ලා දිහා හොඳට බැලුවා .එතන හිටියා වැඩිය උස මහතා නැති .කොටින්ම කියනවනම් අවුරුදු 15 කෙල්ලෙකුගේ සයිස් මිස් කෙනෙක්.හිනා වෙනකොට කම්මුල වල ගැහෙන ..ඒ එක්කම නල දත් තියෙන මිස් කෙනෙක් .මන් කිව්වා ඒ මි හොඳයි කියලා ..ඒ මිස් හොඳයි කිව්වම සමහර සර්ලා මිස්ලා චුටි ටීච දිහා බැලුවේ පහුවෙනිදා රස්සාවට නෑවිදින් ඉදියි කියලා වගේ කියලා මට තේරුනා ..මොකද අපේ පන්තියේ කිසිම මුල් ම පත්වීමක් ලබපු කෙනෙක් වැඩි දවසක් උගන්නපු නැති නිසා ..මොකද අපේ උන් ඉස්සෙල්ලම මිස් රැග් කරන නිසා ..හැබැයි සරත් සර් විතරයි කිසිම ප්‍රශ්නයක් නොවී අපිට ඉගැන්නුවේ..හැබැයි සරත් සර් කිසිම දිනක කොටුවකින් පාරක් තියා අතින්වත් ගසා නැත.එත් අපි පුදුම කීකරු කමක් තියෙන්නේ ..මිස් කැමති උනා අපේ පංතිය භාර ගන්න.මම මිසුත් එක්ක එලියට එද්දී සමහරු මගෙන් ඇහුව්වේ හෙට මිස් එයි නේද කියලා ..මිස් මගේ පස්සෙන් අපේ පන්තියට එන්න අවා .ඒ එන ගමන් මිස් මගෙන් ඇහුව්වේ ඇත්තටම මෙහෙ දුෂ්කරයි ද කියලා .මාත් ඉතින් මට නම් එහෙම නෑ කියලා කිව්වා ..

මිස් මගින් නතර කරලා මන් පන්තියට දුවලා ඇවිත් අපේ උන්ට විස්තරේ කිව්වා.අපේ උන් ඉස්සි බලනවා .සමහරු උන් එක එක යෝජනා දානවා මිස්ව රැග් කරන්න.ඒ එක්කොම ශේප් කරන මිස්ව පන්තියට එක්ක ඇවිත් කතාවක් කරලා අදුන්වලා දුන්නා.මන් මිස්ගේ නම දන්නේ නැති නිසා අදුන්නලා දෙද්දී චූටී ටීචර්ව සාදරයෙන් පිලිගන්නවා  කියලා කියපු නම් තමයි අන්තිමට චුටි ටීචර් උනේ .හැබැයි මිස් කතාව කරද්දී බාධා කරන්නේ නැතිව අහගෙන ඉදලා මිස් ගේ කතාවේදී නම ගම කිව්වා.යශෝධරා මිස්ගේ ගම දෙහිවල.අපේ උන් දෙහිවල කියද්දීම ඇහුව්වේ අඹුල් තියේ ද කියලා .මිස්ටත් එකට හිනා.හැබැයි මන් කියපු එකාට ඔරෝපු නිසා කතාව එතනින් ඉවර වුනා .ටිචර්ටත් පුදුමයි අපේ පන්තියේ සයුතිය ගැන ගෑනු ළමයි 32 පිරිමි ළමයි 9 .එකෙනුත් දෙපැත්තේම ඉස්සරහින් ඉන්නේ ගෑනු ළමයි.අපි හිටපු පැත්තේ මුල්ම පේලි 3 ගෑනු ළමයි.ඉතිරි පෙලි දෙකේ තමයි අපි 9 දෙනා හිටියේ .ඇයි මේ පිරිමි ළමයි පස්සේ කියපු එකට අපේ සිසිරයා කිව්වේ එයාලා කැම්පස් එකට ළඟ නිසා ඉස්සරහින් තිව්වා කියලා.

මිස් කතා කරන කොට "නේද් නේ " කියලා හැම තිස්සෙම කියන්න පුරුදු වුනා.අපේ පන්තියේ කෙල්ලොන්ටත් එච්චරකල් නැතිවම බැරිව හිටිය අපි කොල්ලෝ නම දෙනාට වැඩිය මිස් ව ලොකු උනා.එකට අපේ සමහර උන්ගේ නම් වැඩි කැමැත්තක් තිබුනෙම නෑ .අපේ උනුත් මිස්ව අනුකරණය කරන්න ගත්තා.ඒ වගේ පිළිවෙලට එන්න පුරුදු වුනා.එකෙන් මෙච්චර කල් අර නවදැලි හේනේ පිච්චුනු වදිරියෝ වගේ හිටපු කෙල්ලෝ නිකන් සුරංගනාවියෝ වගේ නැතත් ,ටිකක් ලස්සනට ස්කොලේ අවා.එකෙන් උනේ ඉහල පන්තිවල කොල්ලෝ අපේ පංතිය වටේ කැරකෙන්න පටන් ගත්තා.එකත් චුටි ටීචර් ඈවිල්ලා කරපු හොඳ දෙයක් වුනා.කෙල්ලෝ උක්කොම මිස් වගේ වෙන්න පටන් ගත්තා.මිස් නැවතිලා හිටියෙත් අපේ ගෙවල් ළඟ ගෙදරක.මන් බයිසිකලේ න් තමයි ස්කොලේ ආවේ ගියේ.හැබැයි මිස් බයිසිකලේ යන්න කොච්චර කතා කලත් ආවේ නම් නෑ.හැබැයි බයිසිකලේ ඉල්ලගෙන තනියම පැදලා තියෙනවා.නැත්නම් ස්කොලේ හවස පංති තියෙන දවසට මිස් බයිසිකලේ ඉල්ලා ගන්නවා .මන් ඉති හවසට ගිහින් බයිසිකලේ ගෙන්න යනවා .නැතනම් මිස් ගෙදර එන ගමන් ගෙනත් දෙනවා .

මිස් අපිට ගොඩක් ලං වෙලා.අපේ යාලුවෙක් තරමට ම.මිස්ට ඕෆ් පීරියඩ් වල අපිට උගන්වන්න කවුරුවත් නැත්නම් මිස් ඇවිත් අපිට ඉංග්‍රීසි කියලා දෙනවා.ඒ අවම අපේ කෙල්ලෝ වට කරන ඕප දූප කතා තමයි වැඩිපුර කෙරුනේ.අපේ පන්තියේ උන් ඕපා දුපෙට නියම කට්ටිය.යන්තන් වචනයක් තිබුනම් ඇති දවසෙම කියවයි.චුටි ටිචත් එකටනම් අහුවෙලා හිටියේ.ඒ වෙලාවටනම් එයාටත් ගුරුවරියක් කියලා අමතක වෙනවා වගේ.අනික ටිචරුයි අපි අතරේ එච්චර ලොකු වයස් පරතරයක් නැති නිසා මිස්ටත් ඒක අමතක වෙනවා ඇති.අපේ පන්තියේ හිටපු කොල්ලන්ගේ සිහින කුමාරිත් ඒ වෙනකොට මිස් වගේ වෙන්න ඕනේ කියලා හිතිලා තිබිච්ච උන් හිටියා.ඊට කලින් ට්‍රයි කරපු කෙල්ලෝ නිකන්ම විසි වෙලා ගියා.මොකද මිස් වගේ නෙවෙන නිසා ....

ඔය කිව්වේ පොඩි හැදින්වීමක් විතරයි ..රස කතා බලාපොරොත්තු වන්න 

Sunday, April 30, 2017

රතු කමිසය

සාදුකින් පෙලෙන වුන් දැන් ඉති නැගිටියව් .......
ආ ...සහෝදරයා පෙළපාලියට යන්න වගේ ..
නැතිව නැතිව බෑනේ ..එතකොට ඔය සහෝදරයා 
ආ...මන් මේ මිටියයි දෑකැත්ත හොයාගෙන යන ගමන් 
ඒ මොකද .....
අපේ පක්ෂේ දෙකට කැඩීලානේ ... උන් යද්දී කෑලි දෙක අරන් ගිහින් ...මන් ඒක එකතු කරන්න යන ගමන් 

අමරබන්දු පිටව යන ජයසේකර දිහා කිසි හැගීමකින් තොරව බලා සිට දිග හුස්මක් හෙලීය. මාසේ වැටුපෙන් කරන්න තියෙන වැඩ සහ ණය ගැන කල්පනා කරමින් ගෙදරට ආ අමරබන්දු පියවි සිහිය ලැබුවේ මැටිල්ඩා ගේ කට හඩිනි ..

මොකෝ මේ බර ක්ල්පානාවක ..
ධනපතියා භංග වේවා - කම්කරුවා දිනේවා .
දැන් එතකොට ඕක ගැනද කල්පනා කර කර හිටියේ .
මේකනේ මැටි ..හෙට අපේ දවසනේ ..
ඒ කියන්නේ 
හෙට කම්කරු දවස 
එතකොට අනිත් දවස් කාගේද 
ඒ දවස් ඉතිං .....අපේ නෙවෙයි නේ ..
හරි හරි ..දැන් ඔයා හෙට මොනවද කරන්නේ 
ආ ..කිව්වමයි මතක් වුනේ හෙට පෙළපාලියට යන්න එන්න කියලා මන්ත්‍රීතුමා කිව්වා ..
සල්ලි නම් ඉල්ලන්න එපා ...මාසේ වියදමට ගානටම්යි තියෙන්නේ 
ඒ ඔක්කොම මන්ත්‍රී තුමා ගානේ තමයි ..තව කෑම බිමත් දෙනවා ..

මට කතා කර කර ඉන්න වෙලාවක් නෑ වැඩ තියෙනවා 

මැටිල්ඩා පිටව ගිය පසු අමරබන්දු කල්පනා කරේ කොච්චර ot කලත් මාසේ අන්තිමට ගන්න පඩිය ,මාසයක් ජිවත් වෙන්න මදි බවය.අමරබන්දු හෙමින් හෙමින් කුස්සිය පැත්තට ගියේ කෑමට ඇත්තේ මොනවද කියලා බැලීමටය ..හට්ටි ඇර  බැලු විට දැක්කේ අදත් සුපුරුදු කෑම වෙලාම ඇති බවය ..එකෝ ලංකාවේ පරිප්පු තහනම් කල යුතුය ..එතකොට වෙන මොනවා හරි කන්න හැකිය.එත් ..අඩුවට තියෙන දේ නේ මේ කියා අමරබන්දු හිත හදා ගත්තේය ..

මේ මැටි ...හෙට දෙන කෑම එකක් ඔයාටත් අරන් එන්නනම් ..
ඒ කොහොමෙයි 
එක මන් කරන්නම් කෝ 
මොනවද ඔය කෑමට දෙනවයි කියන්නේ 
චිකන් ප්‍රයිඩ් රයිස් ලු 
හැබැයි ජරාව කටේ දෑ ගත්තම ඕවා මතක්වෙයි ද දන්නේ නෑ ..මතකනේ ගිය සැරේ හතර ගාතෙන් අවා ..

තවත් එතන හිටියොත් මැටිල්ඩා ගේ කුරු කුරුව ටික ටික වැඩිවී කන්දොස්කිරියාවක් වෙන්න කලින් සාලෙට ආවේය ..හෙට ඇදන් යන්න ඇදුම් පිළියෙළ කරග්ගන් සිතා අල්මාරිය පැත්තට ගිය අමරබඳුට ..,තමන්ගේ රතු කමිසය එහි නැති බව ය ..

මැටි ..කෝ මගේ අර රතු කමිසේ 
අල්මාරියේ ඇති ..
මේකේ නැහැ.. නේ 
හොයන්නකෝ ..
මේ හොයලා දෙනවා කෝ 
මේ මොන කරදරයක් ද මන්දා 

මැටිල්ඩා වේගයෙන් පැමිණ අමරබන්දු අත කමිසය තැබීය ..

මේකේ පාට රතු නෙවෙයි නේ 
හෙදුවම සායම ගියා 
එක පාරයිනේ ඇන්දේ 

ගිය අවුරුද්දේ මැයි දිනේට යන්න  පොඩි මුදලාලිගෙන්රු පියල් 1000 පොලියට අරන් ගත්ත කමිසේ රෝස පාට වෙලා ..ඔය දාහේ පොලිය ගෙවා ගන්නත් මාස කිහිපයක් ගියා ..මුදලාලිගේ කරු කුරුවත් සෑහෙන්න අහන්න වුනා ..දැන් ඉතින් මොනවා කරන්නද ..කුස්සියට ගොස් වතුර උගුරක් බි පුටුවෙහි ඇලවුණු අමරබන්දු .....එක පාරටම පුටුවෙන් නැගිට 
මැටිල්ඩා ..හෙට මන් පෙළ පාලි යන්නේ නෑ ...



Sunday, April 23, 2017

ගෑනු ෂොපින්

අපේ එකෙක් ඊයේ කියනවා .අවුරුද්දට කරන්න තියෙන වැඩවලින් එපා කරනම වැඩේ ලු ගෑනිත් එක්ක ෂොපින් කරන එකලු..කොටින්ම පොලේ ගියත් මුළු පොලේම ඇවිදින්න ඕනලු.. අවුරුදු කාලෙට පොළ කියන්නේ සෙනග සෑහෙන්න ඉන්නවා නේ..එත් ගණක නැතිලු..අන්තිමට මිනිහට  මල පැනලා බඩු  අරන් එන්න කියලා පැත්තකට වෙලා ඉන්නවලු .. කිව්වම මට පොඩි කතාවක් මතක් වුනා .. කතාවක් කියන්නේ  මන් අත්දැකපු සිද්දි ටිකක් 

 සාපෙ ලියලා ගෙදර ඉන්න තියෙන මාස තුනේ සල්ලි ටිකක් හොයා ගන්න ජොබක් හෙව්වා ..කොහොම හරි අන්තිමට කොළඹ සපත්තු ෂොප් එක්ක ජොබ සෙට් වුනා .එක තට්ටු දෙකක එකක්..එකේ යට තට්ටුවේ ටමයි ගෑනු අයගේ සපත්තු බෑග් තිබුනේ..එකේ එකම ඩිසයින්  එකේම  පාට පාට සපත්තු සෙරෙප්පු ගොඩක් තියෙනවා ..උඩ තියෙන පිරිමි එකේ තියෙන්නේ එක ඩිසයින් එකකින් එක ගානේ විතරයි..උඩට ඉන්නෙත් එක පිරිමි ලමයි..පල්ලෙහා තව අක්කලා තුන් දෙනෙක් හිටියා..මටත් සෙට් වුනේ පහල තියෙන එක..

මුල් දවස්වල තිබුනේ ඉති අර අක්කලාට හෙල්ප් පාරක් දීගෙන ඉන්න එක විතරයි..පස්සේ මටත් බිනස් කරන්න වුනා..ගෑනු කෙනෙක් ආපු ගමන් මැඩම් කිව්වා ගමන් ඒ කෙනාගේ කට උකුණු වලට විතර ඇදිලා යනවා ..මැඩම් මොනවද බැලුවේ..අලුතෙන් ආපු සපත්තු සෙරෙප්පු හෑන්ඩ් බෑග් තියෙනවා කියලා කියනවා ..ගොඩක් අය එන්නේ සෙරෙප්පු බලන්න තමයි..පස්සේ ඒ ගෑනු කෙනා පස්සෙන් යනවා ..ගිහින් එයා තොරණ ඩිසයින් වලට ඇහැ ගහගෙන ඉන්න ඕනේ ..ඊට පස්සේ එයා තොර ගත්ත ඒවත් එක්ක කන්නාඩි ය ලගට ගිහින් අයි කකුලට දාගෙන හැඩ  බලනවනේ ..ගොඩක් වෙලාවට ඔය සෙරෙප්පු සපත්තුවල තියෙන බකල් හරි ගස්සලා කකුලට ෆිට් ද කියලා බලන්න ඕනේ වැඩ කරන කෙනා ..ඒ දවස්වල ජනප්‍රියම විලාසිතාවක් තමයි දිගට ඇදලා උඩට පලපු එක..ඕක තමයි කට්ටිය ආපුවම කෙරෙන සාමාන්‍ය විදිය..

ඕකට එනවා ඔප දුප සංගමයක් ..ඒ ලග ක්ලාස් එකක ළමයි ගෙනත් දාන අම්මලා සෙට් එකක්..එයාලා අවම මුල් කාලේ බිස්නස් එක කරන්න දුන්නේ මට..අර අක්කලා මිසින් වෙනවා .මමත් හරි සතුටින් බාරගන්නවා එක පාර බිස්නස් ගොඩක් කරගෙන කොමිස් එකක් ගන්න පුළුවන් නිසා .අපි කඩේ බිස්නස් එකක් කලොත් කොමිස් එකක් පඩියට එකතු වෙනවා .අපෝ මුළු කඩේම ඇදලා පෙන්වන්න ඕනේ..හැම එකකම මොකක් හරි ඇදයක් කියනවා ..අන්තිමට රුපියල් 100 විතර පොඩි එකක් තමයි අරන් යන්නේ..අන්තිමට අර ඇදපු ටික ආයි  පිළිවෙලට තියන්න ගියාම දවස ඉවරයි..එයාලා හැම සතියෙම එනවා ..හදිස්සියෙන් දවසක විතරයි ටිකක් ලොකු ගානක එකක් ගන්නේ..මන් ගෙදර එනකන් එයාලගෙන් බේරෙන්න බැරි වුනා.

තවත් එනවා ගණන් කියලා ඉවරයක් නැති කට්ටියක්..ඔය රාක්කවල තියෙන්නේ මිල අනුව තමයි ..හැම තිස්සෙම ගණන් දාලා තියෙන්නේ 100 වැඩියෙන් ..අඩු කරන්න බැරි ද කියලා ඇහුවම ගැන අඩු කරලා කියනවා ..අපි ගණන් කියද්දී එයාලට කල්පනාවෙන් කියන්න ඕනේ..අපෙන් ගාන වෙනස් වෙච්ච ගමන් කොක්කට එන අය ..එයාලත් ගොඩක් වෙලාවට බඩු ගන්නේ නැති තරම්..හැබැයි අර වගේ කකුලට දාලා හැඩ බලන්නේ අඩුවෙන් ..කොහොම හරි කකුලට දම්මුවොත් බිස්නස් එකක් කරගන්න පුළුවන් .

තව කට්ටියක් එනවා ඔෆිස් යාලු වෝ ..ඒ කියන්නේ ඔෆිස් එකක  වැඩ කරන කට්ටිය ..එයාල යාළුවො ගොඩක් එක්ක එනවයි කියන්නේ බඩු බලන්න විතරයි..එයාලටත් මුළු ෂොප් එකම පෙන්වන්න ඕනේ..ඒ මුණු මතක තියාගන්නම ඕනේ..මොකද එයාලා බඩු බලද්දී තෝරපු ඩිසයින් ගැන මතකයක් තියෙන්න ඕනේ..එයාලා තනියෙන් එනවයි කියන්නේ අනිවාර්යයෙන්ම බිස්නස් එකක් වෙනවා තමයි..මැඩම් ට මේක ගොඩක් ලස්සනට තියෙයි.කියලා එදා තෝරපු ඩිසයින් එකක් පෙන්නවා .එයා අර මිල වැඩි ඒවා අත ගගා ඉදලා වට පිට බලලා මේ ඩිසයින් එකේම ගාන  අඩු එකක් නැද්ද කියලා අහනවා .ඉතින්  පස්සේ ඒ ඩිසයින් එකේම ලෝකල් එකක් දෙනවා ..ඔය ආපු අය ඉන්නේ එක එක අයට හොරෙන් .සමහර වෙලාවට ආයි බඩු අතගගා ඉන්නවනම් "මැඩම්  එක්ක ආපු අර එක මිස් කෙනෙක් මේ ජාතියේ එකක් අරන් ගියා කියලා මිල වැඩි එකක් පෙන්නුවම්..ගොඩක් වෙලාවට එයත් අර ලෝකල් එකක් අරන් යනවා .

තව කටිටියක් එනවා කලින් අරන් ගියපු එකක් කැඩුනා කියාගෙන එන කට්ටිය..එයාලගේ ට්‍රයි එක හොඳ එකක් ලෝකල් එකෙක ගානට ගන්න එක.හැබැයි එයාලට කඩේම ඇදලා පෙන්වන්න ඕනේ නෑ..එයාලගේ කන්දොස්කිරියාව අහන ඉන්න එක තමයි වැඩේ .

ඊලග කට්ටිය තමයි මැඩම්ට මේක ලස්සනයි කියලා කිව්වම ගන්න අය .එයාලා හරි කැමතියි ලස්සනයි කියනවට .එයාලත් වැඩිය බඩු අදින්න ඕනේ නෑ .දෙක තුනක් බලලා මේක ලස්සනට තියෙනවා කිව්වා ගමන් එක ගන්නවා ..තව කට්ටිය එනවා අර ආපු නිසා මොනවහරි ගන්න ඕනේ කියලා හිතාන එන කට්ටිය..එයාල ගෙන් කරදරයක් ඇත්තෙම නෑ .

ආයි එනවා පුරාජේරුවට කැමති අය ..එයාලත් එන්නේ තව කවුරු හරි එක්කෙනෙක් දෙන්නෙක් එක්ක..ඒ ආපු අනිත් අයට වැඩිය වටිනාකම් වැඩි බඩු තමයි ගන්නේ.එයාලට බිස්නස් කරන්න මාර ලේසියි..සල්ලි සේරම කඩේට දීලා යන්න උනත් බැරි කමක් නෑ ..මොකද ඒ තරම් කැමතියි මුරුංග ඇත්තේ තියලා කතා කරනවට..තමන්ගේ යාලුවන්ට වඩා කැපිපෙනෙන එක තමයි එයාලගේ ගේම් එක..එක නිසා කිසි ප්‍රශ්නයක් නැතිව බිස්නස් එක කරගන්න පුළුවන්.එයාලා එන්නේ පඩි දවස් අල්ලලා ..

බිස්නස් කරන්න අමාරුම කට්ටිය තමයි ඔය ස්කොලේ මිස්ලට..එයාලා රුපියලත් දෙකට පලලා ගණන් හදලා තමයි බඩු ගන්නේ..මන් හිතන්නේ ස්කොලේ උග්ඵන්වන්න ට්‍රේනින් දෙද්දීම ඕවත් ට්‍රේනින් කරනවා වෙන්න ඕනේ..එයාලා තමයි එන ගෑනු අය ගෙන් වෙනස්ම කට්ටිය..

හැබැයි පිරිමි සපත්තු තියෙන පැත්තේ ඔය කිසි කතාවක් නෑ..ගාන කිව්වම ගත්තා..හදිස්සියෙන් කෙනෙක් අඩු කරන්න පුළුවන් ද කියලා අහනවා ..

වෙට්ට  පිත්තල කට්ට කයිරාටික වුනත් බිස්නස් ට්‍රික්ස් වලට ගෑනු හොදට අහු වෙනවා ..




Saturday, April 15, 2017

ජන ක්‍රීඩා සහ අපේ ගේම්

ඔක්කොලටම ලැබුවා වූ සිංහල හින්දු අලුත් අවුරුද්ද කිරියෙන් පැණියෙන් ,බත බුලති සපිරුණු අවුරුද්දක් වේවා කියලා ප්‍රර්ථනා කරනවා ..


 
මේ කියන්නේ මට මතක ඇති කාලේ ඒ කියන්නේ හිච්චි එකා කාලේ අපේ ගමේනම් අවුරුදු උත්සව තිබුනේ නැත..තිබුනේනම් තිබුනේ ටවුන් එකෙය..එකත් ගමේ හිටං හතක්ම 6-7 දුරින් ය...

අවුරුද්දට කලින් ඔකේ ප්‍රචාරය යනවා ..යන්නේ දැන් වගේ ත්‍රිවිල් එක්ක නොව ලෑන්ඩ් මාස්ටර් එක්ක හරි මහා ට්‍රැක්ටර් එක්ක ය ..
ආයුබෝවන් වාසනාවන් ..මේ ඔබ අමතන්නේ  එක්සත් ක්‍රීඩා සමාජය 13 වෙනි වරටත් ඉදිරිපත කරන මහා අවුරුදු උත්සවයේ ප්‍රචාරක රථයයි..අප්‍රේල් 15 දින පොළ භුඋමියේදී පැවැත්වේ...එහිදී බනිස් කෑම ..අලියට ඇස තැබීම ,අන්ධයාට කිරි කවිම ,පොල් අතු විවීම ,කොට්ටා පොර ,ලිස්සන ගහ ........ආදී ජන ක්‍රීඩා රැසක් පැවැත්වේ..එදින රාත්තිරි යාමේදී දිවයෙනේ ජනප්‍රිය කලාකරුවන් සහබාගි වෙන මහා සංගීත ප්‍රසංගයක් ද පැවැත්වේ ..ඔබ සැමට ආරාධනා ..

අපිත් ඔය ට්‍රැක්ටර් පස්සේ දුවන ඒක තමයි කරන්නේ..ඕක බලන්න කොහොම හරි යනවා ..යන්නේ ඉතිං පයින් තමයි..ඕකට අපේ පුන්චිලා ,අච්චිලත් යන වේලාවන් තියෙනවා ..මොකද ආච්චිත් එක්ක යන්න මන් හරි කැමතිය..මොකද ආච්චිත් එක්ක යන කොට මගදිගට හැමබ්වෙන අයත් එක්ක කතා කර කර තමයි යන්නේ..සමහරු ගෙට ගොඩවෙන්න කියලත් කියන්නවා ..මම නිකන් අකමැති මුණක් පෙන්නුවත් ,කැමැත්තෙන්ම යනවා ..මොකද කැවිලිත් කාලා තෙත් බිලා ඉවර වුනාම අර ගනුදෙනු කරන පිරිසිය අල්ලනවනෙ..හොඳට බලලා ලොකුම කාසිය ගන්න තමයි මගේ කැමැත්ත..සමහර වෙලාවට ආච්චි බනිනවා ලොකු ඒවා ගන්නවාය කියලා..නැත්නම් සත 50 පිරිසියෙන් අරන් දෙනවා .ඔකේ තියෙන ලොකුම කාසිය දෙකේ කාසිය තමයි ..ඒ එක්කම හුණු කිල්ලොටෙත් දෙනවා ..මන් නම් බොරුවට කිල්ලොටෙට ඇගිල්ල දාලා නිකන් ඉන්නවා ..කොහොමත් ඔය ගමන යද්දී ගෙවල් 4-5 ගොඩ වෙලා යන නිසා රුපියල් 5 විතර හොයා ගන්න පුළුවන්..සමහර ගෙවල් වැල ඔය පිරිසිය අල්ලන්නේ නැත .ආච්චි  ත් එක්ක අවුරුදු උත්සවේ බලන්න යනවයි කියන්නේ කොහොමත් 12 විතර වෙලා ..ඒ වෙලාවට ඉතුරු වෙලා තියෙන්නේ කොට්ටාපොරයි ,කානා මුට්ටියයි ලිස්සන ගහ විතරයි ..අනිත් සේරම ඉවර වෙලා ...සත 50 ක් දීලා අයිස් කිරීම් දෙකක් කාලා ආයි එන්න ගන්නවා ..

ඔය අවුරුදු කාපු සල්ලිත් අරන් යනවා ලොතරැයි අල්ලන්න .තිබුනේ බෝල කෝර්ඩ් එකේ බෝ ගහ යට .එතනට ගෑනු පිරිම දෙගොලෝම එනවා ..පෝය දොළහටම සිල් ගන්න අයත් එනවා..අවුරුද්දට අය වැය කොහොමද බලන්න..තවත් අය ඉන්නවා එයාලා එන්නේ තමන්ගේ ලග්නේ අය වැඩිනම් විතරයි වැය වැඩිනම් එනේන්ත් නැත,,මම නම් ඕකට ගොඩක් අවුරුදු වල ගිහින් ඇත .

.ඕකට ගන්නේ කොළ 12 අසියා ඉදන් හේරා වෙනකන් කොළ අරන් තමයි සෙල්ලම කරන්නේ..ඒක කොලෙකට කිව්වේ ගොඩක් කියලා ..ඔය දවස්වල සබන් කැටයක් ,රතිඤ්ඤා පෙට්ටියක ගොඩක් රුපියලයි ..ඔකේ තිබුනෙත් කොහොඹ සබන් තමයි ගොඩක් ම .සමන් ටින් රතිඤ්ඤාවගේ ඒවා රුපියල් දෙක වගේ තමයි මතක ..කොළ ටික වටේට තියාගෙන යනවා ..කොළ තියන්නේ නොපිට..අන්තිමට කරන කෙනා අහනවා මේ ගොඩ කාගේද කාගේද කියලා..ඒ වෙලාවට ඒක ඉල්ලන්න පුළුවන්..ඒ දවස්වල මගේ ලක් ඒක කොහොමද කියනවනම් අල්ලන හැම ඔට්ටුවක්ම දිනනවා ..සමහරු මම ලොතරැයි පොලට එනවා දැක්කම එතනින් නැගිටලා යන්න පවා පුරුදු වෙලා තිබුනා..සමහරු කියනන්වා ඔය දරුවා ගොඩවල් ඉල්ලනවානම් අපි ඉල්ලලා වැඩක් නෑනේ කියලත් කියනවා ..කොහොමත් මන් ලොතර්යි වලින් මුළු අවුරුද්දටම සබන් ,සැමන් දිනනවා ..ලොතරැයි පොලට කවදාකවත් පොලිසියෙන් පන්නේද නැත..සමහරු කිව්වේ බෝගහ යට නිසා පොලිසියෙන් පනින්නේ නැති විත්තිය..

ලොතරැයි පොලට පොලිසිය පනින්නේ නැති නිසා ප්‍රජාශාලාව පිටි පස්සේ කැට පොලක් සහ හෙඩ් පොලක් තිබුනා..එතනින් දිනපු සමහරු ගොඩ වැඩිකර ගන්නට එතන එහා පැත්තේ තිබුණු කොස් මන්ඩියේ බුරු පොලට ගියා..සමහරු ගොඩ ගියා තවත් අය නැති වුනා ..ඕකට පොලිසියෙන්ඔ පැනපු වෙලාවට අර ඔක්කොම ලොතරැයි පොළ ළඟය ..අන්තිමට ලොතරැයි පොලේ මුළු ගමේම අය ඉන්නවා ..ඔහොම කට්ටිය වැඩි වුනොත්ය අර සේරවම පන්නලා දානවා ගෙවල් වලට ..පස්සේ කාලෙක ලොතරැයි පොලත් අවුරුදු දවස් දෙකට විතරක් තියන්න කියලා බුරු ගාමිණීට පොලිසියෙන් කිව්වා .ඔය  සුදු පිටි ඔක්කොම කලේ බුරු ගාමිණිය ..බුරු ගාමිණි කියන්නේ මල ගෙවල් වල් හොයාගෙන ගිහින් සුදු ගහන කෙනෙක්..සමහරු කියන්නේ ගාමිණීට මුණු හයක් තියන කතරගම දෙයියෝ බුරු ගහන්න ගියාම අරුඩ වෙනවය කියලා ..කොච්චර මල ගෙවල් වල බුරු ගැහුවත් අවුරුදු දවස් වල බුරු ගැහුවේ නැත..අන්තිමට අඩුම ගොඩ 2,5,10 වුනා ..බුරු ගාමිණීට බුරු පොළකදී පිහියෙන් ඇනලා මැරුණම ලොතරැයි පොළ නැතිව ගියා ..එත් කැට පොලයෝ හෙඩ් එකයි ,බුරු පිටියයි තවම තියෙනවා ..

අවුරුද්දෙන පස්සේ තමයි එක එක්කෙනා දිනපු පැරදුන එකේ ප්‍රතිඵල එන්නේ..සමහර  අයගේ ගෙදර ගෑනිගේ ද දත් අඩුය... තවත් අය වේද ගෙදර ගිහින් තැල්මට බේත් ගන්නවා ...ඔලු පැලීම් ද නැතිවා නොවේ ..ඒ  හොදටම පැරදුණු අය ය ..කොච්චර ලක් ඒක තිබුනත් ලොතරැයි පොලෙන් එහාට එක අඩියක්වත් මම තිව්වේ ද නැත..ඒ ඇයිද කියන්න මම තවම දන්නේ ද නැත ..

Saturday, April 8, 2017

ගිහින් 14 වුනාට තවමත් මුමුණනවා

අප්‍රේල් 03 වෙනිදට කපුගේ මිය ගිහින් අවුරුදු 14 වෙනවා...ඒ 2003 අවුරුද්දේදී ..කපුගේ කියන්නේ මගේ ෆේවරිටම  ගායකයා ..මොකද මගේ බෑන්ඩ් පිස්සු දවස්වල කියන්න ට්‍රයි කරපු සිංදු වැඩිපුරම කපුගේ ගේ තමයි....

කපුගේ ගැන හරි අපුරු විස්තරයක් දවසක් කළා සන්ෆලවර් නිල් ..කපුගේ සන්ෆලවර් එක්ක  කැසට් ඒක කලාම හැමෝම බැන්නලු .එකට උත්තරයක් විදියට කපුගේ කියලා තියෙන්නේ..මට කන්න බොන්න දෙනවද කියලා තමයි..හැබැයි ඒ සල්ලි වලින් වැඩි කොටසක් වියදම් කරලා තියෙන්නේ ජුලි වර්ජකයෝ වෙනුවෙන් කියල තමයි නිල්වලා කැසට් එකේ උපුල් ජයසිංහ කිව්වේ..උග්‍ර සමාජවාදියෙකු විදියට තමයි කපුගේ හදුන්වන්නේ..

දැන් වුනත්ඩ අපේ සෙට් එක මී  විතකට සෙට් වෙඡ්චා ගමන් කපුගේ තමයි..මොකද ඒ සිංදු නොදන්නා කෙනෙකුත් නැති තරම්.. මේ කියන්න යන්නේ මම  කපුගේ ගේ සිංදු වලින් මගේ හිත නවතිඡ්ච්ම සිංදු 10 ගැන

1.දවසක් පැල නැති හේනේ 

මේක තමයි අදටත් මව් ගුණ සිංදු වලින් වැඩිපුරම ඇහෙන සිංදුවක්....ඒ වගේම මම වැඩිපුරම කියපු සින්දුවත් ඕකම තමයි..නිදහසේ අහන්න නියම සින්දුව..

දවසක් පැල නැති හේනේ
අකාල මහ වැහි වැස්සා
තුරුලේ හංගාගෙන මා
ඔබ තෙමුනා අම්මේ...
පායන තුරු හිටි පියවර
හිටියා ඔබ අම්මේ ...

නුවර වීදි යට කරගෙන
නින්දා වැහි වැගිරුනදා
බිරිදකගේ සෙනෙහෙ ගියා
යෝධ ඇලේ නැම්මේ...

ඔබෙ සෙනෙහස සුවද දිදී
දැනුනා මට අම්මේ ...//

කොළඹ අහස කලු කරගෙන
මුහුදු හුලග හඩලනකොට
ඔටුන්න බිමදා දුවගෙන
එන්නද එක පිම්මේ...

මං එනතුරු ඉදිකඩ ලග
ඉන්නවාද අම්මේ...// 


Title :  Dawasak Pala Nathi Hene 
Singer : Gunadasa Kapuge
Lyrics : Ran Banda Seneviratne
Music :  Gunadasa Kapuge


2.මන් මුලා වී 

මේකත් මන් අසම සිංදුවක් ..මේකේ තේරුම නම් ඒක ඒක අය ඒක ඒක විදියට විස්තර කරනවා ..සමහරු කියනවා මේක අටලෝ දහම ගැන කියවෙන සිංදුවක් කියලා ..හරි නිස්කලංක මියුසික් එකත් ගැබුරු කටහඩින් ගුණදාස කපුගේ සින්දුව කියද්දී හිත භාවනාවකට ගියා වගේ වෙනවා 

මං මුලාවී පාර හොයාගෙන
හසරක් අසමින් යන ගමනේ
මං මුලාවූ සමනළියකගෙනි
පාර අසා තිබුනේ //

ඇයත් නොදන්නිය ඇය යන මානය
උන්හිටි තැන් මතකයේ අඩමානය //
පාර කියන්නේ කෙලෙසද මා හට
ඇයටද පාරක් ඇති නැති ගානය

මං මුලාවී..........

අප හමුවූයේ මන්දැයි නොදනිමි
පාර ඇසූයේ ඇයිදැයි නොකියමි //
අපේ ගමන අද නවතනු හැකිනම්
අප යන ගමනද අද මෙතැනින් නිමි

මං මුලාවී.........


Title :  Man Mulawee Para Asagena
Singer : Gunadasa Kapuge
Lyrics : Sunil Ariyaratne
Music : Gunadasa Kapuge


3.උන්මාද සිතුවම් 

එකටම් ගේ කියන චිත්‍රපටියට තමයි මේ සින්දුව ගයනා කරලා තියෙන්නේ..ලංකාවේ හදපු බුට් සිංදු වලින් උඩින්ම තියෙන සින්දුව මේක තමයි..ඉකොලේ යන කාලේ අපේ සෙට් එකේ ගොඩ දෙනෙක් අහිමිවීම් එක්ක වැඩිපුරම කියපු.,පොත් වල ලියපු ,අහුමුලුවල කුරුටු ගාපු සිංදුවක් තමයි මේක..එකයි කියන්නේ හොදම බුට් සින්දුව කියලා 

උන්මාද සිතුවම් මැවේ බිඳේ
මීදුම් වළා මැද අතීතයේ
බිඳුණු පෙමින් ගිණිගත් හදවත්
තනිවේවි එක්ටැම් ගේ

අනන්ත සයුරේ බියකරු දිවි දියඹේ
පාළු හුදකලා සුළග පමනි උරුමේ
හඩා වැටෙන සිත සදා සරණ මට
තනිවේවි එක්ටැම් ගේ

උන්මාද සිතුවම්.....

දහසක් මල් මැද එකම මලයි පැතුවේ
එමල කිමද සරදම් කර සැඟව ගියේ
දැනේ තවම මට මලේ සුවඳ පොද
තනිවේවි එක්ටැම් ගේ

උන්මාද සිතුවම්.....

Singer : Gunadasa Kapuge
Lyrics : Sunil Ariyarathne 
Music : Sarath Dasanayake


4.දුක හාදු දෙන රැයේ 

මේකත් ප්‍රේමයේ දුක ..අහිමිවීමේ දුක ගැන කියවෙන එකක්....කට්ටිය සෙට් වුනාම ඉස්සෙල්ලම කියන සිංදුවක් තමයි මේක ...

දුක හාදු දෙන රැයේ 
හිත පතුලටම වෙලා
යෞවනේ අගට විය විරහී 
හද ගිලන් වෙලා..//

ගහ කොළද මල් පිපේ 
ඇල දොල නිල කඩා හැලේ
පෙර දාක මිරිගු සයුරේ 
ඒ රුවට රැවටුනේ...

දුක හාදු දෙන රැයේ....

නන්නාඳුනන ලෙසේ 
මග තොට යලිත් හමු වෙලා
මහ මෙර හිසින් දරාගෙන 
අපි යමු දුරස් වෙලා...

දුක හාදු දෙන රැයේ....

Singer : Gunadasa Kapuge
Lyrics : Wasantha Bandara Dissanayaka
Music : Gunadasa Kapuge



5.නින්නද නැති රැයේ 

කවුරු හරි කියයි කපුගේ කියන්නේ අඩන අය ගැනම සිංදු කියපු කෙනෙක් කියලා..මොකද පැරදුණු ප්‍රේමය ගැන සෑහෙන්න සිංදු තියෙන නිසා..තවත් විශේෂත්වයක් තමයි ගොඩක් ඒවගේ තනුවත් කපුගේ ගේ නිසයි..මගෙත් කුලුදුල් ඒක නැති වුනාම ලැජ්ජාවට ද කොහෙද ටොයිලට් එකට ගිහින් තමයි ඇඩුවේ ...

නින්ද නැති රැයේ සඳ කඳුළු මීදුමේ
හැංගිලා අඬන්නෙ ඇයිද ප්‍රථම ප්‍රේමයේ
තාරකා දියේ ගිලී නිල් එළිය නිවේ
වැහි බිංදු වැටේවි රෝස පෙති කඩා හැලේ

කිළිපොළා සැලී යමින් නොහිම් සීතලේ
තුරුළු වෙමි දෙනෙත් පියා ඔබගෙ උණුසුමේ
ජීවිතය ඉතින් අපේ සිහිනයක් නොවේ
හෙට උදේම අවදිවී යා යුතුව තිබේ

නින්ද නැති රැයේ.....

රැය ගෙවේ සඳත් නිවේ දුරයි ජීවිතේ
ඉතින් අවසරයි මගේ පුංචි කුමරියේ
කටුවලට දෙතොල් තියා මලක් නැති ගසේ
සිඹිමි එකම හාදුවයි සොඳුර ඒ මගේ

නැති රැයේ.....

Singer : Gunadasa Kapuge
Lyrics : Rathna Sri Wijesinghe 
Music : Gunadasa Kapuge


6.රුවක් ඇදෙනවා 

කපුගේ එක්ක දිවුල්ගනේ කියන හරි අපුරුතම සින්දුව ක් තමයි මේක..විරහව නැති කරන්න බාර් ගානේ යන කෙනෙක් ගැන කියවෙන සිංදුවක් නේ..මහින්ද දිසානායක තමයි ලියලා තියෙන්නේ සංගීතේ කපුගේ ගේ..මොකද කපුගේ මී විතට බර කෙනෙක් කියල නේ ප්‍රසිද්ද ..

රුවක් ඇදෙනවා කවුදෝ එනවා
මීවිත ඇතිරිය දෑස වසනවා
හද පොදි බැදි රුව දියකර පා කර
ඔබේ ලොවට මා..මොහොතින් එනවා...

සොදුරු යොවුන්විය මල් මඟ මුල හිද
කිම තොල මීවිත පොඟවන්නේ...//
නුරා විරහ ගිනි නිවා දමන්නයි
සුරා වෙතින් මා දෙතොල තෙමන්නේ

රුවක් ඇදෙනවා...//

නැගුනු නුරා ගිනි මිනි පොද වැටිලා
හතර අතින් දළුලා එනවා...//
අවන්හලේ මීවිත තනිකරලා
වරෙන් මලේ පියවර නගලා..

රුවක් ඇදෙනවා...//

Singer : Gunadasa Kapuge ,karunarathana diwulgane 
Lyrics : mahinada disaanayaka 
Music ;gunadaasa kapuge 



7.සබඳ අපි කදු නොවෙමු 

මේකත් මගේ හිතගත්ම සිංදුවක්..මේකට එඡ්චාරටම කැමති වෙන්නේ අයි කියලා කියන්න නම් දන්නේ නෑ..එත් ආයි ආයි අහන්න ආස සිංදුවක් ..

සබඳ අපි කඳු නොවෙමු 
උනුන් පරයා නැගෙන 
සුනිල දිය දහර වෙමු 
එකම ගඟකට වැටෙන

වියරු ගිනිදැල් නොවෙමු 
වනය අවුලා තබන 
මිහිර දෙන වැස්ස වෙමු 
දැවෙන කැලයට වසින

සබඳ අපි කඳු නොවෙමු 

නපුරු හීනය නොවෙමු 
ළමුන් නිදි සුව බිඳින 
සොඳුරු අඬහැරය වෙමු 
දනන් නින්දෙන් මුදන

සබඳ අපි කඳු නොවෙමු 


 8.බිරිඳ මගේ ඔබ

නන්දා මාලනිත් එක්ක කපුගේ කියන මේ සින්දුව ත් මගේ හිත ගත එකක්..යෝජිත විවාහයක් සහ ඔවුන්ගේ ප්‍රේම කතා ගැන කියවෙන සිංදුවක්..සුනිල් අරියර්තනය්න් ලිව්වා හරි අපුරවම සිංදුවක් තමයි මේක ;;

බිරිඳ මගේ ඔබ
නැ මා ඔබ‍ගේ බිරිඳ නොවේ
දෑගිලි හුයකින් බැඳි පමණින් මා ඔබගේ
බිරිඳ ‍නොවේ.. ඔබගේ බිරිඳ නොවේ

ඔබ පෙම් කල අය ඔබට ලැබී නැත
මා පෙම් කල අය මටද ලැබී නැත...//
මාව් පිය නෑ සිය ආසිරි ගී මැද
දෑගිලි පමණක් එකට බැඳී ඇත
දෑගිලි පමණක් එකට බැඳී ඇත

බිරිඳ මගේ ඔබ..//

සිරුරින් එකතැන හදවත් දෙතැනක
දෙදෙනෙකු වෙමු අපි එකම වහලයට..//
ඔබෙත් මගෙත් හද ගැහෙනා රාවය
අපට මියෙන තුරු හැදිනිය හැකිවෙද..
අපට මියෙන තුරු හැදිනිය හැකිවෙද..

බිරිඳ මගේ ඔබ..//



9.මං හින්දා ඔබෙ

සුනිල් ආරියරත්න ලියලා කපුගේ සංගීතවත් කරපු මේක මලානි බුලත්සිංහල එක්ක කියන මන් හින්දා ඔබේ කියන සින්දුවත් මගේතවත් හිත ගත සිංදුවක් 

මං හින්දා ඔබෙ නෙතඟින් කඳුලක් හෙලන්නෙපා..
මං හින්දා ඔබෙ හද තුල සුසුමක් නැගෙන්නෙපා..
ගිවිසා ගනිමු අපි පෙම් යුවලක් සේ
කිසිදා එක් නොවෙනා...

අහස් මාලිඟා නැහැ ඔබ නිසා මැවී...
සැක සංකා නැහැ ඔබ ගැන හිතේ රැදී...
හිමිකම් නොකියමි ඔබට මගේ කිසිදා...
උරණ නොවන්නෙමි ඔබ අන්සතු වූ දා...

මං හින්දා ඔබෙ...//

අතැඟිලි බන්ධන නොපතමි පෙමින් බැදී..
ඔබ සිරකරලන දොරඟුලු දමනු බැරී..
නෑ කුල සිරිතෙන් සැලෙනා පෙමක් නොවේ..
පෙමට පෙමින් යන පෙම්ලොව මෙයයි අපේ..

මං හින්දා ඔබෙ...//


10.බිතුසිතුවම් රු මෙන් 

මේකනම් මගේ යි තව යාලුවෙකුගෙයි ජිවිත අත්දැකීමක් වගේ ම තමයි..සින්දුව ඇහුවම තේරෙයි මොකක්ද කියලා ..ලක්ෂ්මන් හේවාවිතාරණ එක්ක කියන මේකැ අහලා බලන්න කෝ 

බිතු සිතුවම් රූ මෙන් පැවතී
හිත මිතුරන් විරසක නොවෙතී...//
එක මලකට පෙම් බැන්ද පවින්..
මිතුරු දමින් සමුගමුද ඉතින්...
හෙවනැල්ලෙන් සමු ගමුද ඉතින්...

මල කීවේ නෑ මට ඔබ පෙම්කල වග..
කීවානම් මා පෙම් කරන්නෙ නෑ තව..
මොටදෝ පෙමකට සොහොයුරු දම් බිඳ
අප දෙන්නා සමුගත යුතු නෑ..නෑ..

බිතු සිතුවම්......

මලට කියන්නම් මා පෙම් නොකරන වග
සමාවෙයන්කෝ මට ඕනෑ මිතුදම..
ඇගෙ පෙම ජයගෙන සතුටින් ඉනුමැන
මා නම් හිත රිදවන්නේ නෑ නෑ..

බිතු සිතුවම්....


------------------------------------------------------------------------------------------------------------------------------------------------------------------

කපුගේ ගේ සිංදු 10 ක් නෙවෙයි 100 විතර තියෙනවා මම කැමති ඒවා "මලානි බුලත්සින්හලත් එක්ක කියන ලා දම් පාටින් සඳ බැස යනවා ,ඔබට යන්නට ඕනා නම් ,ලෙලි තලන මගේ දෝණියේ ,පසක්කොට් ඇති .පිහිටක් නැති සරණක් නැති ,..ඔය වගේ සිංදු බර ගානක තියෙනවා ..ඔය යන්තම තෝරලා බේරලා ගත්ත ටික තමයි මෙටික..මන්නම් හිතන විදියට කපුගේ කියන්නේ ප්‍රේමයේ විරහව ගැන හරි අපුර්වතම අත්දැකිමක් ලබාදෙන්න පුළුවන් විදියේ ගායකයෙක්..

එතුමා ගිහින් 14 වුන්නට අදත් එතුමාගේ ගීත ඕනෑම රේඩියෝ චැනල් එක්ක යනවා ..හම පයකම ඒක සිංදුවක් යනවා..එකනම පේනවනේ එතුමාගේ ගීත කොඡ්චාර ජනප්‍රියද කියලා ..

කපුගේ ඔබට නිවන්සුව ...!!!!

Monday, April 3, 2017

මම සහ මගේ පිස්සුව


මේක නිකන් මොන්ටිසෝරි කතාවක් වගේ තියෙයිද මන්දා ..කාට කොහොම හිතුනත් ඒ ඉතිං මන් ගැන නේ ..ආයි ඉති මක්කෙටෙයි දුක් වෙන්නේ කියලා හිතලම ලියනවා හිටං .මේ මන් ගැන .මන් ගැන කිව්වට මේ මන් දැකපු හිනා ගැන .

හින කියන්නේ මෙව්වා තවමත් හින .පොඩි කාලේ එක එක අය අහනවනේ පොඩි කාලේ  කවුද වෙන්න කැමති කියලා ..අපේ පන්තියේ  හිටපු ගොඩක් වුන් ඒක ඒක ඒවා කියලා ,ම්ම් විතරයි ඔලුව කහලා තියෙන්නේ..ඒ කියන්නේ මට එදා ඉදන්ම හීනයක් තිබිලා නෑ නේ..

මට ඉස්සෙල්ලම පොඩි හීනයක් තිබුනා රුකඩ නටවන්න ..ඒක වුනේ මෙහෙමයි අපේ පන්සලට රුකඩ නටවන්න අම්බලන්ගොඩ ශ්‍රී අනුර කියන රුකඩ කට්ටිය ආවම ඕක බලන්න මමත් ගියා. ගියා  කියන්නේ හමදාම යනවා .ටිකට් නැතිව බැලීමේ භාගයක් තිබුනා නිසා ආරාධිත අමුත්තන්ටත් කලින් තිබුන පොඩි බැංකුවක ඉදන් තමයි රුකඩ බැලුවේ.කතාවට වැඩිය ඒ අයගේ අත් වැඩ කරන විදිය තමයි බැලුවේ...සතියෙම රුකඩ බැලුවා ..දැන් ඉතිං රුකඩ නටවන ඒක තමයි ..සපත්තු පෙට්ටියකට යතුරු කටු වලින් හදපු අත් කකුල් සෙට් කරලා නුල් දාලා ලියක ගැට ගහලා කට හඩ වෙනස් කර කර කතා කරලා  වැඩේ ගොඩ දාගත්තා ..පස්සේ ඒක ඒක විදියට රුකඩ හදලා නැටෙව්වා ..වැඩේ තවත් දියුණු කරන්න මේසයක් උඩ නැගලා කරන්න ගිහින් මේසෙන් වැටිලා ඔලුව පැලිලා ගියා .ඔලුව පැලුනත් හරි රුකඩ හීනය ඉවර වුනා

ඊට පස්සේ මට ආවේ ක්‍රිකට් හීනෙ..ඉස්කෝලේ 5 වසරේ වගේ වෙද්දී අත කරකවලා වේගෙන් බෝල් කිරන්න මට පුළුවන්..හැබැයි ඒ වෙනකොටත් මට වැඩිය අවුරුදු දෙකක් විතර වැඩිමල් අයත් සි බෝල් තමයි දැම්මේ..ඒක නිසා ලොකු අයියලා උනත් මන් සෙල්ලම් කරන්න එනවට කැමතියි..එක නිසා අපේ සෙට් එකේ හිටිය වැඩර් කෙනෙක් උනෙත් මම තමයි ..අපේ උන්ගේ විරයත් මම ..ඔය ක්‍රිකට් හීනෙ කොච්චරද කියනවනම් මට එක එක බොලස්ලා බෝල් කරන විදියටත් බෝල් කරන්න පුළුවන් වුනා ..රවින්ද්‍ර පුෂ්පකුමාරගේ ,වකා යුස්නිස් වගේ බෝල් කරන්න ..දන්නවනේ දැන් ඔය මාලිංග බෝල් කරන වගේ තමයි .හැබැයි එච්චර අත හරහට යන්නේ නැතිව ..ඊට චමින්ද වාස් වගේ ..ඊට පස්සේ ජවනගල් ශ්‍රීනාත් ..ඔය වගේ හැට හුට හමාරක් ඇක්ෂන්  වලින් බෝල් කරා ..සමහර වෙලාවට විකට් ගියාම දුන්නෙත් නෑ කලින් විදියට නෙවෙයි බෝල් කරේ කියලා ..සමහර් වෙලාවට මට මතක නෑ කලින් කොහොමද බෝල් කරේ කියලා ..හොදම දේ කියන්නේ අදටත් මට බෝල් කරන්න ඔය එක ඇක්ෂන් එකක් නෑ ..ක්‍රිස් ඒක ලඟදි හිතුන විදියට දැම්මා ..ටෙනිස්  නේ ගැහුවේ ..ආසාවට ලෙදර් බෝලයක් තිබුනේ නැති නිසා ඒ හීනෙත් සොරි උනා ..

ඊට පස්සේ අපේ ගමේ පාර කපන්න බැකෝ ,ඩෝසර් ,ගෙඩර් අවම ඔන්න අලුත් හීනයක් ආවා ඩෝසර් ඩ්‍රයිවර් කෙනෙක් වෙන්න ..කොහොම හරි පස්සෙන් ගිහින් ගෙදරේ ඩ්‍රයිවර් හිටපු අයියව සෙට් කරගත්තා ..අයි ඉතිං ඉස්කෝලේ ගිහින් ආපු ගමන් දුවනවා..කන්නෙත් නැතිව ..ඊට පස්සේ ගෙඩර් එකෙන් තල්ලු කරන පස් වල තියෙන ගල් එහෙම අයින් කරලා අයියට සපෝට් කලාම ඔන්න රවුමක් එක්ක යනවා ..ඒ යන්නෙත් හෙන ස්පීඩ්..පාර හදලා ඉවර වෙනකම්ම ගෙඩර් ඒක පස්සේ ගියපු නිසා පන්තියේ දෙවනියා වුන මම 3 වෙනියට පල්ලම් බහින්නත් වුනා ...ඒ ගල් අස්සකර්ද්දී අත කොච්චර කැපිලා අත් ද ..හැබැයි ඒ හීනේ පාර හදලා ඉවර වෙනකොටම ඉවර වුනා ...

ඊට පස්සේ තව හොඳ පිස්සුවක් හැදුනා ..ඒ බෑන්ඩ් පිස්සුව ..එක්ස්ට්‍රේ කොළ ,බයිසිකල් කොෆ්ෆ්‍රිල් ,අලුමියම් පිගන් ,කෑන් එක්ක තියෙන ඩ්‍රම් ,මෙගා බෝතල් ,එක්ස්ට්‍රේ කොළ වලින් හදපු ඕකට පෑඩ් ,ඉදල් ගිටාර් වගේ ඒවා එක්ක තමයි බෑන්ඩ් පිස්සුව තිබුනේ..ඒක ඒක අයගේ කටහඩින් සිංදු කියන්න ට්‍රයි කරන කාලේ ..මන් නම් ඉතිං ඔය කපුගේ ගේ විජයගේ සිංදු තමයි ගැබුරු කටහඩින් ට්‍රයි කලේ ..හැබැයි මට සිංදු කියන්න පුළුවන් වුනාට අනිත් යට අහන ඉන්න බැරි නිසා කියන ඒක නතර කරලා ..ඩ්‍රම්ස් ,ඔක්ට පෑඩ් ගහන්න පටන් ගත්තා...ගෙදරින් බර බරේ කනක් ඇහිලා ඉන්න නෑ කියලා ..එත් ඒක ඇතාරියේ නෑ ..හැබැයි යාලුවොන්ට ඒක ඒක බෑන්ඩ් වලින් කතා කරා..මට කවුරුවත් කතා කරන්නේ නැත්තේ මන් හරි නැති නිසා වෙන්න ඇති කියලා ..ඒ පිස්සුව කෙලින්ම වහලා දැම්මා ..

ඊට පස්සේ වයිකින් උන ..ඒ කියන්නේ බස් ඩ්‍රයිවර් කෙනෙක් වෙන්න තියෙන ආසාව.ස්කොලේ යනකොට ඔය සෙට් වෙච්ච ඩ්‍රයිවර් ලා දෙතුන් දෙනෙක් නිසා බොනට් ඒක උඩ දොරේ යන්න පහසුකම තිබුනා ..අදටත් අසයි වයිකින් එකක් 100 විතර අරන් යන්න..හැබැයි අරන් ගිහින් තියෙනවා ඒ 100 විතර නෙවෙයි 40 වගේ ..

ඔය ස්කොලේ යන කාලේ ඒවානේ .ඊට පස්සේ අපොයි පොත් වලට ගිය සල්ලි උ/පෙ ලියලා ගාමන්ට් ගියා ..රිසාල්ට් එනකන්..දැම්මා ට්‍රේනින් ලයින් එකට ..මන් විතරයි කොල්ලෙකුට ඉන්නේ..අනිත් ඔක්කොම මල් මල් අක්කලා ,නංගිලා .ට්‍රේනින් කරන්න හිටියේ රානි අක්කා .නුල දාන්න ..කොළ වල මහන්න .ඊට පස්සේ තමයි තමයි රෙදි කෑලි ..දෙවැනි දවසේ දැම්ම නේද ලයින් එකට ..දැම්මෙත් ඔර්ලොක් එකට..අතන ඇල්ලුවේ nomal  මැෂින් .මේක ඔලොක් ..දැන් ඉතිං කවද කාපු ටකරන් ද මේවා කියලා හිත හිත ඉන්න කොට සංජිව කියන ලයින් හෙඩ් අවා ..මන් හිතුවේ ඇගේ තරමට හෙන තද පොරක් කියලා ..අනේ එහෙම නෑ ..හරි හොඳ මනුස්සයා ..මට මහන විදිය කියලා දුන්නා..ඒ එක්කම එතනට ටෙක්නිශියන් කෙනෙකුත් දුන්න මැෂින් ඒක බලන්න ..ඔන්න එදා හවස් වෙනකොට පයකට කෑලි 30 විතර මහන්න පුළුවන් උනා ..ඒ ලයින් එකේ දෙවනි දවස හවස් වෙනකොට එකේ ටර්ගට් ඒක වෙච්ච කෑලි 80 මහන්න පුළුවන් උනා ..ඒක අහපු ප්‍රඩක්ෂන් මනේජරුත් ඇවිත් බලලා ගියා ..නිකන්ම නෙවෙයි මගේ ඔලුත් අත ගලා ..ඊට එහා පැත්තේ හිටියේ ඒක කලින් මහපු අක්කා .ඒ අක්කා ඇවිත් කිව්වා මල්ලි ටර්ගට් ඒක විතරක් දෙන්න .වැඩිය මහන්න එපා කියලා ..පස්සේ පසේ මට 120 මහන්න පුළුවන් උනා ..එත් දෙන්නේ 80-85 වගේ ගණන් තමයි...කලින් හිටපු කෙනා අතින් ඩැමේජ් එනවා කියලා තමයි මන් එතනට දාලා තියෙන්නේ...සංජිව සර් පොරොන්දු වුනා මට ෆීල්ඩ් ඒක උගන්නවයි කියලා ..මොකද එයත් බින්දුවෙන් පටන් ගත්ත කෙනෙක් නිසා..ලයින් සුපවයිසර් කෙනෙක් වෙන ඒක තමයි මගේ ඉ ළඟ හීනෙ වෙලා තිබුනේ  .මන් මන් මහන ගානට අඩුවෙන් තමයි රෙකෝඩර් අක්කට දුන්නේ..

අන්තිමට එකටත් කෙස් එකක් අවා ..කවුරු හරි කියලා මන් ගොඩක් මහනවයි කියලා .අඩුවෙන් රෙකෝඩ් එකට දන්වය කියලා..මොකද මන් මහපු කෑල්ල හෙල්පර් කෙනෙක් කපලා තමයි ඊලග කෙනාට දෙන්න ඕනේ ..එත් මන් මහන වේගෙට හෙල්පර්ට කපන්නත් බෑ ..මගේ ඉස්ස්ස්රහා බින් එකේ හෙන තොගයක් තියෙනවා කියලා ..දැන් රෙකෝඩර් අක්කයි ,සංජිව සරුයි ,ඉන්නවා ප්‍රඩක්ෂන් මැනේජර් ලග ..මේ යකා ඇහුවේ කවුද පුතාට අඩුවෙන් කියන්න කියලා කිව්වේ ..මන් කන්නේ ටිකිරි මාරි නිසා කිව්වා ,සමහර වේලාවට් මැෂින් ඒක කැඩුනොත්, ඩැමේජ් අවොත් ඒවාට කවර කරන්න අඩුවෙන් කිව්වයි කියලා .ආයි අහපි එහෙම කියන්නේ කියාලේ...දන්නවනේ ගාමන්ට් වල බැනුම් අහන්න වෙනවයි කියන්නේ හොඳි ඕනෙම නෑ ..ගත්  කටටම කිව්වා බැනුම් අහන්න බැරි නිසා කියලා ..අන්තිමට රෙකෝඩර් අක්කට බැන්නා .මොකද මහන එව්වා කටින් එකෙන් ගේන්නේ එයා නිසා ..එයා දැන ගන්න ඕනය කියලා කොච්චර කෑලි මහේනවද කියලා .එන ගමන් අක්කට සොරි කිව්වා ..අක්කට සොරි කියලා පහු වෙනිදා ඉදන් වැඩට ගියේ නෑ ..අන්තිමට ප්‍රඩක්ෂන් මැනේජර් මන් හොයාගෙන ගෙදරත් අවා වැඩට එක්ක යන්න..එත් මන් කිව්වා මන් නිසා කෙනෙක් නිකන් බැනුම් අහපු නිසා ආයි වැඩ කරන්න හිත  නෑ කියලා ..රෙකෝඩර් අක්කත් අවා වැඩට එන්න කියන්න එත්මන් ගියේ නෑ..දවස් 10 මගේ ගාමන්ට් ගැන තිබුන හීනෙත් ඉවර වුනා

ඊට පස්සේ තව රස්සාවල්  කරාට ඒ එකක්වත් හීනයක් වුනේ නෑ ..තවමත් ඒක ඒක මොන්ටිසෝරි හින හිතෙනවා ..සමහරු කියනවනේ හින  තියෙන්න ඕනේ කියලා ජිවත් වෙන්න ..එකත් අත්හ තමයි..ජීවිතෙත් ඒක පිස්සුවක් තමයි හිටං

Sunday, March 26, 2017

වික්ටර්ගේ හිට්ම 10

මේක මට ලියන්න හිතුනේ මෙන්න මේ කෑල්ල නිසා තමයි ඉතිං ":ඉතින් ඔන්න ඔහොමයි වික්ටර් රත්නායකයන්ගේ ගී ගඟුලෙන් තොරල බේරල මම කැමතිම 10ක් ලිස්ට් ගත කලේ.හා දැන් කවුද කැමති ඔයාලා කැමති ගීතත් මේ වගේ ලිස්ට් එකකට ගන්න. වැඩිය ඔනේ නෑ මේ වගේ 10ක් ඇති."මෙහෙම කිව්වේ සොදුරු සදාවතී ඒ එයාගේ වික්ටරුයි මමයි .බ්ලොග් ලියන අයයි කියන එකේ .ඒක බලන්න යන්න ඕනේ නම මෙතනින් යන්න ..

ඒකට උත්තර ලිව්වේ ඉයන් ..සොදුරු සදවතිගේ වික්ටර් අභියෝගය කියලනේ..ඒක බලන්න මෙතනින් යන්නකෝ එහෙනම් ..ඉයන් ඉතිං සංගීත ය ගැන අනං මනං ගොඩක් දාලා තිබුනට මම නම් දන්නේ සිංදු අහන්න විතරක් නිසා ඒ ගැන කියන්න දන්නේ නෑ ..

ඔන්න එහෙනම් මගේ 10

1.තරු අත් අකුරින් ඔබට ලියා එවමි පෙම් පත

මේක ටිකක් විශේෂ යි.මොකද එක්තාරා කාලෙක ඩි ගැල් ළමයෙකුට ලියන ලියුමකට ඔය සින්දුව ලියන්න ගිහිල්ලා ආයි නොලිය හිටියා මගේ අකුරු තරු වගේ නොවන නිසා ..හැබැයි තාමත් මන් ගොඩක් අසාවෙන් අහන සිංදුවක්

තරු අත් අකුරින් ඔබට ලියා එවමි ඔබට පෙම් පත
ඔබේ සෙවන පමණි මිහි පිට ඇති එකම සම්පත ...//

මඳ පවන මොටද ඔබේ සුවද මුසුවී නැත්නම්
සඳකිරණ මොටද ඔබ මගේ තනියට ළඟ නැත්නම්
හෙළිකරමි මගේ ළඟ ඇති ආදරයේ වත්කම්
පැල්පතද මට හොදයි මිහිරියේ ඒක හිත ඇත්නම්

තරු අත් අකුරින් ...//

කල්ගෙවා දෙනෙත් නොපියා ඔබ ගැනම පිය කතේ
කල්පනා කල පමණ මට කල්පනාවක් නැතේ
ඇඳිරියේද මණික හදුනන ඇස් දෙකක් මට අතේ
එනු මැනවි රස බලනු සෙවනක එකම පල පතේ



2. සිහින් සුළන් රැල්ලේ

මේක අහන කොට හිත අමුතුම තැනකට යනවා වගේ..වෙනස්ම හැඟීමක් තියෙන සිංදුවක් ..

සිහිල් සුළං රැල්ලේ...
ඔබේ සුවඳ මුසු වේ ආදරයේ මඳ සිනිඳු
පහස ලැබ හදවත දළු සෙලවේ
සිහිල් සුළං රැල්ලේ ඔබේ සුවඳ මුසු වේ

සුදු වැලි කතරේ පිපුණු මල වගේ
ලොව්තුරු රස ගංගා
ඔබේ ආදරේ වරුසා වැහැලා
කතර දෙව්ලොවක් වේ... කතර දෙව් ලොවක් වේ...

සිහිල් සුළං රැල්ලේ... ඔබේ සුවඳ මුසු වේ..//

සීත හිමව්වේ කඳු ගැට අතරේ
සෙනෙහස දිය දහරා
ඈත හිමේ කඳු අතරේ පාවෙන
අමා සුවය පැතුවේ... අමා සුවය පැතුවේ


3.අම්මා නැති මට

මේක ආස හිතුනේ ඉකොලේ යන කාලේ අපේ පන්තියේ හිටපු ගෑනු ළමයෙක් නිතර කිව්වා සිංදුවක්..ඒ ක එයාගේ ජිවිත කතා ව වගේ නිසා නිතරම කිව්වා..මන් මුලදී හිතුවේ මේක ගායිකාවකගේ සිංදුවක් කියලා .පස්සේ තමයි දන්නේ මේක වික්ටර් රත්නායක ගේ සිංදුවක් කියලා...

අම්මා නැති මට කිරි අම්මා වී
කරුවල ගෙදරට මිනි පහනක් වී
දැන ගත් දා සිට පෙරුම් පිරුවේ
අක්කේ මං මතු සක්විති වෙයි සිතලා දෝ ...

පියුම් රටාවට පැදුරක් පිපෙයි රැයේ
උදයට ලිප ළඟ කඩයප්පන් ගොඩවෙ
දෙකම්මුලින් වට වූ මුතු වට්ටිය නුබගේ
පණ මට දී මගේ නැණ නෙත් පෑදුවේ ...

අම්මා නැති මට

මෝරා හද ගැබ පෙම් මල් නැහැ පිපුණේ
ඉහිලා බඳ වට ගෝමර ලතවිල්ලේ
බාල යොවුන් හද වැහැරී ගේ ඇතුලේ
මා ලද ශිල්පය නුබ හා ඒක මුල්ලේ ..

අම්මා නැති මට


4.කොහේද කොහේද අපේ ලොවක්

මේක මඩොල් දුව ෆිල්ම් එකේ සිංදුවක් ..මේක ට ඉස්කෝලේ යන කාලේ නැටුමක් තිබුනා ..එකට මමත් හිටියා .හැබැයි මම  කලේ චිත්‍ර .මොකදෝ හෙතුවකට මව තෝරාගත්තා ඕකට ..ඉතිං පුරුදු වෙන්නම අහලා සින්දුව කැට පාඩම් වෙලා තිබුනා

කොහෙද කොහෙද අපේ ලොවක්
කොහෙද කොහෙද අපේ රටක්
මුරකාවල් නැති වැට කොටු බැමි නැති
අපේම අපේම නවාතැනක් ..

රාජ කුමාරයන් කුමරියන් ඉන්න පළාතක්
නපුරු රාස්සයන් රාස්සියන් ඉන්න කැලාවක්
පුංචි සුරන්ගනාවන් සැඟවී ඉන්න වලාවක්
අපට හිතුමතේට රජ කරගෙන ඉන්න දිහාවක්
අපට හිතුමතේට රජ කරගෙන ඉන්න දිහාවක්

කොහෙද කොහෙද අපේ ලොවක් ..

කිදුර විමානයට පාර ලගයි එන්න යාලුවේ
මුහුදු හතක එහා ඔරු පදින්න එන්න යාලුවේ
මකර කටින් නාග භවනට යමු එන්න යාලුවේ
අපිම අපේ ලොවක් සොයා ගන්න එන්න යාලුවේ
අපිම අපේ ලොවක් සොයා ගන්න එන්න යාලුවේ

කොහෙද කොහෙද අපේ ලොවක් ..


5.මිණ නුවන් යුගින් බලන් මීනා

මේක වික්ටර් රතාන්යක එක්ක නිරංජලා සරෝජනී එක්ක කියපු යුග ගීතයක්...මේක ඉස්සර දවසක රේඩියෝවෙන් ඇහුවම පොඩි මතකයක් ඉතුරු වෙලා තිබිලා  මිට අවුරුදු 6-7 කලින් තමයි ඉන්ටනෙට් එකෙන් හොයලා ඇහුව්වේ...මොන විශේෂත්වයකට්ද දන්නේ නෑ මේක එහෙම ඒක පාරින් ම මතකේ  තිබුනේ කියලා ..මන් හිතන්නේ එහම මතක හිටිම්ම තමයි මේකේ තියෙන විශේෂත්වය

මිණ නුවන් යුගින් බලන් මීනා මීනා
තල්  ඇරඹේ තල්  පවුරෙන් එබී බලන් මීනා
බලන්න බැහැ බණ්ඩාරේ උඩරට කුල නිල බල යුතු
බණ්ඩාරේ බණ්ඩාරේ

ඔබ කෝවිල් එන්නෙත් නැහැ
මට පන්සල් එන්නත් බැහැ
අපි ඇතැයි අපි ඇතැයි බණ්ඩාරේ බණ්ඩාරේ

මිණ නුවන් යුගින් බලන් මීනා මීනා

අත්වැල් බැඳ කෝවිල් යමු
පෝයදාට පන්සල් යමු
මෘදංග නද ගැට බෙර හඩ
අපගේ  දෙසවනට එකයි

මිණ නුවන් යුගින් බලන් මීනා මීනා


6.පෙම් රස වහෙනා

ඉන්ද්‍රානි පෙරේරාත් එක්ක කියන යුග ගීතයක්..ඒ එක්කම වේග රිද්මේ ගීතයක්..මේකටත්  මන් ගොඩක් කැමතියි ..

පෙම් රස වැහෙන මංගල ගීතේ ජිවිතේ
මධුරස වැහෙන ආදර නැකත ලඟාවේ
නිල වන පියසේ පුංචි කැදැල්ලේ ආදරේ
දෙතොලඟ ගී සැලේ මි වඳ සුවඳ සදා දේ ..

පෙම් කතරේදී දෑස නිවාලන
අවාරයේ ආ පිනි රස වේවා
ඒ පෙම් කතරේ මා එන අතරේ
තනි තරුවක් සේ පා වේවා

පෙම් රස වැහෙන

සසර සඳැල්ලේ නැගුනු සුපෙම් සඳ
මැකී නොයේවා සදාතනික වේවා
සසරින් සසරේ එන්නම් මිහිරේ
ධිවරියක් සේ මා එනවා

පෙම් රස වැහෙන


7.දෛවයෝගයකින්

මේක මගේ ලකී 7 වගේ තමයි...හීනියට කියන්න පුළුවන් වගේම විදින්නත් පුළුවන් එකක්

දෛවයෝගයකින් නොවේදෝ
හමුවුනේ අප හමුවෙනේ
දෛවයේ සරදම් ලබන්නට
කීම මෙසේ අප හමු වුනේ ..

අදුරුතුමියයි ඔබ ප්‍රමයේ
අදුරුතුමියයි යෞවනේ .....
ශෝකයේ රුදු වේදනාවේ
කදුළු සයුරේ උල්පතයි ...

දෛවයෝගයකින් නොවේදෝ

නදුන් උයනයි ස්නේහයේ
සදුන් සිසිලයි ජිවිතේ ....
සොම්නසේ ආනන්දයේ
හසරැල් තරන්ගේ උල්පතයි

දෛවයෝගයකින් නොවේදෝ




8.අහිමි උනත් නුබ ලඳේ

මේක ට ආස කරේ අපේ ගෙවල් ළඟ අයියා කෙනෙක් බටනලාව පිබ පිබ කියනවා ..ඒක ඇහිලා මන් පොඩි කලේ ඉදලම ආස සිංදුවක්..4 වසරේ විතර ඉන්න කාලේ වාර විභාගෙට තියෙන කවි කතන්දර කියන එකකට කියන්න ගිහිල්ලා බැනුම් ඇහුව්වා ..ඒ තරම් මගේ හිට් එකක්


අහිමි උනත් නුඹ ලදේ ….
මට හඩන්න අවසර නෑ….. 
විලෙන් එහා ඉද නුබේ සුවද වත
එතී ආ සුලං මගෙ මුව සිම්බා 

නොපැතූ අතකට... අතදුන් දවසේ 
හෙලු දුක් සුසුම්.. මගෙ මුව සිම්බා 

අහිමි උනත් නුබ ලදේ 
නුබ කැනදන් ගිය මංගල රිය නැගි 
දූලි වලාවන් මගෙ මුව සිම්බා….. 

අහිමි උනත් .. 

කියාගන්න බැරි... දුකක් නිමන්නට 
නෙත හෙලු කදුලක්.. මගෙ මුව සිම්බා 

අහිමි උනත්… 




9.ආදරයේ උල්පත වූ අම්මා

මව් ගුණ සිංදු වලින් මන් ආසම එක

ආදරයේ උල්පත වූ අම්මා
මා ඔබගේ පුතු වූ
ඔබ මතු බුදු වන දවසේ
මා රාහුල කුමරුන් සේ
සෙවණ පතා අද මෙන් පැමිණෙන්නෙමි
සුළැඟිලේ එල්ලී...

සඳ දිය කොට කිරි වතුරෙන්
ඒ දියරෙන් මුව දෝවා
දිව මතුරක් වන් නැළැවිලි ගීයෙන්
මතකයි මා නැළැවූවා
ජීවිතයෙන් ජීවිතයක් ගෙන දී
ඒ ජිවිතයට කිරි දී පණ දී
මා දැඩි කළ අම්මා...

ආදරයේ උල්පත වූ අම්මා

තුරුලට ගෙන අත් පා හැඩ ගස්වා
නිදි ගන්වා යහන් ගැබේ
සිහිනෙන් ගෑ සුවඳක් මෙන්
සිහිවෙයි ඒ කිරි සුවඳ ඔබේ
දවසින් දවසට සෙනෙහස ළබැඳී
ගෙන දී දිවියට නව පණ ලැබ දී
මා දැඩි කල අම්මා.

ආදරයේ උල්පත වූ අම්මා


10.දෙව්රම් වෙහෙරේ ..

බුදු ගුණ ගියක තියෙන්න ඕනේ ශාන්ත බව අඩු නැතිව තියෙන හොදම සිංදුවක්...

දෙව්රම් වෙහෙරේ
හිමි වැඩ සිටි සමයේ
මා සිටියානම් සමිදුනි ඔබ පිළිසරණ පතා
මම‍ එමි බවදුරු කතර ගෙවා

සහසක් දොම්නස් දුක් ගිනි අතරේ
දැවෙන මහද සිතිවිලි ගිණි අදුරේ
සමිද ඔබේ පිළිරුව දුටු පමණින්
නිවී නිවී යන අරුමය කිමද...

දෙව්රම් වෙහෙරේ

ජීවමානවන් හිමි දැක ගන්නට
මා නෙත කල පින් මද බව වැටහිනි
එහෙයින් හිමි අනුරුව අභියස සිට
බවුන් වඩමි ‍මෙත් බුදුන් දකින්නට

දෙව්රම් වෙහෙරේ


ඔන්න ඕවා තමයි ඉතිං මම කැමති 10 ..මටත් කියන්න තියෙන්නේ සොදුරු සිත කිව්වා වගේ ඔයාලගේ 10 ත් කියන්න කියලා තමයි...

ජය වේවා ...!!!!!!

මා සහ නුබ


මා නුබේ නොවන බව දැන 
නුබට පෙම් කරපු තරම් 
හිතා ගන්න බෑ 
මා නුබට රැවටුන තරම් 
ජිවිතයක් ජිවත් කරපු 
සිත ඔබ හැදූ තරම් 
අතීතය අත ගාමි 
අදුරේ ඉදන් 


මන් දන්නෙත් නෑ 
හිත හිලෑ නෑ 
නුබ හොයනා තරම් 
නුබ දන්නේ නෑ 
මන් හෙලේනා සුසුම් 
අදහන්නත් බෑ 
මා අතහැර ගියපු දුරක් 
ආදරේ විද 
විදවන්නට බෑ මහ මෙරක් 

Friday, March 17, 2017

දේදුන්න

මේක දැක්ක ගමන් හිතන්න ඇති ලව් ස්ටොරියක් ,බුට් කවියක් වෙන්න ඇති කියලා ..මොකද ඒ තරමට ආදරයට දේදුන්න ගැන ඕවා ලියවිලා තියෙන නිසා .කාලෙකට පස්සේ දේදුන්නක් දැක්කා ..ඉස්සර දේදුන්නක් දැක්කම කියපු කතා


අත දික් කරන්න එපා දේදුන්න නැතිවෙලා යනවා .ඒක පව් සිද්ද වෙන වැඩක් ...දේදුන්නේ එක කෙළවරක් වැවක හරි මුහුදක හරි තමයි තියෙන්නේ .එකෙන් තමයි අහසට වතුර ගන්නේ ඔය වගේ හැට හුට හමාරක් කිව්වනේ ඒ කාලේ 

කොහොමෙන් කොහොම හරි ඕක ගැන තියෙන සමහර කතා බොරුයි කියලා තේරුනේ විද්‍යාව පාඩමක දී.වසරනම් මතක නෑ .

ඉස්සර ඔය දේදුන්නේ එහෙම පාට හත එහෙම නැත්නම් වර්ණාවලිය මතක  තියාගත්තේ කොහොමද කියලා 
"න් තැඹිලි ඩන කොල්ලා නිල් රක් කී" කියලනේ ..කස්ටියට මතක ඇති නේ..ඕකට තවත් එක්ක තිබුනා ඒක කියලා අපේ එකෙක් ගුටි කෑවා මිස්ගෙන්..මට එකනම් මතක නෑ ..මේ වර්ණාවලිය ගැන මුලින්ම අදහස ඉදිරිපත කලේ දෙවන චාර්ල්ස් රජු කාලේ ජිවත් වෙච්ච අයිසැක් නිව්ටන් තමයි 

සරලවම කිව්වොත් දේදුන්නක් පායන්නේ වැහි බිඳුවලට ඉර එලිය වැටුනම සිදුවන ආලෝක වර්තනය නිසා..වර්තනය කියන්නේ නැමීම ..විදුරු ප්‍රිස්මයකට සුර්යාලෝකය හිනි කදම්භයක් වැටුනම දේදුන්නක් පායවන්න පුලුවනිනේ..අපි සාමාන්‍ය වෙලාවට දකින්නේ ඉර එලිය සුදු පාටටනේ ..එහනම් කොහොමද ප්‍රිස්මයෙන් පාට වෙන් වන්නේ කියලා ..සුදු ආලෝක කදම්බයේ පාට ගොඩක් තියෙනවනේ..එක ප්‍රිස්මය හරහා යනකොට ,එක එක පාට වැල වර්තනය එහෙම නැත්නම් නැමීම වෙනස් වෙනවා..ඒක නිසා අපිට පාට වෙන් වෙනවා දකින්න පුළුවන්..

රතු පාටේ ආලෝක වර්තනයට වඩා වැඩි කෝණයකින් නිල් පාට නැවේ.එතකොට ඒ පාට දෙක තරමක් ඈතින් තමයි පිහිටන්නේ..ඒ ඒ පාට වැල වර්තන  හැටියට තමයි ඔය දේදුන්නේ පාට ටික පිහිටන්නේ.රතු තැබිලි කහ කොළ නිල් දම් කියන පාට ටික .

අයිසැක් නිව්ටන්ට කලිනුත් හිටිය අය ප්‍රිස්මය හරහා ආලෝකය යවලා දේදුනු එහෙමත් නැත්නම් වර්ණාවලි සෑදුවත් ,ඔවුන් සිතා සිටියේ ඒ ප්‍රිස්මයේ තිබෙන ඩයි වර්ග නිසා මෙවැනි වර්ණාවලි මැවෙන බව .මේක බොරු කරන්න නිවුටන පරීක්ෂණ දෙකක් කර තිබුනා..එකේදී මුලින්ම ආලෝකය එක ප්‍රිස්මය ක් ට වැටෙන්න දීලා එකෙන් පිටවෙන එක ආලෝක වර්ණයක් තවත් ප්‍රිස්මයක් ඇතුලෙන් යැව්වම අර පලවෙනි ප්‍රිස්මයෙන් පිට වෙඡ්චා පාට තමයි දෙවෙනි එකෙනුත් පිට වෙලා තියෙන්නේ .

දේදුනු කොච්චර දැකලා තිබුනත් එක සැරේටම මතක් වෙන්නේ අර පරණ දේවල් ම තමයි..හැබැයි දැන් දේදුනු ඉස්සර තරම් දකින්න නැත්තේ..අපිට දෙදුන්නක්වත් දකින්න වෙලාවක් නැති නිසා වත් ද ..?නැත්නම් දේදුනු දැන් ඇත්තටම පායන්නේ නැද්ද ..

ප .ලි

දැන් ලැබුණු ආරංචි මාර්ගයකින් කියවුනේ නිවුටන් මේක ඔප්පු කරන්න තවත් එක පරික්ෂණයක් කරලා තියෙනවා ..එකට ප්‍රිස්ම තුනක් යොදාගෙන කරලා තියෙනවා..එක ප්‍රිස්මයකට ආලෝක කිරණක් එල්ල කරලා එකන් නිකුත් වෙන වර්ණාවලිය අනික් ප්‍රිස්මයට වැටෙන්න දෙනවා .හැබැයි එතකොට ප්‍රිස්මය තියන්නේ ඔලුවෙන් හිටවාලා ..එතකොට අර වර්ණාවලිය සුදු කිරණක් වෙලා තමයි පිට වෙන්නේ..ඒ කිරණ තව ප්රිස්මයකට වැටුනම ආයි අර වර්ණාවලිය එනවා ..

තවත් විස්තර ලැබුණු ගමන් ම දාන්නනම්