බිදුණු පෙමක් වෙනුවෙන්

ලව් ඒක ..සතුටක් වගේම ලව් ඒක කැඩුනම දුකක් ..එකනේ කරුනාරතන දිවුල්ගනේ මත්තයා කියලා තියෙන්නේ
                                                   පිවිතුරුය  පළමු පෙම 
                                                   බිහිසුණුය බිඳුණු දින 
                                                   ලෙන්ගතුය සුවඳ ඔබ 
                                                   සුදු හාමිනේ ...
                                                   තනිකඩය තවම මම 
කියලා තියෙන්නේ නිකන් නෙවේනේ..පරාජිතයෝ..වෙනුවෙන් මෙච්චර ලංකාවේ බුට් සින්දු තියෙන්නේ..හිතා ගන්න පුළුවන්නේ තත්වෙ ...ඒක තමයි ලංකාවේ තත්වෙ .. 

ඒ වුනාට ලෝකේ තත්වෙ ඊට වඩා ටිකක් වෙනස් ..මොකද ඒ වගේ පැරදුණු ප්‍රේමය වෙනුවෙන් ..තමන්ගේ මතකයේ  තියෙන  දුක නැති කරගන්න..ප්‍රේමයේදී හුවමාරු වුනු සිහි වටන තියා තියන්න තැනක් තියෙනවා ..මේක කටු ගෙයක් ..බිදුණු සම්බන්දතා කටුගෙය ක්..

මේකේ මුල්ම ඒක පටන් ගෙන තියෙන්නේ ක්‍රෝඒෂියා වල...ඒ 2003 අවුර්ද්දේ දී....ඔලිංක විස්ටිකා  (Olinka Vištica) සහ ඩ‌‍ැසන් (   Dražen Grubišić) කියන දෙන්නා එකතුවෙලා..ඒ ඔවුන්ගේත් ප්‍රේමය බිද වැටීම නිසා ..කොහොම හරි 2006 ඩි තමයි මේක ස්ථිර තැනක පටන් ගෙන තියෙන්නේ..ඒ වෙලාවේ ඔවුන් දෙදෙනා තම හිතවතුන්ගෙන් මේ සමබන්ධ භාණ්ඩ ඉල්ලා සිටින ලදී..

ඉන්පසු ලොස් ඇන්ජලිස් වලද මෙවැනි කටු ගෙයක් පටන් ගන්නා ලදී..මේ කටු ගෙවල් වලට හැමදාම සිහිවටන ලැබේ..


මෙහි නෝවේජියානුවෙක් විසින් දෙන ලද විදුලි ස්ත්රික්කය ද ඇත..ඒ සමග ලියා ඇත්තේ මේ තමයි මගේ මංගල ඇදුම අයන් කරන්න පාවිච්චි කරපු එක..අන්තිමට මට ඉතිරි වුනේ එච්චරයි..ඒ වගේම බ්‍රිතාන්‍ය යුවලකගෙන් ලැබුණු වයින් බෝතලයක් වෙනුවෙන්ද මෙහෙඉ තැනක් වෙන් කර ඇත...

මෙහෙඉ මංගල ඇදුම් ,තෑගී භාණ්ඩ ,පොත් වගේ දේවල් ද තැනපත් කර ඇත.

මේ කටු ගෙයි පිරිලා තියෙන්නේ නොයෙක් මිනිස්සුන්ගේ අත්දැකීම්.මේකත් ඒක විදියක කලාවක්..ආදරේ වේදනාව තේරුම් ගන්න හොද තැනක් වගේම තනි කම හොදට දැනෙන තැනක්..
මෙතනට එන ගොඩ දෙනෙකුගේ අදහස එය තමයි 

නරකද අපේ රටෙත් එකක් පටන් ගත්තොත් ..

Read More

ලයිටරෙත් ඔන්න අලුත් වෙලා

යාලුවෙක් එක්ක ගියා එක්ක ගියා රැට කොරවන ඇත්තෙක් හම්බ වෙන්න ..දන්නවනේ අපේ ඒ ඇත්තෝ හම්බවෙන්න ලේසි නෑ කියලා ..මුළු සර්වන්ගේම අත ගෑවා..යාළුවයි ළඟ ලයිටරයක්  තිබිලා මාට්ටු වෙලා තියා ගත්තා ..යන කොට ඉල්ලා ගන්න කියලා ..හැබැයි එන කොට ඒක තිබුනේ නෑ ..

දැන් බලයි ඒ කතාවයි මාතෘකාවයි සමබන්දේ මොකක්ද කියලා ..ඔයා සමහර ෆිල්ම් වල වගේ චාර්ජ් කරන්න පුළුවන් ලයිටරයක් තිබුනානම් ..

ඉස්සර තිබිච්ච ..ඉස්සර නෙවෙයි දැනුත් තියෙනවනේ ගෑස් ලයිටරේ...අන්න ඒක වෙනස් වෙලා ..මෙන්න අර විද්‍ය ප්‍රබන්ද වල තියෙන වගේ එකකට මාරු වෙන්න කාලේ ඇවිල්ලා

මේක අපිට කැමති මාධ්‍යකින් ගන්න පුළුවන්.. ඊ බේ එකේ අලි එකේ එහෙම ඕවා තියෙනවා (රවී නිසා දැන් යන්නෙම නෑ )මෙන්න ඔන්නේනම් බලා ගන්න  මේකේ විශේෂත්ව ගොඩක් තියෙනවා ..
අව්ව වැස්ස හුළඟ මේ කිසිම දෙයක් නිසා මේ දැල්ල නිවෙන්නේ නෑ ..සාමාන්‍ය ලයිටරේට වැඩිය ලොකු ත් නෑ හැබැයි ඊට වැඩිය ආරක්ෂා කාරී .නැවත අරෝපණය කල හැකි බැටරියක් තබෙන අතර එක් අරෝපනයකින් වර 300 පමණ භාවිතා කල හැක ..

මේක වැඩ කරන විදිය

අනෙක මේකේ දැල්ලට හුලගින් බලපෑමක් නැත.අනික මෙය ගුවන ගමන් වලදී වුවද පාවිච්චි කිරමට අවසර ඩි ඇත..

ඒ වුනාට අපේ රටෙනම් ෂුවර් නැත...අනිවා තියෙලා යන්න කියනවා ...

Read More

අලි කතාවක්

ට්‍රින්... ට්‍රින් ...

නිදිමතේම ෆෝන් ඒක කනේ තියාගෙන මොකද යකෝ .. කීවෙමි මම .

මචන් ලොකු  කෙස් එකක් ..

කව්ද මැරුණේ ...

මැරිච්ච මඟුලක් නෙවෙයි 

එහෙනම් ...

මේ බං ඇත්තටම අලියා දිවුල් ගෙඩි  පිටින් ගිලිනවද ..?යකෝ මුන්ටත් තියෙන ප්‍රශ්න මේ උදේ පාන්දර කියා මම උගේ ප්‍රශ්නේ ගැන කල්පනා කරන්න විය ..

උගෙන් බේරීමට බැරිම ය..
මට ටක් ගලා මතක් වුනා  "අර සොමාවතියේ කෙස් එකක් ගැන තියෙන පොතක තියෙන සිද්දියක්"

කොහොමත් අලියා ඇඹුල් රස දේවල් කෑමට වැඩි කැමැත්තක් තියෙනවා ..අනික අලියා හොදට  හපලා කන සතෙක්..මොකද උගේ තියෙන පුර්ශ්චාර්වක චාර්වක දත් යොදා තල මහාගේ දත් වලට වැඩිය ලොකුයි..එක නිසා අලියා කියන්නේ හොදට හපලා කන සතෙක් කියන්නේ එකයි..

අලියා දිවුල් කන්න ආවම අලි බෙටි දානවනේ..ඒ බෙටි උඩට දිවුල් වැටුනම ..ඔය පුංචි පුංචි සතුන් ගිහින් දිවුල් කට්ට හිල් කරන් ඇතුලේ තියෙන සාරේ උරා බොනවා.සමහර දිවුල් ගැහෙදීම පුහු ඒවත් තියෙනවනේ..මොකද අපේ ගමේ තියෙන දිවුල් ගස් පල්ලෙත් ඔය කියන පුහු දිවුල් තියෙනවනේ..මොකද මෙහෙ අලි නැහැනේ..

හැබැයි අපේ පරණ මිනිස්සු කියන "අලියා ගිල්ල දිවුල් වගේ " කියන උපහැරණේ මේකට කොහොම සම්බන් ද වුනාද කියන්නන දන්නේ නෑ..

මේ මචන් හොද දිවුල් ටිකක් මටත් ගෙනෙන් කියා කියනවත් එක්කම ..යාලුවා ෆෝන් ඒක කට් කර ඇත..දැන් එතින් ආයි නිදා ගන්න බැරි නිසා මේක ලියලා දැම්මා ..

Read More

මම සහ ලයිෆ් ස්ටයිල්

පිටතින් බලපු උන් කියන්නේ හෙන ආඩම්බර කාරයෙක් කියලා ..හැබැයි ඒ මගේ හැටි ද ..?..නැත්නම් මම පොරක් කියා හිතාගෙන ඉන්න නිසා පිටතින් බලන යට පෙන්නේ මගේ පොර ස්ටයිල් ඒක ආඩම්බර කමක් හැටියට ද ..?

ඇත්තටම මම පොරක් ද ...එත් මේ පොර මානසිකත්වය කොහෙන් ආපු එකක්ද..?මේක ලේවලින් එන දෙයක් ද .?

අපි හැමෝම පොරක් ය...පොරක් ය කියන්නේ අපේ ලයිෆ් ස්ටයිල්  ඒක එහෙම නැත්නම් ජිවන අනන්‍යතාවය ..අපි හැමෝටම අපේමය කියන අනන්‍යතාවයක් ඇත..එය අපෙන් තව කෙනෙකුගෙන් පැහැදිලිව වෙනස් කමක් ඇත..කොටින්ම කියනවනම් අපේ ඇඟිලි සළකුණු තව කෙනෙකුට සමාන වෙන්නේ නැහැනේ.අන්න ඒ වගේ තමයි අපේ ලයිෆ් ස්ටයිල් එකකත් ..

ඔබ දන්නවා ද ඔබේ ස්ටයිල් එක..ගොඩ දෙනෙක් කරන්නේ අනුන්ගේ ස්ටයිල් කොපි කර අමාරුවේ වැටීමයි..මොකද ඔබ ට එය නොගැලපෙන නිසාය ..ඉස්සර ඔය පඩිවරු කියලා තියෙන්නේ තමන්ගේ මට්ටම් තම්මැට්ටම් කියලා දත් පනුවෝ කනොවට නෙවෙයි නේ..අන්න ඒක නිසා ඔබේ ස්ටයිල් ඒක හොයා ගන්න 

කොහොමද ස්ටයිල් ඒක හොයා ගන්නේ..ඔබ ,ඔබ ගැනම කල්පනා කරන්න..ඔබ සතුටු වෙච්ච සහ දුක් වෙච්ච දේවල් ගැන එහම නැත්නම් ඔබේ සාර්ථකත්වය අසාර්ථකත්වය ගැන..ඔබ සාර්ථක වුනානම් ඒ කොහොමද ..අසාර්ථක වුනානම් ඒ මොන හේතු නිසාද කියලා තේරුම් බේරුම් කර ගන්න..ඕනෙනම් කොලේක ලියන්න..

දැන් ආයි කලපනා කරන්න ඔබ අසාර්ථක වුනේ ඇයි..ඔබට තේරෙනවා ඇති ඔබට ඔබ ම නොවී කරපු වැඩ නිසා තමයි ඒ අසාර්ථකත්වය ට හේතුව..මෙහෙම පැහැදිලි කරනවා නම් ඔබේ යහළුවාට බයික් එකේ හිටගෙන යන්න පුළුවන්..ඔබත් හිතෙනවා එහෙම කරන්න පුළුවන් කියලා.ඔබ එය කරනවා ..අසාර්ථක වෙනවා ..වැටෙනවා ..අන්න ඒක නිසා තමයි කියන්නේ ඔබ ,ඔබම වෙන්න කියාය..එතැනදී කියයි පුරුදු වුනේ නෑ ....වගේ ඒවා ..සමහර වෙලාවට කොච්චර පුරුදු උනත් ඒ යාලුවා වගේ කරන්න බෑ..ඒ කියන්නේ ඔබේ ස්ටයිල් ඒක වෙනස් .

ඔබ කරේ ඔබගේ යාලුවා අනුකරණය කිරීමක් ..අන්න එතනදී තමයි ඔබට වැරදුනේ..ඔබ කල යුතුව තිබුනේ ඔහුගෙන් දෙයක් ගෙන එය ඔබේ ස්ටයිල් කරන්න..අන්න එතනදී ඔබට බයික් එකේ හිටගෙන නෙවෙයි ..ඔලුවෙන් උනත් යන්න පුළුවන්..

ලෝකේ මිනිස්සු වෙනස් කළා නොව මිනිස්සු ලෝකේ වෙනස් කළා. ඒ මිනිස්සු ලෝකේ  වෙනස් කලේ අනුන්ගේ දේවල් ගෙඩි පිටින් කොපි කරලා නෙවෙයි..ඒවායින් හොඳ දේවල් ගෙන තමන්ගේ දේවල් වලින් පුරෝලා තමයි..අපි හැමෝම පොරක් වෙන්නේ තමන්ගේ ලයිෆ් ස්ටයිල් එක අදුර ගත්ත දවසට අන්න එදාට කියන්න පුළුවන් ලයිෆ් ඉස් මයි ස්ටයිල් කියලා ..ඔබ ඔබම වෙන්න අනුන්ගේ චරිත රඟ නොපා ...

Read More

අඟහරු ගේ හිමිකරුවෝ

පවුලේ සියලු දෙනා ම බෝට්‌ටුවෙන් විනෝද සවාරියක්‌ යා යුතු ය යන යෝජනාව ගෙන ආවේ අම්ම්d වුව ද එය තාත්තා ගේ අදහසක්‌ ක්‍රියාවට නැඟීමක්‌ වන බව ටිමොති දැන සිටියේ ය. යෝජනාව ඉදිරිපත් වූ වහා ම ළමයින් අතරින් මහත් ඝෝෂාවක්‌ පැනනැඟි අතර සියල්ලෝ ම ගමනට සූදානම් වූ හ. තාත්තා අඟහරු අහස දෙස නෙත් යොමාගෙන සිටියේ ය. ළමුයි තිදෙනා මෝටර් බෝට්‌ටුව තුළට පැනගත් හ.

"හුරා·" බෝට්‌ටුව ඈත දියඹට ඇදී යද්දී සියල්ලෝ ම එකවර ප්‍රීති ඝෝෂා කළ හ.

ටිමොති බෝට්‌ටුවේ පිටුපස තාත්තා ළඟින් වාඩි වී සිටියේ ය. පෘථිවියේ සිට ඔවුන් පැමිණි පෞද්ගලික රොකට්‌ටුව ගොඩබැස්‌වූ ස්‌ථානය ඔහුට පෙනිණි. පෘථිවියෙන් නික්‌ම ඒමට පෙර දින රාත්‍රිය ඔහුට සිහිපත් විය. තාත්තා කොතැනකින් හෝ කවර අන්දමකින් හෝ රොකට්‌ටුවක්‌ සොයාගෙන තිබිණි. නිවාඩුව ගත කිරීම සඳහා අඟහරු ලොව යන බව කියෑවිණි. ඔවුන් අඟහරු ලොවට පැමිණියේ ඒ අන්දමට ය.

බෝට්‌ටුව ඈතට ඇදී යද්දී තාත්තා ගේ මුහුණේ සටහන් වී තිබූ අමුතු පෙනුම ටිමොතිට ගැටලුවක්‌ විය.

"අපි කොයි තරම් ඈතට යනව ද තාත්තේ?" රොබට්‌ විමසී ය.

"අවුරුදු දස ලක්‌ෂයක්‌ ඈතට."

තාත්තා කියද්දී රොබට්‌ ගේ මුහුණෙන් පිළිබිඹු වූයේ විස්‌මයකි.

"අර බලන්න, මිය ගිය නගරයක්‌." අම්මා අත දිගු කර පෙන්වූවා ය.

ඔවුන් ගේ බලාපොරොත්තු සහගත බැල්ම ඒ දෙසට යොමු විය. අගහරු අහසේ වූ හිරු ගේ රශ්මියෙන් ගිනියම් වී තිබූ රෝස පැහැති ගල් තලාවක්‌, ගරා වැටුණු කුලුනු කිහිපයක්‌, හුදෙකලා වූ කොතක්‌ හා මායිම් ක්‌ෂිතිජයේ සීමාවෙන් ඔබ්බට දිව ගිය වැලි කතරක්‌ බැල්මට හසු විය.

ටිමොති, තෙරක්‌ නො පෙනෙන නිල් අහස දෙස බලා සිටියේ ය. පෘථිවිය, යුද්ධය, විනාශ වී ගිය නගර, එකිනෙකා කුලල් කාගන්නා මිනිසුන් ඔහුට සිහිපත් විය. එහෙත් ඔහුට ඒ කිසිවක්‌ නො පෙනෙණි.

"කොහොම ද ටිම් ගමන?"

විලියම් තෝමස්‌ තම නළල පිස දමමින් පුතු ටිමොති දෙස බැලී ය.

"හොඳයි, තාත්තේ. තාත්තා මොකද ඔය තරම් අහස දිහා බලන්නේ?"

"මම හොයන්නේ යුක්‌තිය, හරි දැක්‌ම, හොඳ ආණ්‌ඩුවක්‌, සාමය, වගකීම වගේ දේවල්."

"අහසේ?"

"නැහැ, පුතා. දැන් ඒවා එහෙ නැහැ. සමහර විට නැවත ඇති වන ඒකකුත් නැහැ." එක්‌වර ම ළමයින් ගෙන් මහත් ඝෝෂාවක්‌ ඇති විය. බෝට්‌ටුව අසලට පැමිණ සිටි රිදී පැහැති මාළුවකු, ආහාර කැබැලි ගැනීමට පොරබදන අයුරු බැලීමට ළමයින් එක්‌ රොක්‌ වීම නිසා බෝට්‌ටුව තදින් පැද්දිණි.

"හරියට ම යුද්ධය වගේ. යුද්ධය පිහිනාගෙන එනවා, ආහාර දකිනවා, ගිවිසුම් ඇති කරගන්නවා, ඊට මොහොතකට පස්‌සේ පෘථිවිය විනාශයි."

"විලියම්·" අම්මා ගේ ස්‌වරයේ වූයේ අනතුරු ඇඟවීමකි.

"කණගාටුයි" තාත්තා සෙමෙන් කීවේ ය.

ò ò ò

ඔවුහු නිසලව ඉදගෙන ගලා බසින සිසිල් වූ ජල කද ස්‌පර්ශ කළ හ. ඇසුණේ, ගලාබසින ජලයේ හඩත්, බෝට්‌ටුවේ මෝටරයේ හඩත් පමණි.

"කොයි වෙලාවට ද තාත්තේ, අපි අඟහරු ලෝකේ මිනිස්‌සු දකින්නේ?" මයිකල් ඇසුවේ ය.

"ඉක්‌මනට සමහර විට අද රෑට ම" තාත්තා කීවේ ය.

"ඒ ගොල්ලෝ දැන් වඳ වෙලා." අම්මා කීවා ය.

"නැහැ. මම කොහොම හරි පෙන්නන්නම් කෝ." තාත්තා ස්‌ථිර කොට කීවේ ය.

ටිමොති කිසිවක්‌ කීවේ නැත.

"ඒ ගොල්ලෝ කොයි වගේ ද?" මයිකල්ට දැනගැනීමට උවමනා විය.

"ඒ අයව දැක්‌කම දැනගන්න පුළුවන් වෙයි." තාත්තා කීවේ මඳ සිනාවකින් යුතු ව ය.

අම්මා ගේ මුහුණේ වූ කල්පනාකාරී ස්‌වභාවය ටිමොතිට තවමත් ගැටලුවක්‌ විය.

ඔවුහු සැතපුම් දස ලක්‌ෂ ගණනක්‌ ගෙවා පැමිණියේ හුදෙක්‌ මේ විනෝද චාරිකාවේ යෙදෙන්නට ද? රොකට්‌ටුව තුළ තුවක්‌කුවක්‌ තිබුණේ ඇයි? ඔවුන්ට වසර ගණනාවකට ප්‍රමාණවත් වන තරම් ආහාර තොගයක්‌ ඔවුන් ගේ රොකට්‌ටුව ආසන්නයේ සඟවා තබා තිබුණේ ඇයි? විනෝද සවාරියකට වඩා වෙනස්‌ හා බිය ගෙන දෙන දෙයක්‌ ඒ පිටුපස ඇත. එහෙත් එම කඩතුරාව ඉවත් කිරීමට ටිමොතිට හැකියාවක්‌ නො වී ය. වයස 8 හා 10 වන අනෙක්‌ දරුවන් දෙදෙනාට ඒ ගැන තේරුමක්‌ නැත.

"අඟහරු ලෝකේ මිනිස්‌සු තවමත් නැහැ නේ." රොබට්‌, තම නිකට දැත් මත තබා ජල කද දෙස බලමින් කණගාටුවෙන් කීවේ ය.

තාත්තා පරමාණුක රේඩියෝවක්‌ අතේ බැඳගෙන විත් තිබිණි. එය ක්‍රියා කළේ යල් පැනගිය සිද්ධාන්තයකට අනුව ය. ඔබේ කන අසලට ළං කළ විට, එය කම්පනය වී ශබ්දය නිකුත් වේ. තාත්තා දැන් එයට සවන් දේ. ඔහු ගේ මුහුණ ගරා වැටුණු අඟහරු නගරයක්‌ මෙන් අජීවී විය.

ඉන්පසු එය අම්මාට සවන් දීමට දුන්නේ ය. ඇගේ මුව ඉබේ ම විවර විය.

"මොකක්‌ ද?" ටිමොති අසන්නට සැරසුණු ප්‍රශ්නය, ඔහු ගේ මුවින් පිට වූයේ නැත.

තාත්තා එක්‌වර ම බෝට්‌ටුවේ වේගය වැඩි කළේය. බෝට්‌ටුව තදින් පැද්දෙන්නට විය. රොබට්‌ බිය වී කෑගසන්නට වූ මුත් මයිකල් අම්මා ගේ කකුලේ එල්ලී, තම නාසය අසලින් ගලා ගිය ජල දහර දෙස බලා සිටියේ ප්‍රීතියෙනි. තාත්තා, බෝට්‌ටුවේ වේගය අඩු කොට එය අතුරු ජල මාර්ගයකට යොමු කළේ ය. ජල කඳ කැළඹී, දිය රැළි නැඟුණු අතර, ඒවා ගල්පර මත හැපී විසිරී ගියේ ය. බෝට්‌ටුව නතර විය.

සියල්ලෝ ම සවන් යොමාගෙන සිටිය හ.

තාත්තා තදින් හුස්‌ම ගන්නා හඩ ඔවුනට ඇසිණි.

තාත්තා ඉන් පසු සුසුමක්‌ පිට කොට සැහැල්ලුවෙන් තමාට ම සිනාසුණේ ය.

"අපේ රොකට්‌ එක ගැන කල්පනා කළේ....."

"ඇයි මොකද වුණේ, තාත්තේ? මොකද වුණේ?"

මයිකල් ඇසී ය.

"අපි අපේ රොකට්‌ එක පුපුරුවා හැරියා. තාත්තා වෙනුවට පිළිතුරු දුන්නේ ටිමොති ය."

"ඇයි අපි අපේ රොකට්‌ එක පිපිරෙව්වේ?, ඇයි තාත්තේ?" මයිකල් ඇසී ය.

"තාත්තා එහෙම කළේ අපි කොහාට ද ගොඩ බැස්‌සේ, කොහාට ද ගියේ කියලා හොයාගන්න බැරි වෙන්න. සමහර විට ඒ අය සොයලා බලන්න පුළුවනි."

"මම ටිකක්‌ බයෙන් හිටියේ. තවත් රොකට්‌ තියේ වි කියලා හිතන එක මෝඩකමක්‌. සමහර විට එඩ්වඩ් එයා ගේ නෝනත් එක්‌ක ඒගොල්ලන්ගේ පෞද්ගලික රොකට්‌ එකෙන් එන්න ඉඩ තියෙනවා." තාත්තා කීවේ ය.

ඔහු නැවත වරක්‌ තම කුඩා රේඩියෝව කනට ළං කළේ ය. මිනිත්තු දෙකකට පසුව ඔහු තම අත පහත හෙළී ය.

"ඒක ඉවරයි." ඔහු අම්මාට කීවේ ය.

"අන්තිම පරමාණුක තරංගයත් නැති වී ගියා. හැම ගුවන් විදුලි විකාශනයක්‌ ම අවසානයි. අහස සම්පූර්ණයෙන් ම නිශ්චලයි. එය සමහර විටම එලෙසින් ම පවතී වි."

"කොයි තරම් කාලයක්‌ ද තාත්තේ?" රොබට්‌ ඇසී ය.

"සමහර විට ඔයගොල්ලන් ගේ මුණුබුරන්ට ඒක ආයෙත් අසන්නට පුළුවන් වේ වි." ඔහු බෝට්‌ටුව නැවතත් ඇල මාර්ගයට යොමු කොට, ඔවුන් මුලින් යමින් සිටි දිශාවට නැවතත් ගමන් කරවී ය.

හිරු බැස යමින් පැවැති අතර, තවත් මිය ගිය නගර කීපයක්‌ ඔවුන් අබියස විය.

තාත්තා ඉතා සෙමින්, මෘදු ව තම පුතුන් සමඟ කතා කළේ ය. අද ඔහු ඔවුන් සමඟ අමුතු සුහදබවක්‌ ඇති කරගෙන ඇති සෙයකි.

"මයික්‌, නගරයක්‌ තෝරන්න"

"මොකද්ද තාත්තේ?"

"නගරයක්‌ තෝරන්න පුතා. අපි දැන් පහු කරගෙන යන ඕනෑ ම නගරයක්‌"

"හොඳයි" මයිකල් පැවසී ය.

"කොහොම ද තෝරන්නේ?"

"ඔයා වැඩියෙන් ම කැමැති නගරය තෝරන්න."

රොබට්‌, ටිම් ඔයගොල්ලත් තෝරන්න.

"මට ඕනේ අඟහරු ලෝකේ මිනිස්‌සු ඉන්න නගරයක්‌." මයිකල් කීවේ ය.

"ඔයාට ඒක ලැබෙයි. ඒ ගැන මම පොරොන්දු වෙනවා." තාත්තා එසේ කියද්දී ඔහු ගේ දැස්‌ අම්මා වෙත යොමු වී තිබිණි. මිනිත්තු 20ක්‌ ඇතුළත ඔවුහු නගර 6ක්‌ පසු කොට ගමන් කළ හ. මුල් ම නගරයට මයිකල් කැමැති විය. දෙවැන්නට කිසිවකු කැමැති වූයේ නැත. දැවයෙන් නිමවා තිබූ එය පෘථිවිවාසියකු ගේ වාසභූමියක්‌ වූ අතර, ගරා වැටෙමින් පැවතිණි. හතර වැනි හා පස්‌ වැනි ඒවා බොහෝ කුඩා විය. හය වැන්න අම්මා ද ඇතුළු සියල්ලන් ගේ ම ප්‍රසාදයට ලක්‌ විය.

විශාල ආකෘති 50ක්‌ 60ක්‌ පමණ එහි තවමත් ඉතිරි වී පැවතිණි. මං මාවත් දුහුවිල්ලෙන් ගහන විය. ජලය ගබා බසින උල්පත් කිහිපයක්‌ ද දකින්නට හැකි විය.

"අපි කැමැති මේ නගරයට." සියල්ලෝ ම එකඟත්වය පළ කළ හ.

තාත්තා බෝට්‌ටුවේ මෝටරය ක්‍රියා විරහිත කොට ඉන් පිටතට පැනගත්තේ ය.

(මතු සම්බන්ධයි)

අනුවාදය

අමල් වික්‍රමසූරිය

Read More

කතරගම අතරමඟ උණු වතුර තොටුපොළ

සංචාරයට හිතැත්තෙකුට මදුනාගල කියන නම කියන විටම සිහියට එන්නේ ලංකාවේ ජනප්‍රියම උණුදිය පොකුණු දෙකෙන් එකක්. අනික පිහිටලා තියෙන්නේ කින්නියාවල. උණුවතුර ළිඳක නානවා කියන අත්දැකීම සමහරැන්ට ලැබිලා තිබුණාට සමහරැන්ට ඒක ලැබිලා නෑ. කතරගම යන ගමන් පහසුවෙන් ගිහින් නිදහසේ ස්වාභාවික උණුවතුර ටිකක් නා කියාගෙන එන්න පුළුවන්කම තියෙද්දී පිට පාරෙන් යන්නට යන අයට පාර කියන්නත් එක්ක ඔන්න අද අපි යනවා මදුනාගල උණුවතුර ළිංවලින් නාගන්න.

පදලංගල සූරියවැව ප්‍රධාන පාරේ පදලංගල සිට කි.මී. 9ක් පමණ සූරියවැව දෙසට පැමිණියාට පස්සේ හමුවෙන විහාරගල හතරමං හදියෙන් දකුණට හැරී කී.මීග 04 ක් පමණ ගමන් කළ පසු මනරම් භුමි ප්‍රදේශයක මේ උණුවතුර ළිං පිහිටලා තිබෙනවා. අපි කට වහරේ උණුවතුර ළිං කියූ පමණින් සිහිවෙන්නේ මේ ළිඳෙන් උනන ජලයේ උණුසුම වැඩියි යන්න පමණයි.
නමුත් මේ ජලයේ තිබෙන රසායන හා ඛණිජ සංයුතිය සාමාන්‍යයෙන් අපි ස්නානය කරන ජලයට වඩා වෙනස්. රෝග සුව කිරීමේ ඖෂධීය හැකියාවක් මේ උණුවතුර ළිංවලින් ගලා එන ජලයේ තිබෙනවා යන්න මිනිසුන් විශ්වාස කරනවා. අද වෙද්දී මදුනාගල උණුවතුර ළිංවල ජලයේ උෂ්ණත්වය සෙල්සියස් අංශක 40ක් පමණ වෙනවා. නමුත් අතීතයේ මෙහි ජලයේ උෂ්ණත්වයෙන් බිත්තර තම්බන්න පවා හැකි වූ බව ගම්වැසියෝ කියනවා. වර්තමානයේ මෙම ස්ථානයේ ඇති ප්‍රධාන උණුදිය උල්පත වටකොට තවත් ජල ටැංකි පහක් ඉදිකරලා තිබෙනවා.
මෙම ජල ටැංකි පහේ උෂ්ණත්වය එකින් එකට වෙනස්. එනම්, උණුදිය උල්පත වටා බැදි ජල ටැංකිය තමයි වඩා වැඩිම උෂ්ණත්වයක් ඇති ජල ටැංකිය. ඒ තුළ ජලය ඉහළ උෂ්ණත්වයකින් පවතින නිසා ඒ තුළින් දිය බුබුළු මතුවනු දකින්නත් පුළුවන්. ඒ වටා තිබෙන අනෙක් ටැංකි සාදා තිබෙන්නේ ප්‍රධාන බුබුලෙන් එන උණුසුම් ජලය බාහිර සීතල ජලය සමඟ මුහුකරලා උෂ්ණත්වය අඩුවන ආකාරයට. ඒ නිසා අධික උණුසුමෙන් යුත් ජලය ටැංකියෙන් ටැංකියට ගලා යමින් ක්‍රමයෙන් උෂ්ණත්වය අඩු වන නිසා ඇඟ පුච්චගන්නේ නැතිව නාන්න සංචාරකයින්ට පුළුවනි.
තවත් කාරණයක් තියෙනවා. ඒ තමයි මේ උණුදිය පොකුණ බාහිර පිරිස් සඳහා විවෘතව තියෙන්නේ උදෑසන 7.00 සිට රාත්‍රී 7.00 දක්වා පමණයි. ටැංකි තුළට බැසීමට කිසිසේත් අවස්ථාවක් ලබාදෙන්නේ නෑ. ඒ වගේම සබන් ආදිය ටැංකි මත තබන්න ඉඩකුත් නෑ. ප්‍රධානම කාරණය තමයි පොහොය දින හා ඉරිදා සෙනසුරාදා වගේ දවස්වලට උණුදිය පොකුණෙන් නාන්න ඉඩ දෙන්නේ නෑ.

ඒ මෙහි පැමිණෙන විශාල පිරිස එහි ස්නානය කළොත් පොකුණ සිඳෙන්න පුළුවන් නිසා. මොකද ජලය උනන වේගයට වඩා වේගයකින් ජලය ස්නානයට පාවිච්චි කරන නිසා. සුළු මුදලක් අය කරනවා මෙතැනට ඇතුළු වන්න. ඒ මුදල මෙම ස්ථානය පිරිසිදු කිරීම් ආදියට වැය කරනවා. එහෙනම් කතරගමට යන අතරමඟ මෙතැනටත් ගිහින් හොට් වෝටර් බාත් එකක් අරගෙනම යන්න.

Read More

ලොව ජනප්‍රියම ක්‍රීඩා 7

1.පාපන්දු
               
ලොව ජනප්‍රියම ක්‍රීඩාව ලෙස අවිවාදයෙන් ම හැදින්විය හැකි ක්‍රීඩාව වන්නේ පාපන්දුය .යුරෝපය අප්‍රිකාව ආසියාව හා ඇමරිකා මහ්ද්විපා පුරා අතිශය ජනප්‍රිය ක්‍රීඩාවක් වන  පාපන්දු වට ලොව පුරා ප්‍රේක්ෂකයන් බ්ලියන 3.5 සිටි

2.ක්‍රිකට්

ශ්‍රී ලංකාවේ අතිශයින්ම ජනප්‍රිය ක්‍රීඩාව වන කිර්කට් ලොව පුරා දෙවනියට ප්‍රේක්ෂක පිරිසක් සිටින ක්‍රීඩාව වේ.ලොව පුරා ප්‍රේක්ෂකයන් බිලියන 2.5 ක් ,ක්‍රිකට් ක්‍රීඩාව වටා එක රොක් වී ඇතත් එය වඩාත් ජනප්‍රිය ඇත්තේ ආසියානු .ඕස්ට්‍රේලියානු මහද්වීපයේ සහ යුරෝපයෙන් එක්සන් රාජධානියේය .

3.හොකී

යුරෝපා  ,අප්‍රිකානු ,ආසියානු හා ඕස්ට්‍රේලියානු පුරා විහිදී පවතින හොකී ක්‍රීඩාව ,ලොව පුරා ප්‍රේක්ෂකයන් බිලියන දෙකකගේ  පමණ ප්‍රේක්ෂක ප්‍රතිචාර හිමි කර ගැනීමට සමත් වී ඇත

4.ටෙනිස්

යුරෝපය,ආසියාව හා ඇමරිකාවේ දැඩි ප්‍රේක්ෂක ප්‍රතිචාර වලට ලක්ව ඇති ටෙනිස් ක්‍රීඩාව ලොව පුරා ජනප්‍රියව ඇති ඒකල ක්‍රීඩා අතොලොස්ස අතරින් එකකි .ලොව පුරා ප්‍රේක්ෂකයන් බිලියනයකගේ පමණ ආකර්ෂණය දිනා ගැනීමට මෙයට හැකි වී ඇත .

5.වොලිබෝල්

ශ්‍රී ලංකාවේ ජාතික ක්‍රීඩාව වන වොලිබෝල් ,ශ්‍රී ලංකාව ඇතුළු ආසියානු කලාපයේ ,ඇමරිකානු ඕස්ට්‍රේලියානු හා යුරෝපියානු කලාපයේ දැඩි ප්‍රේක්ෂක ප්‍රතිචාර දිනා ගැනීමට සමත්ව ඇත.ලොව පුරා ප්‍රේක්ෂකයන් මිලියන 900 පමණ මෙය වටා රොක්ව ඇත.

6.මේස පන්දු

ඒකල ක්‍රීඩාවක් ලෙස ලොව පුරා ඉමහත් ජනප්‍රියත්වයට පත්ව ඇති මේස පන්දු ආසියා ,යුරෝපා ,ඇමරිකා හා අප්‍රිකෑ මහද්වීපයන් හි වැඩි ප්‍රසිද්ධියක් හා ජනප්‍රියත්වයක් උසුලයි.ලොව පුරා ප්‍රේක්ෂකයන් මිලියන 850 ක් පමණ මෙය වටා එක රොක් වී ඇත .

7.බේස් බෝල්

ශ්‍රී ලංකාවේ හෝ ලොව බොහෝ රටවල එතරම් ප්‍රසිද්ධියක් නොලැබුනත් ,බේස් බෝල් ක්‍රීඩාව ට ඇමරිකාව හා ජපානයේ දී හිමි වන්නේ ඉහල ජනප්‍රියත්වයකි.එමෙන්ම මෙය වටා ලොව පුරා මිලියන 500 ගේ පමණ ප්‍රේක්ෂක ආකර්ෂණයක් ඇත,

Read More

තායිලන්තයේ ‘ක්‍රා කැනල් ව්‍යාපෘතිය’ සහ ලංකාව

ගෙවී යමින් තිබෙනුයේ 2017 වසරේ පෙබරවාරි මාසයයි. වර්ෂය ආරම්භයේදීම ඉන්දියන් සාගර කලාපයේ වෙළෙඳ නාවික ගමන් අරබයා අසන්නට ලැබෙන ආරංචි බෙහෙවින් කුතුහලය දනවන්නේය. එසේම ඒවා ශ්‍රී ලංකාවට අතිශයින්ම තීරණාත්මක බවද පෙනී යයි. වර්ෂ 2000න් ඇරඹුණු දශකයේ අග භාගය ඉන්දියන් සාගර කලාපයේ වෙළෙඳ නාවික ගමන් රටාව උඩු යටිකුරු කෙරෙන වකවානුවකි. එහි අලුත්ම තුරුම්පුව වන්නේ තායිලන්තයේ 'ක්‍රා කැනල්' ව්‍යාපෘතියයි. 'ක්‍රා' කැනල් යනු ඉන්දියන් සාගරයත් දකුණු චීන මුහුදත් ඉතා කෙටි මගකින් යා කෙරෙන 'නාවික' ඇළකි.
එය ඉන්දියානු සාගර කලාපයේ වෙළෙඳ නාවික ගමන් රටාව පමණක් නොවේ. ආසියනු කලාපයේ රටවල ආර්ථික සහ දේශපාලන ඉරණම තීන්දු කරන ඒවා මහා පෙරළියකට හසු කරන ප්‍රපංචයක් බව පෙනෙන්නට තිබේ. ශ්‍රී ලංකාව සම්බන්ධයෙන් ගත් කල ඉන් අපට උදා වනු ඇත්තේ යම් වාසිදායක තත්ත්වයකි එහෙත් එය පුබුදුවා ගැනීම නම් කොහෙත්ම ලෙහෙසි කරුණක් නොවේ වාසිය අත්පත් කර ගැනීම අසීරු ඉලක්කයකි. එය තීන්දු වනු ඇත්තේ, ඉන්දීය සාගර නමැති නාවික 'රණබිම' අරභයා ඉන්දියාව, චීනය සහ ඇමෙරිකාව යන බලවත් රටවල් අතර පවතින සීතල අරගලයෙන් එල්ල වන බලපෑම් අපට වාසිදායක ලෙස කළමනාකරණය කර ගැනීමට ඇති හැකියාව මතය.
තායිලන්තය 'ක්‍රා' කැනල් ව්‍යාපෘතිය ලංකාවට බලපාන ආකාරය ගැන යම් විමසුමක යෙදීම මෙම ලිපියෙහි අරමුණයි. එහෙත් එය තේරුම් ගැනීමට නම්, වර්තමාන ලංකාවේ වෙළෙඳ නාවික ක්‍රියාදාමය කෙසේදැයි අධ්‍යයනය කළ යුතුය. ඉන් ලංකාවේ පමණක් නොව ඉන්දියන් සාගරයේද වෙළෙඳ නාවික ක්‍රියාදාමය තේරුම් ගැනීමට රුකුලක් ලැබේ.
ලංකාව යනු ලෝකයේ කාර්ය බහුලම වෙළෙඳ නැව් මාර්ගය සේ සලකෙන නැගෙනහිර බටහිර නැව් මාර්ගයට ඉතාමත්ම සමීපයෙන් පිහිටි රටකි. එබැවින් අනාදිමත් කාලයක පටන්ම ලොව බටහිර දිග සහ නැගෙනහිර දිග ගමනේ යෙදුණු වෙළෙඳ නෞකාවෝ ලංකාවට සමීපයෙන් යාත්‍රා කළහ. අතීතයේ චීනයත් යුරෝපයත් යා කෙරුණේ 'ගොඩබිම් සේද මාර්ගය මගිනි. පසුකාලීනව එය 'සාගර සේද මාර්ගයක්' බවට පත්විය. එයින් පසුව ඉන්දියන් සාගරයේ නැව් ගමන් වැඩි විණි. අද ලොව 'නැගෙනහිර- බටහිර නැව් මාර්ගය වශයෙන් හැඳින්වෙන්නේ පැරණි සේද මාර්ගයේ වර්තමාන රූපාන්තරණයයි. එය අද ලොව කාර්ය බහුලම නැව් මාර්ගයද වන්නේය. වෙළෙඳ නෞකා නිරන්තරවම එහි යාත්‍රා කරති.
වර්තමාන ලෝකයේ නාවික ප්‍රවාහනයෙන් විශාල කාර්යභාරයක් එයින් ඉටුවන අතර, චීනය, ජපානය, කොරියාව, ආදී ඈත රටවලට ඛනිජ තෙල් සැපයෙන්නේද එයිනි. දැනට තිබෙන තත්ත්වයේ හැටියට ලෝකයට වැඩිපුරම ඉන්ධන සැපයෙන සුප්‍රකට පර්සියන් බොක්කෙහි පිහිටි ඩුබායි' ජාත්‍යන්තර වරාය සහ මලක්කා සමුද්‍ර සන්ධිය ආශ්‍රිතව පිහිටි සිංගප්පූරුවේ වරාය අතර ඇති පුළුල්ම කාර්යක්ෂම බවින් වැඩිම වරාය 'කොළඹ'ය. නැගී එන වරායද ලංකාවේ 'හම්බන්තොට'ය.
කොළඹ වර්තමානයේ දකුණු ආසියාවේ නාවික කේන්ද්‍රස්ථානය බවට පත්වී තිබේ. 'ලෝක නාවික  සභාව' නම් ආයතනය නිකුත් කළ වාර්තා අනුව අපේ කොළඹ 2014 වසරේ කන්ටේනර් මෙහෙයුම් අතින් ලොව 30 වැනි හොඳම වරායයි.

මලක්කාව මගහැර කෙටි මගක්
2010 වසරේ විවෘත කෙරුණු හම්බන්තොට නව වරාය තවම කොළඹ තරම් අතු ඉති විහිදුවා නැත. එහෙත් එය කොළඹ වරායේ ලොකු බෑණා වැනිය. ඉන්දියන් සාගරයේ ප්‍රධාන නාවික කේන්ද්‍රස්තානයක් වීම සඳහා කොළඹටත් වඩා හුරුබුහුටිකම් ඇත්තේද හම්බන්තොටටය. තවම හම්බන්තොටට බහුල වශයෙන් නොපැමිණියද දිනකට වෙළෙඳ නෞකා 200කට අධික සංඛ්‍යාවක් හම්බන්තොටට පෙනි පෙනි ජාත්‍යන්තර නැව් මාර්ගයෙහි යාත්‍රා කරයි තායිලන්තයේ 'ක්‍රා' කැනල්' ව්‍යාපෘතිය ඉදිවුණු පසුව නැගෙනහිර-බටහිර වෙළෙඳ නැව් මාර්ගයේ 'මධ්‍ය වරාය' බවට පත්වනු ඇත්තේ තවදුරටත් සිංගප්පූරුව නොවේ. ලංකාවේ හම්බන්තොටයි 'ක්‍රා' කැනල් යනු දකුණු තායිලන්තයේ 'ඉස්ත්මස්' නම් ප්‍රදේශය හරහා ඉදි කරන්නට යන නාවික ඇළ මාර්ගයකි. එහි දිග කිලෝමීටර් 135කි. පළල මීටර් 400කි. ගැඹුර මීටර් 30කි. ඇළ ඉදි වූ පසුව තායිලන්ත සමුද්‍ර බොක්ක සහ අන්දමන් මුහුද ඉතා කෙටි මාර්ගයකින් එකිනෙකට සම්බන්ධ වේ. එබැවින් ලංකාව අසලින් චීනය දෙසට (පෙරදිගට) යාත්‍රා කරන නෞකාවලට මලක්කා සමුද්‍ර සන්ධිය මගහැර ගමන් කළ හැකි වෙයි. එය කෙටි මගකි. එහිදී තවදුරටත් සිංගප්පූරුවට යන්නට ඕනෑකමක් නැත. දැනට පළවී ඇති ජාත්‍යන්තර වාර්තා අනුව වර්ෂ 1869 මැද පෙරදිග ඊජිප්තුව මැදින් 'සූවස් ඇළ' තැනුවාට පසුව ලෝකයේ ඉදි කෙරෙන වැඩිපුරම කතා බහට ලක් වූ නාවික ඇළ ව්‍යාපෘතිය මෙයයි.
'ක්‍රා' කැනල් ව්‍යාපෘතිය තායිලන්තයේ 'නරායි' රජුගේ සමයේ එනම් වර්ෂ 1677 පටන් පැවැත එන සංවර්ධන යෝජනාවකි. එය මතෛක් වරින් වර ඉස්මතු වෙමින්, යට යමින් පැවැතුණේය.
ඇළ ඉදි කරන්නට යන්නේ දැන්ය.
'ක්‍රා' කැනල් චින තායිලන්ත ඒකාබද්ධ ව්‍යාපෘතියකි. 2015 මැයි මාසයේ 15 වැනිදා චීන සහ තායිලන්ත බලධාරීහු ඒ පිළිබඳ අවබෝධතා ගිවිසුමකට අත්සන් තැබූහ. ව්‍යාපෘතියෙහි සමස්ත වියදම ඇමෙරිකානු ඩොලර් බිලියන 28කි. ඉදිරි දස වසරක කාලය තුළ එහි ඉදිකිරීම් හමාර කිරීමට නියමිතය.
චීනය නව ව්‍යාපෘතිය පිළිබඳව දක්වන්නේ විශාල උනන්දුවකි. මෑතභාගයේ එයට වැඩි අවධානයක් දක්වා ඇත්තේ චීනයේ හිටපු ජනාධිපති හූ ජිංතාවෝය.
චීනයට එන ඉන්ධන තොග වැඩි හරියක්ම සැපයෙන්නේ (සියයට 80ක්ම) මැද පෙරදිග සහ අප්‍රිකානු රටවලිනි. ඒවා ප්‍රවාහනය කරන නෞකා යාත්‍රා කරන්නේ ඉන්දියන් සාගරය ඔස්සේ ශ්‍රී ලංකාව අයිනෙන්, හම්බන්තොටට අත ‍පොවන දුරින් ගොස්, මලක්කා සමූද්‍ර සන්ධිය හූ ජිංතාවෝ සිංගප්පූරුව අසලින් හැරී පෙරදිගට (චීනයට) යාමෙනි. චීනයේ හිටපු ජනාධිපති හූ ජින්තාවෝ පවසා ඇති අන්දමට එය ඔවුන්ට බලවත් ගැටලුවකි.
ඊට හේතුව වන්නේ ඔවුන්ගේ ප්‍රතිවාදී ඇමෙරිකානු කඳවුරේ උදවිය  කිසියම් අවස්ථාවක මලක්කා සමුද්‍ර සන්ධිය අවහිර කරන්නට ඉඩ තිබිමයි ඉන්දියන් සාගරය සහ පැසිපික් සාගරය වෙන් කෙනෙරන්නේ මලක්කා සමුද්‍ර සන්ධියෙනි. දැනට චීනයට දිවෙන නැව් මාර්ගය (නැගෙනහිර-බටහිර ප්‍රධාන නැව් මාර්ගය) වැටී ඇත්තේ සිංගප්පූරුව සහ මලයාසියාව යන රටල් අසලිනි. ඒවා ඇමෙරිකාවට හිතවත් රටවල් බව චීනයේ කල්පනාවයි. ඇමෙරිකාව කොයි මොහොතක හෝ එම රටවලද සහාය ඇතිව මලක්කා සමූද්‍ර සන්ධිය අවහිර කරන්නට ඉඩ තිබේ. එසේ වුවහොත් චීනය ඇතුළු පෙරදිග රටවලට නැව් ගමන් යනු බොරුය.
එබඳු තත්ත්වයක් ඇති වුවහොත් චීනයට උග්‍ර ඉන්ධන හිඟයකට  මුහුණ පාන්නට සිදුවනු ඇත්තේය. චීන තෙල් නැව් සියල්ලම මලක්කා සමූද්‍ර සන්ධිය ඔස්සේ යාත්‍රා කිරීම ඊට හේතුවයි. චීනය ක්‍රා කැනල් ව්‍යාපෘතිය' ඔස්සේ මලක්කා සමුද්‍ර සන්ධිය මගහැර අලුත් නැව් මාර්ගයක් ඉදිකර ගන්නට යන්නේ මේ කාරණය සැලකිල්ලට ගනිමිනි.

චීනයේ ගණන් බැලීම්

ඇමෙරිකාව සහ චීනය අතර පිටතට පෙනෙන තරම් හිත හොඳක්ද නැත. එය රහසක් නොවේ. චීනය මලක්කා සමුද්‍ර සන්ධියේ මග හැර අවදානම ගැන කල්පනා කරන්නේද බොහොම කාලයක සිටය. වර්තමානයේ මුළු ලෝකයටම ඛනිජ තෙල් බෙදා හැරෙන්නේ පර්සියන් බොක්කේ පිහිටි වරායවලිනි. ඉන්දියන් සාගරයෙන් එයට පිවිසෙන (අරාබි මුහුදේ) හෝර්මුස් සමුද්‍ර සන්ධිය ආශ්‍රිතව පාකිස්තානයේ ගුවාඩර් වරාය පිහිටා තිබේ. වර්ෂ 2007 දී චීනය පාකිස්තානයට ගුවාඩර් වරාය. සංවර්ධනය කර දුන්නේය. වසරේදීම ඔවුහු ලංකාවේ මහින්ද රාජපක්ෂ රජය සමග එක්ව, හම්බන්තොට වරාය ඉදිකර දුන්හ. මත්තල ජාත්‍යන්තර ගුවන්තොටුපළ ඉදි කරන්නට සහය වූහ. කොළඹ '‍පෝර්ට් සිටිය' හදන්නට ණය ආධාර දුන්හ. චීනය කරන්නේ ඔවුන්ගේ නෞකා ගමන් කරන මුහුදු කලාපවල පය ගසා ගන්නට තැනක් විධි ක්‍රමයක් සකස්කර ගැනීමයි.
ඔවුන් දැන් බංග්ලාදේශයේ  යෝජිත නව  'පයෙරා' ජාත්‍යන්තර ගැඹුරු වරාය ඉදි කරන්නට උදව් දෙන්නට සූදානමින් සිටිති. ආසියානු කලාපයේ මාධ්‍ය වාර්තා කියන්නේ,  බංග්ලාදේශයට නව වරාය තනා දීමට ඉන්දියාව සහ චීනය 'තරගයක' පැටලී සිටින බවයි මේ රටවල් දෙකටම බෙංගාල බොක්ක මුහුද අතිශයින්ම වැදගත්බව, එවන් තරගයක් ඇති වීමෙන්ම පෙනීයන කාරණයයි බංග්ලාදේශ රජය නව වරාය ඉදිකර ගැනීම පිණිස කුමන රටක හවුල්කාරිත්වය ලබා ගන්නේ ද යන්න තවම ප්‍රකාශකර නැත. නව වරාය ඉදි කෙරෙන්නේ, එරට ඩකා අගනුවරට ද, ඔවුන්ගේ චිතගොං වරායට ද නුදුරිනි.
චීනය නිරන්තරවම සිය සැලසුම සකස් කරන්නේ ආසියානු කලාපයේ මුහුදු බලය කෙරෙහි සැලකිලිමත් වෙමිනි. ඉදිරි සියවසක් තරම් ඈතට කල්පනා කරමිනි.
තායිලන්ත ක්‍රා කැනල් ව්‍යාපෘතිය බිහි වූ පසුව, බටහිර සිට පෙරදිගට හෝ චීනයට යන නෞකාවකට අඩුවන දුර ප්‍රමාණය කිලෝමීටර් 1200 ක් බවට ගණන් බලා තිබේ. වෙළෙඳ නෞකාවන්ට එය ගමන් කලය සහ ඉන්ධන අතින් ගජ වාසියකි. අනෙක මලක්කා සමුද්‍ර සන්ධිය හරහා යාත්‍රා කරන්නට ද ඕනෑ නැත. සිංගප්පූරුවට යන්නට ඕනෑ ද නැත. ඇළ විවෘත වීමෙන් පසුව සිංගප්පූරුවේ වරායට එළැඹ ඇති කන්ටේනර් වසන්තය, දීර්ඝ නාවික නියං සමයකට ගොදුරු වනු ඇති බවට දැනටමත් මත පළ වෙමින් තිබේ. ඇතැම් අය කියන්නේ. සිංගප්පූරුවේ වෙළෙඳ නාවික මෙහෙයුම් සියයට 50කින් පමණ පහත වැටෙනු ඇති බවයි. ඊජිප්තුවේ සූවස් ඇළ ඉදි වීමෙන් පසුව අප්‍රිකාවේ කේප් ටවුන් වරායටද එබඳු ඉරණමක් අත්වූහයි. කියනු ලැබේ. සිංගප්පූරුවේ පාලකයන් 'ක්‍රා කැනල් ව්‍යාපෘතියට' කැමැත්තක් පෙන්වන්නේ නැත.

සිංගප්පූරුව යනු ලෝක මට්ටමින්ම, වරාය ලෝකයේ දැවැන්තයෙකි. 2012 වසරේ තොරතුරු අනුව, එයට පැමිණි නෞකා ගණන 1,30,422 කි. ඉන් 18,567 ක්ම කන්ටේනර් ප්‍රවාහන නෞකාය. සිංගප්පූරුවේ වරාය ලොව ප්‍රකටව ඇත්තේ ද කන්ටේනර් මෙහෙයුම් සඳහාය. එබැවින් සිංගප්පූරුව, ඉන්දියන් සාගර කලාපය සහ ඈත පෙරදිග අතර පිහිටි ඉතාමත් ප්‍රබල නාවික කේන්ද්‍රයකි. 'කන්ටේනර් වසන්තය එයින් ගිලිහී ගිය හොත්, මතෛක් සිංගප්පූරුවෙන් කෙරුණු නාවික වැඩ කොටස පැවරෙනු ඇත්තේ ඉන්දියන් සාගරයේ කුමන වරායකටද?
ඒ සඳහා හොඳම තැන ලංකාවේ හම්බන්තොටයි කන්ටේනර් ප්‍රති නැව්ගත කිරීම, නෞකාවන්ට ඉන්ධන සහ ජලය සැපයීම, අලුත්වැඩියා සේවා ආදී නාවික වැඩ කොටස් සම්භාරයක්ම එයට පැවරෙනු ඇත්තේය. ජාත්‍යන්තර නැව් මර්ගයක පිහිටීම, ගොඩබිම් ඉඩකඩ ඕනෑ තරම් තිබිම සහ නාවික තටකයේ ප්‍රශ්ස්ත ගැඹුර යන වරාය කාරණා ත්‍රිත්වයෙහිම වාසිය හම්බන්තොටට තිබේ. ඩුබායි වරාය සහ තායිලන්තයේ ක්‍රා කැනල් අතර, ප්‍රධාන වෙළෙඳ නැව් මාර්ගයේ එවන් පහසුකම් සහිත කිසිදු වරායක් හමුවන්නේ ද නැත. මේ සියලු තත්ත්වයන් ලංකාවට අතිශයින්ම වාසි සහගතය.
එහෙත් වාසිය සිත් පුරා අත්පත්කර ගත හැක්කේ. චීනය පාර්ශ්වයෙන් ද, ඉන්දීය සහ ඇමෙරිකානු පාර්ශ්වයෙන්ද එල්ල වන පීඩනයට සාර්ථකව මුහුණ දීමට හැකි වුවහොත් පමණකි.
ඉන්දියාවට මෙන්ම චීනයටද ඕනෑ වී ඇත්තේ, ඉන්දීය සාගරයේ නාවික ආධිපත්‍ය තම තමන් අතේ රඳවා ගන්නටය. ඇමෙරිකාවට ද ඒ ටිකම ඕනෑ වී තිබේ.  එබැවින් වර්තමාන ඉන්දියන් සාගරය අතීතයටත් වඩා බලවත් රණබිමක් වී ඇති සැටි

Read More

ETF / EPF

බොහෝ දෙනෙක් සිතන්නේ ජීවිතේ සැදෑ සමයේදී තමුන්ට ඉතිරි වෙන්නේ EPF හා ETF එක විතරයි කියලා. ජීවිත කාලෙන් වැඩි කොටසක් යම් සේවා ස්ථානයකට කඹුරා තමුන් නිදහස් වන කාල සීමාවෙදි ගන්නා මේ මුදල් ගැන තෘප්තිමත් වුණත්, මේ මුදල් ලබාගන්න ගියාම මුහුණ පාන්න වන අකරතැබ්බ ගැන නම් කාටත් පැහැදීමක් නැතුව ඇති.

ETF හෝ EPF කාර්යාල කියූ සැණින් ඕනෑම කෙනෙකුගේ සිහියට නැගෙන්නේ එම කාර්යාල තුළ සිදුවන්නට වන රස්තියාදුව ගැනයි. ETF හෝ EPF ගැන හරිහැටි අවබෝධයක් නැති කෙනෙකුට මේ කාර්යය තවත් අපහසුයි. ඒ නිසාමETF හා EPF ගැන මූලික දැනුවත් කිරීඹක් හා අනවශ්‍ය කාලය කා දැමීමකින් තොරව ඔබේ කාර්යය සිදු කරගන්නා අයුරු ගැන කරුණු පැහදිලි කිරීමක් වටිනු ඇතී. ඒ වගේම ETF හා EPF යනු ජීවිතයේ සැඳෑ සමයේදී ලබාගත හැකි මුදලක් පමණක් ලෙස සිතා සිටින පිරිසටත් මේ කරුණා කාරණා වැදගත් වේවි.

1958 වර්ශයේ අංක 15 දරණ පාර්ලිමේන්තු පනත යටතේ EPF හෙවත් සේවක අර්ථසාධක අරමුදල ස්ථාපිත කර ඇත. රාජ්‍ය ආයතනවල මෙන් ස්තීරභාවයක් පෞද්ගලික ආයතනවල සේවයේ යෙදෙන සේවකයන්ට නොමැති නිසාම ඔවුන්ට ස්ථාවරභාවයක් සකසාදීමේ අරමුණ වෙනුවෙන් මෙම ෑඡත‍ හෙවත් සේවක අර්ථසාධක අරමුදල ස්තාපිත කර තිබේ.

ඕනෑම සේවා ආයතනයක සේවකයන් මෙන්ම සේවා යෝජකයෙකුද සිටිය. සේවකයාගේ වැටුපෙන් මෙන්ම සේවා යෝජකයාගේ ඉපැයීම් වලින් කොටසක්ද මෙම EPF අරමුදලට බැරවීම සිදුවේ. එනම් සේවකයාගේ වැටුපෙන් 8% මුදලක්ද, සේවා යෝජකයාගෙන් 12% ක්ද සේවක අර්ථසාධක අරමුදලට මාස්පතා බැර වේ.

සේවයට බැඳී දින 14ක් ඇතුළත තමුන් EPF අරමුදල සඳහා අදාළ ආයතනය හරහා ලියාපදිංචි කරවාගත යුතුය. මෙය සේවාදායකයා සතු වගකීමකි. මෙම ලියාපදිංචියේදී තමුන්ට A,B හා H ලෙස පත්‍ර තුනක් හිමි වේ. එහි A පත්‍රයේ සඳහන් කළ යුත්තේ තමුන්ගේ පෞද්ගලික විස්තර වන අතර B පත්‍රයේ සඳහන් කළ යුත්තේ තමුන්ගේ පෞද්ගලික විස්තර වන අතර එය තමුන්ට හිමිවන සාමාජික පත්‍රයයි. H පත්‍රය තුල හදිසි අවස්ථාවක තමා මියගියහොත් එහි භාරකාරත්වය පැවරීම වැනි කරුණු සඳහන් කිරීඹට තිබේ. මෙහිදී A, B හා H යන පත්‍ර පුරවා කම්කරු කාර්යාලයට භාරදිය යුතුව තිබේ. මෙම කාර්යය තම ආයතනය හරහා සිදුකරනු ලබයි. මෙහිදී B කාඩ්පත දෙපාර්තමේන්තුවේ ලියාපදිංචි කර ආයතනයට භාරදිය යුතුය. A හා H පත්‍ර දෙපාර්තමේන්තුවේ තබා ගතයුතුයි. B පත්‍රය තමන්ට හිමිවීමට නියමිත වුවත්, එය බොහෝ සේවකයන් අතින් අස්ථානගත වන නිසා බොහෝ ආයතන එම කාඩ්පත තබාගෙන සේවකයා ස්ථීරව සේවයෙන් ඉවත් වන දිනට ලබාදීමට කටයුතු සලසා ඇත.

මේ ආකාරයෙන් කම්කරු කාර්යාලයට ලැඛෙන දත්තවලට අනුව සියලු සේවකයන්ට ගිණුම් අංකයක් ලැබේ. එම ගිණුම් අංක සැකසෙන්නේ මේ ආකරයටය. සියලුම සේවා යෝජක ආයතන සඳහා කම්කරු දෙපාර්තමේන්තුවෙන් ලියාපදිංචි අංකයක් ලැබේ. උදාහරණයක් ලෙස සේවා ස්ථානය ගාල්ලේ පිහිටා ඇතිනම් එම ආයතනයේ අංකය වනුයේ, ආයතනයට ලබා දෙන අංකය දිස්ත්‍රික් අක්ෂරය XX/G සේවා ස්ථානයේ පළුම සේවකයාට XX/G1 ලෙස ඔහුගේ ෑඡත‍ ගිණුම් අංකයක් සැකසේ. ඒ අනුව දෙවැනි සේවකයාට XX/G2 ලෙසත් සේවක ගිණුම් අංක සැකසීම මහබැංකුවට මාස්පතා EPF මුදල් යැවීම සිදුවේ.

අර්ථසාධක අරමුදල (EPF) ලබාගත හැකි ක්‍රම කිහිපයක් තිබේ.

01. ඔබේ සේවාව අවසන් වී නිසි වයස් සීමාව සම්පූර්ණ වූ පසුව, එනම් කාන්තාවක් නම් වයස අවුරුදු 50 සපිරුණු පසුව, පිරිමියෙකු නම් වයස අවුරුදු 55 සපිරිණු පසුව.

02. විවාහ පදනම මත (එනම් සේවයෙන් ඉවත් වී මාස 03ක් ඇතුළත විවාහය ලියාපදිංචි කර තිබීම හෝ විවාහ ලියාපදිංචි කර වසර 05ක් ඇතුළත සේවයෙන් ඉවත් වුවහොත් අදාළ විවාහක කාන්තාවට මෙම මුදල ලබාගත හැකිය.)

03. තවදුරටත් රැකියාවක් කරගත නොහැකි තරමට අබලදුබල වූ විට රජයේ රෝහලකින් ඒ බව තහවුරු කළ සෞඛ්‍ය 307 කම්කරු කාර්්‍යාලයට ලබාදීම මගින් මෙම අරමුදල ලබාගත හැකිය.

04. විදෙස් රටකට යාම සඳහා ස්ථීර වීසා ලැබුණු අවස්ථාවක.

05. ස්ථීර විශ්‍රාම වැටුප් සහිත රජයේ රැකියාවක් ලැබුණු විට.

06. රාජ්‍ය ප්‍රතිපත්තියක් යටතේ හෝ ව්‍යවස්ථාපිත මණ්ඩලයක් හෝ සංස්ථාවක් EPF මුදල ලබාදිය යුතු යැයි අමාත්‍ය මණ්ඩලය තීරණය කළහොත් අදාල මුදල ලබාගත හැකිය.

ඔබ විමසිලිමත් විය යුත්තේ.

ඔබ එක් ආයතනයකින් ඉවත්ව තවත් ආයතනයක සේවයට යයි නම් එවැනි අවස්ථාවලදී පෙර ආයතනයේ මුදල් දෙවැනි ආයතනයේ ගිණුමට ඒකාබද්ධ කරගත යුතුය. එසේ නොමැති නම් ඔබ සේවය කරන සෑම ආයතනයක්ම ලියාපදිංචි B කාඩ්පත සුරැකිව තබාගැනීමට සැලකිලිමත් විය යුතුය. යම් ලෙසකින් ඔබට EPF මුදල්ද හිමි බව කියමින් සේවට බඳවාගෙන B කාඩ්පත ලියාපදිංචි නොකරන ලද ආයතනයක් වුවහොත් එම මුදල් ලබා ගැනීමට වෙහෙසක් දැරීමට සිදුවේ.
එබැවින් ආයතනයෙන් ලැඛෙන B කාඩ්පත සුරැකිව ළඟ තබා ගන්න. යම් ලෙසකින් B කාඩ්පත ලියාපදිංචි කර නොතිබුණහොත් EPF මුදල් ගැනීමට අදාළ ආයතනයේ සේවය කළ බවට පිළිගත් ලිඛිත සාක්ෂියක් කම්කරු කාර්යාලයට ලබාදීමට ඔබට සිදුවේ.

EPF මුදල් ලබාගැනීමට පැමිණීමේදී ඔබේ කාලය අනවශ්‍ය ලෙස කා දැමීමේ චෝදනාවට පිළීතුරු.

ඔබට මෙම මුදල් ලබාගැනීමට කොයි තරම් හදිසි වුවත් කම්කරු කාර්යාලය හරහා ඔබ විසින් සේවයට පැමිණි මුල් අවස්ථාවේදී A,B,H කාඩ් පත්වල තොරතුරු සමඟ අයදුම්පතේ තොරතුරු නිවැරදි දැයි සොයාබැලීම සිදුවේ. මෙම අවස්ථාවේ අදාළ තොරතුරු වල වෙනස්කම් සිදුවී තිබුණහොත් ඒ වෙනුවෙන් යම් කාලයක් වැය කිරීමට ඔබට සිදුවේ. මේ හේතුව නිසාම ඔබ මතක ඇතිව සේවයට පැමිණි මුල් කාලවකවානුවේදී ඔබට ලැඛෙන A,B හා H යන පත්‍ර ඉතාම නිවැරදිව, පැහැදිලිව, ස්ථීර හා සත්‍ය තොරතුරු ඇතුළත් කර පිරවිය යුතුය. එවිට ඔබට අනවශ්‍ය ලෙස කාලය කා දැමීමක් සිදු කළ යුතු නැත.

ඔබේ අවශ්‍යතා කඩිනමින් ඉටු කරගැනීමට.

දැන් දිවයින පුරා පිහිටා ඇති දිස්ත්‍රික් කම්කරු කාර්යාල 33ක් EPF පහසුකම් සඳහා ස්ථාපිත කර ඇති බැවින් තම පදිංචි ප්‍රදේශයට ආසන්නම කම්කරු කාර්යාල හරහා සේවාවන් ලබාගත හැකිය.

වැඩි විස්තර සඳහා 0112 - 368917 අමතන්න
ප්‍රධාන කාර්යාලය (08 වැනි මහල, කම්කරු දෙපාර්තමේන්තුව, නාරාහේන්පිට)
උපදෙස් - D.P.K.R වීරකෝන්
කම්කරු කොමසාරිස් - සේවක අර්ථසාධක අරමුදල


1980 අංක 46 දරණ පාර්ලිමේන්තු පනත යටතේ මෙරට සියලුම රජයේ ලියාපදිංචි සේව්‍ය ආයතන තුළ සේවයේ නියුතු සේවා නියුක්තිකයන්ගේ මාසික වැටුපෙන් 3% ක මුදලක් සේවා නියුක්තිකයන්ගේ භාර අරමුදලට බැර කළ යුතුය. ඒ අනුව දැනට ශ්‍රී ලාංකිකයන් මිලියන 3.55ක පමණ පිරිසක් මෙම සේවා නියුක්තිකයන්ගේ භාර අරමුදලට හිමිකම් කියතී.

දැනට සේවා නියුක්තිකයන්ගේ භාර අරමුදල තුළ සාමාජික ගිණුම් 99 ලක්ෂයක් ඇති අතර, ඉන් සක්‍රීය සාමාජිකයන් ලෙස විසි දෙලක්ෂයක පිරිසක් සිටිතී. මෙහිදී සාමාජික ගිණුම් යනු ඔබ යම් ආයතනයක දින තුනක් සේවය කළඳ, ඉන් ලබන තෙදින වැටුපෙන් 3% ක මුදලක් මෙම අරමුදලට බැර වී සැකසෙන ගිණුමයි.
සක්‍රීය සාමාජිකයන් ලෙස හඳුන්වන්නේ දැනට කලක පටන් සේවය කරමින් වැටුපෙන් 3% ක මුදලක් මෙම අරමුදලට බැරවෙමින් තිඛෙන සාමාජිකයන්ය. මෙම සාමාජිකත්වය ලැබීමත් සමගම ඔඛෙන් සේවා නියුක්තිකයන්ගේ භාර අරමුදලට බැර වන මෙම මුදල නිසා වසර අවසානයේ පොලී මුදලක්ද, ලාභාංශයක්ද ගිණුමට එකතු වේ.

ඊට අමතරව සේවා නියුක්තිකයන්ගේ භාර අරමුදල හරහා ඔබට තවත් ප්‍රතිලාභ 10 ක් ලබාගත හැකි වේ.

01. ස්වයංක්‍රීය ජීවිත රක්ෂණ ප්‍රතිලාභ යෝජනා ක්‍රමය (රු. 100,000.00)

02. නිත්‍ය දුබලතා රක්ෂණ වන්දි ප්‍රතිලාභ (රු. 200,000.00)

03. හදවත් සැත්කම් සඳහා මූල්‍යාධාර ලබාදීම (රු. 150,000.00)

04. වකුගඩු බද්ධ කිරීමේ සැත්කම් සඳහා මූල්‍යාධාර ලබාදීම (රු. 150,000.00)

05. අක්ෂි කාච පැළඳීම සඳහා මූල්‍යධාර ලබාදීම (රු. 180,000.00)

06. පහ වසර ශීෂ්‍යත්ව සමත්වන දූ දරුවන් 7,000 කට රු. 150,000.00 බැගින් ශිෂ්‍යත්ව පිරිනැමීම

07. රෝහල්ගත වෛද්‍ය වියදම් ප්‍රතිපූර්ණය කිරීම (රු. 25,000.00)

08. වියන නිවාස ණය යෝජනා ක්‍රමය (රු. 100,000.00 සිට රු. 1,500,000.00 දක්වා)

09. උසස් පෙළ සමත් දූ දරුවන් 5,000 කට ඉදිරි අධ්‍යාපන කටයුතු වෙනුවෙන් රු. 12,000.00 බැගින් මූල්‍යාධාර ලබා දීම.

10. නිත්‍ය දුබලතාවට පත්වන සාමාජිකයන්ගේ 5 වසර ශිෂ්‍යත්වය සමත්වන දූ දරුවන්ට ශිෂ්‍යත්ව ප්‍රදානය කිරීම.

කෙසේ නමුත් සේවා නියුක්තිකයන්ගේ භාර අරමුදල ලබාගැනීම යනු, යම් ආකාරයකට කරදරකාරී කටයුත්තක් යැයි ඇතැමෙක් සිතනී. මේ නිසාම ඒ පිළිබඳව මූලික දැනුමක් ලබා අවශ්‍ය මුදල් ලබාගැනීමට මෙම ආයතනය වෙත පැමිණිම ඔබගේ කාලය ඉතිරි කරගැනීමක් වනු ඇත.

ඔබට ETF (සේවා නියුක්තිකයන්ගේ භාර අරමුදල) ලබා ගැනීමට අවශ්‍ය නම් අදාළ කාර්යාලය වෙත පැමිණ මුදල් ලබාගැනීමට පහසුකම් සලසා ඇති අංශයෙන් ඉල්ලුම්පතක් ඉල්ලා එය ඉතාම පැහැදිලිවත්, නිවැරදිවත් (නිවැරදි අක්ෂර හා දත්ත සමගින්) පුරවා එම අංශය වෙත භාර දෙන්න. ඔබේ දත්ත නිවැරදිව පුරවා ඇත්නම් උපරිම සති තුනක කාලයක් ඇතුළත අදාළ මුදල ලබාගත හැකිය.

එසේත් නැතිනම් නාරාහේන්පිට පිහිටි ප්‍රධාන කාර්යාලය වෙත පැමිණ අදාළ අංශය වෙත රුපියල් 1,000 ක මුදලක් ගෙවා එක් දිනක් ඇතුළත අදාළ මුදල ලබාගැනීමටද පහසුකම් ඇත.

යම් ලෙසකින් ඔබේ මුදල් දත්ත වල අක්ෂරවලින් හෝ විස්තර ලෙසත් නිවැරදි විය යුතු නැත් ඇතොත් ඒ වෙනුවෙන් ඔබට යම් කාලයක් කැපකිරීමට සිදුවේ. උදාහරණයක් ලෙස නිශාන්ත ලෙසින් සඳහන් නම සේවා නියුක්තිකයන්ගේ භාර අරමුදලේ නිශ්ශංක ලෙසින් හෝ නිසාන්ත ලෙසින් එක් අක්ශරයකින් හෝ සදොස් වී ඇති නම් එය නිදොස් කර ගැනීමට ඔබ දිවුරුම් ප්‍රකාශයක් රැගෙන යා යුතුය. එවිට අදාළ කටයුතු නැවත පැමිණිමකින් තොරව සිදු කරගත හැකිය.

මෙම කටයුතු සිදුකරගැනීමට ඔබට නාරාහේන්පිට පිහිටි ප්‍රධාන කාර්යාලයටම යා යුතු නැත. දැන් මහනුවර, ගම්පහ, කුරුණෑගල, මාතර යන ප්‍රදේශවලද පිහිටි කාර්යාලවලට පැමිණ මෙම කටයුතු සිදුකරගත හැකි වේ.

ඔබට සේවා නියුක්තිකයන්ගේ භාර අරමුදල ලබා ගත හැකි අවම කාලසීමාව වන්නේ වසර පහකි. වසර පහක්වත් ආයතනයක සේවය කර ඉන් ඉවත්ව ඇත්නම් එම මුදල ඔබට අවශ්‍ය නම් නැවත ලබාගත හැකිය. නමුත් ඔබ එම මුදල ලබා නොගනී නම් අරමුදලේ තිඛෙන තුරු පොලී මුදලක් එකතු වීම ඔබට අවාසිදායක තත්වයක් විය හැකිය.

ඔබට වසර පහක් එක් ආයතනයක සේවය කර ඉන් එකතු වූ අරමුදල නැවත ලබාගත්තද, මීළගට සේවය කිරීමට යන නව රැකියාව තුළින්ද ඔබට සේවා නියුක්තිකයන්ගේ භාර අරමුදලට මාස්පතා 3% ක මුදල් ලෙසින් එකතු වී නැවත අරමුදල අලුතින් සැකසීම සිදුවේ.

මෙම අරමුදල අදාළ වකවානුව තුළදී ලබාගැනීමට දැන් අදාළ ශාකා වෙත නොයා අන්තර්ජාල ඇසුරින් ලබාගැනීමටද පහසුකම් සලසා ඇත. ඒ අනුව අන්තර්ජාලය හරහා ලබාගන්නා අයදුම්පත් පුරවා යවා කොමර්ෂල් බැංකුව, හැටන් නැෂනල් බැංකුව හා ලංකා බැංකුව යන බැංකු තුළ ගිණුම් හිමියන්ට එම ගිණුමට සේවා නියුක්තිකයන්ගේ භාර අරමුදල බැර වන සේ සලසා ගත හැකිය.

Read More

PRIUS පදින්නේ..එහෙනම් ඕන වෙයි

ගොඩක් අයට PRIUS කිවුම තවත් එක වහනයක් විතරයි. දුවන්නන් වලේ දුවලා වැඩක් නැහැ හොද නඩත්තුවක් තියෙන්න ඕනා.

මම TYRE වලින්ම පටන් ගන්නම්. ගොඩක් මේවට අගල් 15 / 16 17 /18 යන WHEEL SIZES එන්නේ. එක ගැටළුවක් නැහ. 
1. ප්‍රදනව රෝද සදහා හුලං යෙදීමේදී නයිට්‍රජන් ම යොදන්න. ඉස්සරහ TYRE සදහා රාත්තල් 42 කුත් පසුපස සදහා රාත්තල් 40 කුත් යොදන්න.
හේතුව : කවුරුවත් වාහනයේ බර ගැන හිතන්නේ නැහැ. ඔය CAR එකේ HYBRID UNIT එකයි එන්ජිමයි එකතු වුනාම කොච්චර බරද කියල හිතන්න. එතකොට 4 දෙනෙක් එක්ක TOTAL බර කොච්චරද කියල හිතන්න. වාහනයේ එන්ජිම තියන කොටසේ බර දරන්න වෙන්නේ ඉස්සරහ රෝද වලට එතකොට වහනය 100% HANDLE වෙන්නේ ඉස්සරහ රෝද වලින් - මෙහෙම හිතන්න අපි පැයට කිලෝමීටර 60 වේගයෙන් ගමන් කරලා වමට හෝ දකුණට වංගුවක් ගන්නවා කියලා මොකද වෙන්නේ එතකොට. වාහනයේ සියලුම බර සහ විභව ශක්තිය සම්පූර්ණ දරන්න වෙන්නේ හරවන පැත්තට විරුද්ද රෝදයට. එතකොට හුලන් අඩු වුනාම වෙන දේ දන්නවා නේ. මොකද මේ PRIUS එකේ AUTOMATICALLY ම SKID වෙන එක නවත්වනවා.

#. හොදට TYRE එකට හුලං තියෙන කොට පාර සමග ස්පර්ශවෙන ක්ෂේත්‍ර පලය අවමයි එතකොර ගර්ශනයත් අවමයි. TYRE සහ පාර අතර ගර්ශනය අවම වෙනවා. එතකොට TYRE ගෙවෙන ගතියත් අවම වෙනවා. එකේ වාසිය නොදැනීම තමන්ගේ සාක්කුවට එන්නේ. අවම ඉන්දන දහනයක් වෙන්නේ.

# Nitrogen යොදන එකේ වාසිය. - PRIUS එකේ රෝද 4ම DISC BREAK එන්නේ CERAMIC + ALUMINUM +(TITANIUM සමහරවිට ) MIX DISC එකක් ALUMINUM වලින් වලින් හදපු ALLOY WHEEL එකකට SET වෙලා තියෙන්නේ . මේ ඔක්කොම තාපය සන්නයනය කරනවා අපි BREAK කරන හැම පාරම DISC එක රත් වෙනවා රස්නය DISC එක හරහා ALLOY WHEELS වලටත් යනවා. එතකොට TYRE එක ඇතුලේ තියෙන වාතය රත් වෙනවා රත් වෙන කොට ප්‍රසාරණය වෙනවා ඊට පස්සේ TYRE පුපුරනවා. ( අපේ කිරියේ ඉන්න කොළඹ - අම්පාර LEYLAND BUS තියෙන අයියා නම් දන්නවා වෙන වැඩේ ගොඩක් දුර ගමන් යන බස් වලට රෝද වතුරෙන් හෝදන්නේ මේ නිසා. මේක කරන්නෙත් රීම් එක තෙමන්නේ නැතුව.) ඊට අමතරව TYRE එකත් පාරත් අතර ගර්ශනය හේතුවෙන් ඇතුලේ තියෙන වාතය රත් වෙනවා . මෙන්න මේවා අවම කර ගන්න තමා නයිට්‍රජන් යොදන්න කියන්නේ. නයිට්‍රජන් කියන්නේ අයිස් වගේ සීතල වායුවක්.

2. වහනයේ REVERSE GEAR එක යොදන හැම විටම ECHO MODE OFF කරන්න. POWER MODE එකට CHANGE කරාට කමක් නැහැ මොකද වාහනයේ තියෙන POWER ම GEAR එක තම REVERSE GEAR එක.

3. DRIVE කරන හැම වෙලාවේම , තැනිතලා පාරක නම් D POSITION එකට දාගෙන යන්න කදු සහිත පාරක් නම් කවදාවත් මචන් ECHO දාගෙන යන්න එපා එන්ජිමට කෙලවෙනවා කාලයක් යද්දී. මතක තියාගන්න මචන් මේකට එන MANUEL එකේ පැහැදිලිවම කියලා තියෙනවා මේක. උදා: කඩුගන්නාව , මහනුවර - නුවර එලිය පාර. කන්ද බහිනවානම් B POSITION එකට දන්න. එතකොට නිතරම BREAK යොදන්න ඕන නැහැ. BATTERY එකත් CHARGE වෙනවා. උද: නුවර එලිය බහින කොට.

4.PRIUS (සියලුම HYBRID ) එකේ කිසිම මොහොතක A C OFF කරගෙන යන්න එපා. HYBRID BATTERY එකට කෙලවෙනවා. හේතුව : මචන් ඔය BATTERYඑක FULL SEAL TYPE කිසිම වෙලාවක එළියෙන් හුලන් අතුල්වෙන්නේ නැහැ. ඔය HYBRID BATTERY එකේ හැම CELL එකකම FAN තියෙනවා. BATTERY එක වැඩ කරන කොට ඇතිවන HEAT එක ඔය FANS වලින් එලියට දානවා . එක එලියට දාන්නෙත් CAR එක අතුලටමයි. වාහනේ දකුණු පැත්තේ දොර ලග PASSENGER SEAT එක ලගම පොඩි කවුළුවක් තියෙනවා එතනින් තමයි HEAT එක එලියට දාන්නේ.එතන BLOCK වෙන්න දෙන්න ත් එපා.එහෙම එලියට දාන ගමන්ම BATTERY එක තියෙන ROOM එකට CAR එකේ PASSENGER SEAT එක යටින් හුළං අදිනවා. අපි A C නැතුව ගියාම BATTERY එක COOL වෙන ප්‍රමාණය අඩුවෙනවා. එතකොට මචන් BATTERY එක HEAT වෙනවා. HEAT වෙනකොට FAULT එකක් කියලා CHARGE වෙන එක නවත්වනවා. එකියන්නේ මචන් SYSTEM එකෙන් ඒ CELL එක DEAD කරනවා. ඔයවිදියට අනිත් ඒවත් DEAD කරනවා. එතකොට BATTERY එකෙන් යන දුර ප්‍රමාණය අඩුවෙනවා. CHARGE වෙන ප්‍රමාණයත් අඩු කරනවා. කාලයක් ගියාම TOTALLY DEAD . එතකොට තම මචන් BATTERY එක චන්ගේ කරන්න ඕන කියන්නේ. නමුත් BATTERY එක චන්ගේ කරන්නේ නැහැ . හදන්න දුන්නම උන් උබලට පෙන්නේ නැතුව BATTERY SYSTEM RESET කරනවා. ඊටපස්සේ එකම දෙනවා. මොකද වෙන්නේ ඊට පස්සේ උබලගේ දත ගැලවෙනවා. RESET කරට පස්සේ BRAND NEW වගේ වැඩ. නමුත් මචන් FANS ටික නම් අලුතින් දානවානම් හොදයි. වාහනේ වීදුරු ඇරන් ගියත් A C එක 25ට සෙට් කරලා මද තියෙන A C කවුළු පහලට හරවලා තියන්න.

5.වහනයේ WINDSCREEN එක සෝදන වතුරට SHAMPOO දන්නා එපා. ඉස්සරහ වීදුරුව වතුර රදන්නේ නැති PLASTIC LAYER එකක් තියෙනවා. හැකිතරම් GLASS WASH LIQUID එකක් පාවිච්චිකරන්න. SHAMPOO දැම්මාම පොඩි පටලයක් වගේ බැදෙනවා.

6.තෙල් ගැනනම් කියන්න යන්නේ නැහැ 93 න් ඉහල දානවානම් හොදයි.

7.DRIVING STYLE .
# මුලින්ම වාහනේ START කරලා POWER MODE දාලා පලවෙනි මීටර 20-30 යන්න ඊට පස්සේ ECHO දාගන්න. මතක තියාගන්න මචන් කගවෙනා වගේ යනවානම් අසරණ ECHO දාන්න එපා POWER MODE ම දාන්න. ලසිගමනේ යනවානම් ECHO තම ඉතින්.

# අපි වහනයක් OVERTAKE කරනවානම් ගොඩක් වෙලාවට ECHO MODE එක අවුලක් නැහැ. අවශ්‍ය SPEED එක අරගෙන වහනය OVERTAKE කරන්න. අනිත් වහනය පහුවෙනවත් එක්කම ACCELERATOR එකෙන් කකුල අරගන්න. එතකොටම බලන්න HYBRID මීටර් එක එකේ 20 තියාගෙන යන්න. බැරිනම් පොඩ්ඩක් TRY කරන්න අවසානයේ වැඩේ හොදටම පුළුවන් වුනොත් 35 K M /L අනිවා කරනවා. NORMAL DRIVE කරනවානම් ඔය විදියටම කරන්න. වීදුරු වහගෙන යන තරමට වාතය මගින් ඇතිවන ගර්ශනය අවමයි. AERODYNAMIC SHAPE නිසා හොදට තෙල් කරනවා.

# EV MODE යනවානම් 35KM /H උපරිමයකට තිය ගන්න.

# CRUISE CONTROL SET කරනවානම් 72 Km /h සෙට් කරගන්න. 100 සෙට් කරන්න එපා. එහෙම නැත්නම් 112 ට සෙට් කරන්න. ( CRUISE CONTROL ORIGINAL අපු වාහනවලට පමණයි. CRUISE පසුව සවිකරන ලද වාහන නම් මචන්ලා නිකන්ම DRIVE කරන්න.)

# වහනයට GADGET සවිකරනවානම් දන්නා තැනකින් කරන්න POWER LINE TAP කරනකොට අවශ්‍ය විදියට කරන්න . හිතෙන විදියට කරන්න එපා. RESISTIVITY එක වෙනස්වෙනවා.

මෙ සියළුම දේවල් මගේ EXPERIENCE එකෙන් මම ම ඉගෙන ගත්ත දේවල් මගේ වාහන නම් 32 - 35 KM/L කරනවා. 

Read More

බැටරිය ගැන දැනගතයුතු දේ

මේකෙදි වැඩි අවධානයක් යොමු කරන්නේ කාර්බැටරි නඩත්තුව වගේම ඒ ගැන අවධානයෙන් ඉන්න හැටි තමයි. මම මේ කතා කරන්න යන්නේ හයිබ්‍රිඩ් වාහනවල එන බැටරිය ගැන නම් නෙවෙයි ඕං. සාමාන්‍යයෙන් මෝටර්රථවල භාවිතා කරන බැටරි ගැන. 

පැට්‍රල් හෝ ඩීසල් වාහනයකට අත්‍යවශ්‍යම අංග වලින් එකක් තමයි බැටරිය කියන එක. ඒක ඉතිං අමුතුවෙන් මෙතන උඹ කියන්න ඕනෙ නෑනේ අපි ඒවා දන්නවා.. කියන එක උඹලගේ හිත් කියනවා ඇති
අහිංසක විදිහට බොනට් එක ඇතුලේ ඉදගන හිටියත් මේ බැටරියට ඕනි නම් පුලුවන් අපිට මල වදයක් වෙන්න. එහෙමත් නැත්තං පරිපථ වලට යම් යම් හානි කරන්න. එහෙමත් නැත්තං සියදිවි හානි කර ගන්න.  ඉතිං මේ යකාව අවශ්‍ය ගානට මෙල්ල කරගෙන සියදිවි හානි කරගන්න දෙන්නේ නැතුව රැක බලාගන්න එක වාහන හිමියෙකුගේ පොකට් එකට හොදයි. ඒ වගේම වාහනේටත් හොදයි. වැඩි බයිලා එව්වා මෙව්වා වැඩක් නෑ අපි කෙලින්ම මාතෘකාවට බහිමු

මූලිකව කාර් බැටරියක කෝෂ 6 ක් තියනවා. මේ එක කෝෂයක වෝල්ටීයතාවය ආසන්නවශයෙන් 2.2 ක්. එතකොට සම්පූර්ණ බැටරියේ වොල්ටීයතාව ආසන්නවශයෙන් වොල්ට් 13 කට කිට්ටුයි. වොල්ට් අගයට අමතරව බැටරියක ඇම්පියර් ධාරිතාවක් තියනවා කියන එක අමුතුවෙන් කියන්න ඕනෙ නෑනේ. මේ බැටරිය ආරෝපනය වෙන්නේ මෝටර් ඕල්ටනේටරය, ඩයෝඩ් ප්ලේට් , කටවුට් එක, ඕල්ටනේටර් බෙල්ට් එක, කන්ට්‍රෝල් අයි.සී එක වගේ කොටස් කීපයක උදව්වෙන්. වාහනේ පණගන්වලා තියන හැම වෙලාවකම බැටරිය ආරෝපණය වෙනවා

ඉතිං මොනවද අපි මේ බැටරියට කරන්න ඕනේ නඩත්තු කටයුතු.
ඒක තමයි වැඩේ. ඒක මම පියවර කීපයක් යටතේ ලියන්නම්කෝ.

1) බැටරියේ ජල මට්ටම පරීක්ෂාව.
නඩත්තු කරන්න ඕනේ බැටරියක් නම් හැම මාසෙකටම සැරයක්ම බැටරියේ ජල මට්ටම නිවැරදිව තියනවද කියලා බලන්න. මූඩි ඇරලා බලන්න min ලෙවල් එකට උඩින් වතුර තියනවද කියලා. අඩු නම් බැටරි වතුර දාන්න. මේ බැටරි වතුර max ලෙවල් එක ඉක්මවනකන් දාන්න එපා. (උඩින් අගල් භාගයක් විතර පහල මට්ටම හෝ ෆිල් හෝල් එකට පහලින් වතුර තියන මට්ටම.) බැටරියේ වතුර මට්ටම ගොඩක් අඩු උනොත් ශෙල් පුපුරන්න හෝ සව්ත්තු වෙන්න හෝ පුලුවන්. ඒ වගේම බැටරියේ විද්‍යුත් ධාරිතාව අඩු වෙන්න පුලුවන්.
(බැටරි ඇසිඩ් අත්වල ගෑවිලා වැඩි වොලා තියෙන්න දෙන්න එපා. අත් හම යනවා. ඒ නිසා බැටරි ඇසිඩ් අත්වල ගෑවුනොත් ඉක්මනින් හෝදන්න. නැත්තං අත්ආවරණ පාවිච්චි කරන්න. බැටරි ඇසිඩ් ඇදුම් වල ගෑවුනොත් නම් සොරි තමයි.)

2) ලෝවර් චාර්ජ් දෝශය
බැටරිය චාර්ජ් වෙනවා මදි නම් මීටර් බෝඩ් එකේ තියන බැටරි චාර්ජින් ලයිට් එක පත්තු වෙනවා. මූලිකව මේක දැනගන්න පුලුවන් හෙඩ්ලයිට් දැම්මම, චාර්ජින් ලයිට් එක පත්තු වෙනවා.

3) ඕවර් චාර්ජ් දෝශය
මේ ගැන නම් විශේෂයෙන් සැලකිලිමත් වෙන්න ඕනේ. මොකද බැටරිය ඕවචාජ් වෙනවා කියන්නේ වාහනේ සර්කිට් වලට හොද දෙයක් නෙවෙයි. බැටරිය ඕවචාජ් වෙනවා කියලා මූලිකව දැන ගන්න පුලුවන් දෙයක් තමයි ශෙල් ඉක්මනින් වියලීම, ශෙල් මතු පිට පින්න වගේ ඇසිඩ් තැන්පත් වීම, ඒ වගේම නිතර නිතර බැටරි අග්‍රවල ලුණු තැන්පත් වීම. නමුත් බැටරිය ඕවර්චාජ් වෙනවද කියලා දැන ගන්න මේ රෝඝ ලක්ෂණ එනකම්ම ඉන්න ඕනෙ නෑ. මල්ටිමීටර් එකක් තියනව නම් මේ වැඩේ කරන්න.

අ) වාහනේ ස්ටාට් කරලා idle එකේ තියන්න.

ආ) හෙඩ් ලයිට් දල්වන්න.

ඇ) මල්ටිමීටරේ වෝල්ට් 20 ට කරකවලා බැටරියේ + හා - ටර්මිනල් දෙකට තියන්න. මෙතනදි වෝල්ටේජ් එක 13.8 ත් 14.2 ත් අතර තියෙන්න ඕනේ. මේ ප්‍රමාණයට වඩා ටිකක් වැඩි උනත් ලොකු අව්ලක් නෑ. නමුත් වෝල්ට් 14.5 සීමාව ඉක්මවන්න බෑ.

ඈ) දැන් වාහනය 1500 RPM වගේ වෙනකල් ඇක්සලරේට් කරන්න මෙතනදි වෝල්ටේජ් එක 14.2 ත් 14.6 අතර තියෙන්න ඕනේ. ඔතනදි 14.2 ට වඩා වෝල්ටේජ් එක අඩු නම් ඕල්ටනේටරය පරීක්ෂා කර ගන්න ඕනේ.

ඉ) දැන් ඒ RPM එක තියද්දි හෙඩ් ලයිට් ඔෆ් කරන්න. එතකොට බැටරියේ වෝල්ටේජ් එක 14.8 සීමාව ඉක්ම වන්න බෑ. .

4) අපිරිසිදු බැටරි අග්‍ර
බැටරි අග්‍රවල ඔක්සයිඩ් බැදෙන්න පුලුවන්. ඒ වගේම ලුනු තැන්පත් වෙන්න පුලුවන්. ලුනු තැන්පත් වෙන්න කලින් කියපු ඕවර්චාජ් වෙන ලෙඩේට බැට්‍රියේ වැඩිපුර වතුර පුරවලා තිබීම, ඇසිඩ් සාන්ද්‍රනයේ අඩු හෝ වැඩි හෝ වීම, බැටරියේ ශෙල් සව්ත්තු වීම වගේ හේතු බලපානවා. තාවකාලික පිලියමක් විදිහට උණු වතුර දාලා බැටරියේ ටර්මිනල් සුද්ධ කරන්න. ඔක්සයිඩ් බැදිලනම් කම්බි බ්‍රශ් එකකින් අග්‍ර සුද්ධ කරන්න. කොහොම උනත් මාස 4 කට 5 කට සැරයක් ලුණු, ඔක්සයිඩ් බැදෙන එක නම් ගොඩක් වෙලාවට වෙන දෙයක්. නිතර නිතර මෙහෙම වෙනව නම් බැටරි කඩේකින් බැටරිය පරීක්ෂෘ කර ගන්න එක හොදයි.

5) බැටරියේ ටර්මිනල් ඇම තිස්සෙම වියලි තත්වයෙන් තියාගන්න ඕනේ.

6) ටික කාලයක් වාහනේ එක තැන නතර කරලා තියනව නම් බැටරි වයර් (+ අග්‍රය) ගලවලා තියන්න.


7) බැට්‍රියෙ ධාරිතාව අඩුවීම

තව වෙන වැඩක් තමා බැට්‍රිය වයසට ගිහින් හෝ වෙන වෙන හේතු නිසා සවුත්තුවෙලා බැට්‍රියෙ ධාරිතාව අඩුවෙන එක. එතකොට ඉතින් කොච්චර චාර්ජ් කලත් වැඩක් නෑ චාජ් අල්ලන්නෙ නෑ. බැට්‍රියෙ එහෙම දෝෂයක් තියනවනම් ඉතින් මාරුකරන එක තමා කරන්න වෙන්නෙ. බැට්‍රිය අවුරුදු දෙකහමාරකට තුනකට වඩා වැඩිනම් මේගැන අවදානෙන් ඉන්න එක හොඳයි.

බැට්‍රියෙ තත්වෙ ගැන හරියටම දැනගන්න ඕනෙනම් බැට්‍රියෙ ලෝඩ් ටෙස්ට් එකක් කරන්න වෙනව. නැත්නම් ගොඩක් වෙලාවට හරියට කියන්න අමාරුයි. මොකද බැට්‍රි කියන්නෙ මහ කුප්ප යක්කු. චාජ් වුනාම ඔන්න හොඳට වෝල්ටේජ් පෙන්නනව අපි ගිහින් කරන්ට් එක ටිකක් ඉල්ලුවම දෙන්න බෑ කියනව.

ඒ හින්ද තමන්ගෙ වාහනේ මෝටරේ වදින්නෙ අමාරුවෙන් වගේනම්. ටික දවසක් තියල ආයි ස්ටාර්ට් කරනකොට අමාරුයි වගේනම් (බැට්‍රි ටර්මිනල් වල එහෙම ලෙඩක් නැත්නම්) බැට්‍රිය ලෝඩ් ටෙස්ට් එකක් කරල බලන එක හොඳයි.

ඒ වැඩේට තියනව මේ වගේ උපකරණයක්.

මේකෙන් කෙරෙන්නෙ බැට්‍රියට තරමක් ලොකු ලෝඩ් එකක් දීල.(එන්ජිම ස්ටාර්ට් නොකර හෙඩ්ලයිට් දැම්ම වගේ කියල හිතන්නකො) බැට්‍රියෙ වෝල්ටේජ් එක මනිනව. බැට්‍රියෙ අදාල රේටින් එකට කොයිරේන්ජ් එකේද ලෝඩ් වුනාම වෝල්ටේජ් තියෙන්න ඕනෙ කියල ගේජ් එකෙන් බලාහන්න පුලුවන්.

බැට්‍රියෙ වෝල්ටේජ් ඕනවට වඩා අඩුවෙනවනම් ඉතින් ෂුවර් එකටම දැනගන්න පුලුවන් තත්වෙ හොඳ නෑ කියල.

(ඕකෙ CCA (cold cranking amps) කියල කියන්නෙ බැට්‍රියට ස්ටාර්ට් කරන වෙලාවට කොච්චර ඇම්පියර් ගානක් දෙන්න පුලුවන්ද කියල එක.)

හරි දැන් ඉතින් ඕව මොකුත් නැත්නම් ලෙඩක් හොයාගන්න පොඩ්ඩක් ඔලුව කල්පනාකරල අපිට දල අවබෝධයක් ගන්න පුලුවන් බැට්‍රිය ගැන. මේ වැඩ 100% සාර්ථම නෑ ඒත් තල්ලු ස්ටාර්ට් වලින් බේරෙන්න පුලුවන් වෙයි.

අංක එක බැට්‍රිය බැහැලද කියල බලන්න හෙඩ්ලයිට් දාල බලන්න.(engine off) ලයිට් ඩිම් වගේනම් ඉතින් දන්නවනෙ වැඩේ.

බැට්‍රියෙ ලෝඩ් ටෙස්ට් එකකුත් යන්තම් වගේ කරන්න පුලුවන් මෙහෙම. හෙඩ්ලයිට් දාල තියන්න විනාඩි 5ක් විතර. ඊට පස්සෙ ලයිට් ඕෆ් කරල මෝටරේ ගලහ බලන්න ස්ටාර්ට් වෙනකොට පොඩ්ඩක් ඇදල ස්ටාර්ට් වෙන ගතියක් එනවද කියල. එහෙම එනවනම් බැරියෙ ධාරිතාව අඩුවෙලා වෙන්න පුලුවන්. එහෙමනම් කලබල වෙන්න ඕනෙනම් අවධානෙන් ඉන්න බැට්‍රිය ගැන.

8) මේ ගැනත් සිතන්න.
තව පොඩි දෙයක් තියනව. වාහනේ නිකම් තියල බැට්‍රි බහිනවනම් බැට්‍රියෙ දෝශයක් නොවී වාහනේ ලෙඩක් වෙන්න පුලුවන්. (අලුත් වාහනවලනම් තරමක කාලයක් එකතැන තිබ්බොත් බැට්‍රි බහින්න පුලුවන් ඒ නිසා ලෙඩ හොයන්න කලින් ඒගැන බලල ඉන්න)
ඒ වගේම ඔය වැඩේ වෙනව බැට්‍රිය උඩ ගොඩක් ඔක්සයිඩ් බැඳිල තියනවනම්. මොකද ඒ හැදෙන ඒවට සමහරවෙලාවට කරන්ට් එක කන්ඩක්ට් කරන්න පුලුවන්. එතකොට කාලයක් යනකොට ඔක්සයිඩ් ලේයර් දිගේම බැට්‍රියෙ අග්‍ර දෙක එකට කනෙක්ට් වෙලා කරන්ට් එක ගිහිල්ල බැට්‍රි බහිනව. ඒ නිසා බැට්‍රි ටර්මිනල් පිරිසිඳුවට හොඳට කනෙක්ට් වෙලා තියෙන්න ඕනෙ.

ඔක්සයිඩ් වීම වලක්වන්න බැට්‍රි ටර්මිනල් වලට ගහල තියන්න ඒව තියනව

තව දෙයක් කියන්න ඕනෙ. ගොඩක් වෙලාවල පරණ වාහන වල බැට්‍රි අවුල් චාර්ජ් වෙන්නෙ නෑ ස්ටාර්ට් වෙන්නෙ නෑ කිව්වට අවුල තියෙන්නෙ බැට්‍රි ටර්මිනල් වල. ඒ නිසා නැතිලෙඩ හොයනව සමහර බාස්ල. ඔක්කොමට කලින් බැට්‍රි ටර්මිනල් සුද්දකරල තදවෙලා තියනව නෙද කියල බලල ඉන්න.

අන්තිමට කියන්න තියෙන්නෙ බැට්‍රි මරණ මංචකේ තියාගෙන වාහන දුවන්න එපා. අන්තිමට ECU පවා දාන්න වෙන්න පුලුවන්. ඒවගේම රීකන්ඩිෂන් බැට්‍රි දාන්න යන්න එපා දානවනම් අලුත් බැට්‍රියක් දාගන්න.

කවදා හරි වාහනයක් ජම්ප් ස්ටාට් කරන්න උනොත් මේ පහල තියන පිළිවෙලත් වැදගත් වෙයි

ප.ලි
1. අද අලුතින්ම මිලදී ගන්න බැටරි එකත් ලෙඩ දෙන වෙලාවල් තියෙනවා දවසක් යන්නත් කලින්...ඒ නිසා අලුත් බැටරියක් ගද්දි වගකීමක් තියෙන තැනකින් ගන්න.

2. හැම වාහනේකම Alternator එක අදාළ වාහනේ තියෙන විදුලිබල අවශ්‍යතාවයට ගැලපෙන්න තමා දාල තියෙන්නේ... ඊට වඩා වැඩි බල අවශ්‍යතාවයක් තියෙනවා නම් අනිවාර්යයෙන්ම ඇම්පියර් ගාන වැඩි Alternator එකක් හෝ Alternator දෙකක් පාවිච්චි කරන්න වෙනවා. (Like Offroad Vehicles with Heavy additional Lights/ Sound Systems that required lots of current)

3. කිසිම වෙලාවක බැටරියේ අග්‍ර Short කරලා බලන්න එපා battery එකේ Charge ලෙවල් එක... බලන්න දෙන්නත් එපා... (Multi meter එකක් ළඟ නැති එකෙක්ට වාහනේ බලන්න දෙනවා නම් මඩු වලිගයක් හොයන් තමන්ටම ගහගන්න...)

4. අලුතින් Battery එකක් ගන්නකොට Cold Crank Capacity එක වැඩි එකක් ගන්න පුලුවන්නම් හොඳයි.. 

5. සාමාන්‍යයෙන් වාහනේක ECU එකක් ලේසියෙන් Replace කරන්න වෙන්නේ නෑ.. Factory Fault නිසා Replace කරන්න වෙන අවස්ථා ගොඩක් විරලයි.. වාහනේක තියෙන Most Durable and Reliable Part වලින් එකක් තමා ECU එක.. පණ්ඩිත වැඩ කරන්න ගිහින් Short Circuit කර ගත්තේ නැත්තන් ECU එකකට හානි වෙන්නේ සෑහෙන කලාතුරකින්...

හැබැයි විශේෂයෙන් CDI හෝ TCI Ignition ආපු මෝටර් සයිකල් නම් බැටරි බැහැල තියෙද්දී තව දුරටත් Selfstart ගහල ස්ටාර්ට් කරන්න ගියොත් CDI/TCI එක දොයියා බබා වෙන්න ඉඩ තියෙනවා...

ඒ වගේම  බැහැපු බැටරියකින් ECU එකට හානියක් නැති උනාට අනිත් ඉලෙක්ට්‍රොනික් කොටස් දොයියා වෙන්න පුළුවන්... සමහර වාහන වල එන LED Lights එහෙම හරිම සෙන්සිටිව්...

6. වාහනයක් දීර්ඝ කාලයක් පාවිච්චි කරන්නේ නැතුව තියනවා නම් බැටරි එක ෆුල් චාජ් කරලා බැටරිය ගලවලා බැටරියේ ඇසිඩ් අයින් කරලා බැටරිය හොඳට වේලලා අරන් තියන්න පුතිලා.. අයින් කරන ඇසිඩ් ටිකත් බෝතලේකට දාල තියලා තියන්න.. ආයේ බැටරිය අවශ්‍ය වෙනකොට පරණ ඇසිඩ් ම දාලා පාවිච්චියට ගන්න පුළුවන්..

7. වාහනේට හිතුමතේට ලයිට්, Subwoofer දාන්න යන්න එපා.. බැටරියත් දොයියා වෙලා, Alternator එකත් දොයියා වෙන්න ඉඩ තියෙනවා... ඒක නිසා තමන් කරන දේ ගැන හරි අවභෝදයක් තියෙන එකක් ලව්වා ඕව හයි කර ගන්න ...

උපුටා ගත්තේ එළකිරි.කොම් ස්තුතිය ටොම් අයියා සහ මහේෂ් 

Read More

ගෙදරක දොර බස්නාහිරට මුහුණලා තියෙන්න හොඳ නෑ කියන්නේ බොරු

නිවාස තැනීමේ දී පවතින බොහෝ මිථ්‍යා මත  අන් කවරදාකටත් වඩා වැඩියෙන් භාවිත කරන්නට මිනිසුන්  අද පෙළඹී තිබේ. ඒ නිසාම බොහෝ දෙනා නිවාසය තැනීමට යන වියදමට වඩා වැඩි වියදමක් මිථ්‍යා මතවලට වැය කරනු ද දැකිය හැකිය. රත්මලාන ධර්ම පර්යේෂණාලයේ අධ්‍යක්ෂ හෑගොඩ විපස්සි හිමියන් පවසන්නේ වාස්තු විද්‍යාවට දේව, භූත සංකල්ප ඈඳා ගැනීම නිසා මෙම ගැටලු සියල්ල උද්ගත වී ඇති බවකි. මේ, උන්වහන්සේ ඒ පිළිබඳව විග්‍රහ කරන අයුරුය.

වාස්තු විද්‍යාව යනු ගෘහ නිර්මාණ ශිල්පයයි. සත්වයාට වාසයට සුදුසු ස්ථානය වාස්තු ලෙස සංස්කෘත සාහිත්‍යයේ දී හඳුන්වයි. “වසන්ත්‍යතේ‍ර්ති වාස්තු”, එනම් වාසය කරන්නා හෙවත් සත්වයාගේ වාසයට සුදුසු ස්ථානය වාස්තු යැයි එහි දක්වා ඇත. එය ගෘහ, නගර, ග්‍රාම ආදී වශයෙන් වාසය කරන ස්ථානය ලෙස හැඳින්වේ.
වාස්තු විද්‍යාව කවර කාලයක, කවුරුන් විසින් කොහේදී නිෂ්පාදනය කරන ලද්දක් ද යන්න නිශ්චිතව ප්‍රකාශ කළ නොහැකිය. කෙසේ වෙතත් ලොව සත්වයන් තමන්ට රැකවරණයක් ඇති ස්ථානයක වාසස්ථානයක් සාදා ගෙන වාසය කරන්නට පටන් ගත් බව ඉතිහාසයේ සිට ම අපට දැකිය හැකි ය.
ඒ ඒ වකවානු තුළ එකී ගෘහයන් සකස් කිරීමේ දී යම් සැලැස්මක් භාවිතයට ගත් බවක් ද පෙනෙන්නට ඇත. තිරිසන් සත්වයෙකුට, කුරුල්ලෙකුට පවා තම වාසස්ථානය ඉදි කරගන්නට තමන්ට ආවේණික සැලැස්මක් පවතී. අනෙක් අතට මිනිසාට සිය යුග ජීවිතය ගත කිරීම සඳහා ගෘහයක අවශ්‍යතාව මතු වූ බව “අග්ගඤ්ඤ” සූත්‍රයේ ද සඳහන් වේ.
වාස්තු විද්‍යාව ලෙස හැඳින් වූයේ මේ ආකාරයට ඒ ඒ වකවානු තුළ ගෘහයන් සකස් කිරීමේ දී භාවිත කරන ලද සැලැස්මය. තවත් ආකාරයකට කියන්නේ නම්, ගෘහ නිර්මාණ ශිල්පය වාස්තු විද්‍යාව ලෙස හැඳින්විය හැකි ය.
අතීත භාරතීය මූලාශ්‍රයන්ට අනුව පුරාණ ඉන්දීය ගෘහ නිර්මාණ ශිල්පය පිළිබඳ ග්‍රන්ථ රචනා කළ පුද්ගලයන්ගේ නාම ‍ලේඛනයක් පවා “අග්නි පුරාණය” නම් කෘතියේ සඳහන් කර ඇත. “වාසුදේව, විශ්වකර්ම, නාරද, බ්‍රහ්ම, බෘගු, කුමාර, ආදීන් ඒ අතර වේ.
ශ්‍රී ලංකාව තුළ ද පරාක්‍රමබාහු රජ දවස විසූ අනෝමදස්සි සංඝරාජ හිමියන් විසින් ලියන ලද “ෙදෙවඥ කාමෙනු” ග්‍රන්ථයේ ද වාස්තු විද්‍යාව පිළිබඳව කරුණු සඳහන් වේ. ඊට අමතරව වාස්තු විද්‍යාව පිළිබඳව ලියැවුණු “හෝරාභරණය, නවපටල සංග්‍රහය, මයිමතය, ආදී ග්‍රන්ථ ද, පුස්කොළ වට්ටෝරු රැසක් ද සොයා ගත හැකිය.
කෙසේ නමුත්, ඉන්දී ප්‍රාග් බෞද්ධ යුගයේ පැවැති භාරතීය සමාජය තුළ ලියැවුණු මෙන්ම නිෂ්පාදනය වූ සියල්ලට බමුණන්ගේ පේටන්ට් බලපත්‍රයක් හෙවත් අවසර පත්‍රයක් ලබා ගැනීම අනිවාර්ය අංගයක් බවට පත්වී තිබිණි. එමනිසා එකල පැවැති වාස්තු විද්‍යාවට ද ඔවුහු සීමා පැනවූහ. ඒ අනුව එකල පැවැති ගෘහ නිර්මාණ ඉංජිනේරු තාක්ෂණය හසුරුවන ලද්දේ, ඔවුන්ට අවශ්‍ය පරිදි ය. වාස්තු විද්‍යාව තුළට දේව සංකල්පයන් ආරූඪ කරමින් විවිධ මිථ්‍යා අදහස් ඇතුළු කරන ලද්දේ බමුණන්ගේ එම අවශ්‍යතා සම්පූර්ණ කරගනු පිණිස ය.
ඒ අනුව නිවාස තැනීමේ දී බහිරව පූජා පැවැත්විය යුතු බවත්, අනිවාර්යයෙන් ම පාද බෙදිය යුතු බවත්, මර්මස්ථාන, ගිනිකතිර ආදී දේ පිළිබඳවත්,  මිථ්‍යා මත වාස්තු විද්‍යාව තුළ රජ කරන්නට පටන් ගෙන ඇත.
නිවසක ප්‍රධාන දොරටුව බස්නාහිර දෙසට මුහුණ ලා පැවතීම නුසුදුසු බව එහි කියැවෙන එක් මිථ්‍යා මතයකි. නැගෙනහිර යනු හිරු නැගෙන දිශාවයි. ආලෝකය ලැබෙන දිශාව යි. එහෙත් ගෘහ නිර්මාණ ශිල්පයේ දී දොරටුව තබන දිශාව තීරණය කළ යුතු වන්නේ, අදාළ නිවස ඉදිකෙරෙන පරිසරය අනුවය. දිශාව ගැන සිතා, ප්‍රධාන පාරට පිටුපස හරවා නිවසකට ඇතුළු වන ප්‍රධාන දොරටුව ඉදිකිරීම කිසිසේත් සුදුසු නොවන අතර එය ප්‍රායෝගිකද නොවේ.
අතීතයේ ප්‍රධාන උළුවස්සට ඉහළින් යටලීය නොතබන ලද්දේ, දේව හෝ භූත සංකල්පයක් නිසා නොවේ. අතීත නිවාසවලට අද තරම් ශක්තිමත් අමුද්‍රව්‍ය භාවිත නොවුණ බැවින් ශක්තිමත් භාවය පිළිබඳ ගැටලු ඇති විය. එකී අනතුරුදායක බව මගහැරීම සඳහා ප්‍රධාන උළුවස්සට ඉහළින් යටලීයක් නොතබන්නට එකල ගෘහ නිර්මාණ ශිල්පීහු වග බලා ගත්හ.
එහෙත් එම කාරණය අදට වලංගු නොවේ. අද වන විට එහි ශක්තිමත් බව රැක ගැනීමට විවිධ උපක්‍රම භාවිත කරන්නට හැකියාව ලැබිම ඊට හේතුවයි.
පාද බෙදීම යන්න අද වන විට මිථ්‍යා මතයක් හා බැඳී පැවතුණ ද එය අතීතයේ සිටම වාස්තු විද්‍යාව තුළ පැවැති කාරණයකි. එහෙත් එකල එය පැවතුණේ අද පවතින අර්ථයෙන් නොවේ. ප්‍රේත පාද, දේව පාද, මනුෂ්‍ය පාද, හා බ්‍රහ්ම පාද ලෙස එකල වෙන් කෙරුණේ අදාළ ඉඩමේ භූමි චක්‍රයයි. එම වචන වාස්තු විද්‍යාව තුළ භාවිත වූ ශිල්පීය වචන මිස දේව, භූත, ප්‍රේත යන සංකල්ප අනුව ඇති කර ගත් වචන නොවන බව අප තේරුම් ගත යුතුය.
නිවස ඉදිකිරීමට සුදුසු, එනම් හොඳින් වාතාශ්‍රය ආදිය ලැබෙන ස්ථානය මනුෂ්‍ය පාද ලෙස වෙන් කර ඇත. තමන් ඉදිකරන නිවසින් අසල්වැසි නිවසකට හානියක් නොවිය යුතුය. එමනිසා නිවාසවල වහල තැනීම, භූමියේ ජලය බැස යාම, ආදී කාරණාවලදී ඒ පිළිබඳව සැලකිලිමත් වීම අනිවාර්ය වේ. එලෙස අන් නිවසක් හා ඉදිකරන නිවස අතර පැවතිය යුතු පරතරය දැක්වෙන කොටස හඳුන්වන ලද්දේ, ප්‍රේත පාදය ලෙසිනි. ජලය බැස යාම සඳහා කාණු ආදිය ඉදි කරන ලද්දේ එම කොටසේ ය. එම නිසා ප්‍රේත පාදය භූතයන්ට හෝ වෙනත් මිථ්‍යා සංකල්පයකට වෙන් කර ඇතැයි සිතීම වැරදි සහගත ය.
එමෙන් ම නිවාස තැනීමට සුදුසු වේලාවන්, සුබ නැකැත්, කෝණ මාස මග හැරීම් ආදිය ද මිථ්‍යා මත කර පින්නා ගත් අයගේ අදහස් පමණි. මාසයක් තුළ කෝණ දැකිය නොහැකිය. එක් මාසයක දින අඩු වූ පමණින් ඒ මාසය අසුබ මාසයක් යැයි පිළිගන්නට හැකි කිසිදු සාක්ෂියක් නැත. අඩු දින සහිත මාසයේ දරු උපත් සිදුවන්නේ නම්, කෙනෙකු මිය යාමට හැකි නම්, රෝගී වන්නට මාස බලපාන්නේ නැතිනම්, නිවාස තැනීමට හෝ වෙනත් කටයුතු සඳහා පමණක් ඒ මාසය අසුබ වන්නේ කෙසේ ද?
මේ මිථ්‍යා මත පසුපස යාම තුළින් වෙනත් ප්‍රායෝගික ගැටලු රැසකට අපට මුහුණ දෙන්නට සිදුවන බව අප මතක තබා ගත යුතු ය. උදාහරණයක් ලෙස නිවස ඉදිකරන්නට කෝණ මාසය පසුවන තෙක් බලා සිට, සුබ නැකැත් උදාවන තුරු සිටියහොත්, කෝණ මාසය පසුවෙද්දී අධික වර්ෂා කාලයක් උදාවන්නට පුළුවන. සුබ යැයි සිතා අධික වැසි වසින කාලයක නිවසක් ඉදිකරන්නට යෑමෙන් කාලයත්, ධනයත්, තමන් බලා‍පොරොත්තු වූවාට වඩා දෙගුණ තෙගුණ වී නැති වී යන්නට පුළුවන.
එමනිසා මෙම කාරණා දෙස නුවණින් කල්පනා කරන්නට බෞද්ධ දර්ශනය අනුව අප සමත් විය යුතු ය. බෞද්ධයන් ලෙස නිවාසයක් තැනීමේදී අවශ්‍ය නම්, පිරිත් සජ්ඣායනා කොට අදාළ කර්තව්‍ය ආරම්භ කළ හැකිය. එසේ නොමැතිව ඵලක් නොවන මිත්‍යා මත පසුපස හඹා යාමෙන් සිදුවන්නේ තම මුදලත්, කාලයත්, නිකරුණේ වැය වීම පමණක් බව අප වටහා ගත යුතුය.

Read More

දොස්තර මහත්තුරු කැත අත් අකුරෙන් බෙහෙත් තුණ්ඩු ලියන්නේ ඇයි?

විශේෂඥ වෛද්‍යවරයා හමුවීමට පැය ගණනාවක් චැනල් ‍පෝලිමේ හුන් රෝගියා කාමරයට ගියේ සිය රෝගී තත්ත්වය ගැන වෛද්‍යවරයා සමග කතා කිරීමට ඉටාගෙනය. එනමුත් රෝගියා කී දේ උඩින් පල්ලෙන් ඇසූ වෛද්‍යවරයා අපැහැදිලි ඉංග්‍රීසි අකුරෙන් ලියූ බෙහෙත් තුණ්ඩුවක් ඔහු අතට දී ඊළඟ රෝගියා කැඳවන්නැයි හෙදියට කීවේය.
බෙහෙත් තුණ්ඩුව අතට ගත් රෝගියා ෆාමසියට ගොස් එහි හුන් සේවිකාවකට එය දුන්නේය. සේවිකාව දෙතුන් වතාවක් බෙහෙත් තුණ්ඩුව දෙස බැලුවාය. එය ඇයට කියවීමට නොහැකි වූ බැවින් ඇය බෙහෙත් තුණ්ඩුව රැගෙන ෆාමසියේ හුන් ප්‍රධාන ඖෂධවේදියා අතට පත් කළාය. ඔහුද එය කියවීමට නොගත් උත්සාහයක් නැත. බෙහෙත් තුණ්ඩුව කියවීමට නොහැකි කියා ඖෂධවේදියා රෝගියාගෙන් ඇසුවේ වෛද්‍යවරයා තවමත් රෝහ‍ලේ සිටින්නේ නම් ලියා ඇති ඖෂධ ගැන දැනගෙන එන ලෙසය. රෝගියා තකහනියේ
විශේෂඥ වෛද්‍යවරයා හමුවීමට චැනල් කාමරයට ගියේය. එනමුත් ඒ වන විටත් වෛද්‍යවරයා එම රෝහලෙන් තවත් රෝහලකට ගොස් තිබුණි. ත්‍රිරෝද රියකින් ඔහු සිටින රෝහලට ගිය රෝගියා වෛද්‍යවරයා හමුවී අලුතෙන්ම බෙහෙත් තුණ්ඩුවක් ලියා ගත්තේ ඔහුගේ අත්අකුරු කියැවීමට නොහැකි බව ඖෂධවේදියා කී කතාවද සිහිපත් කරමිනි.
අපේ මිතුරෙකු මුහුණ දුන් මෙවැනි අත්දැකීමක් ඔබගේ සමීපතමයන්ද මුහුණ දී ඇති බවට සැක නැත. ඇතැම් විට වෛද්‍යවරයා ලියූ බෙහෙත් තුණ්ඩුව කියවීමට නොහැකිව වැරදියට තේරුම් ගෙන වෙනත් ඖෂධ දීම නිසා රෝගීන් අමාරුවේ වැටුණු අවස්ථා එමටය. රෝගීන් පමණක් නොව වැරැදි ඖෂධයක් දුන් ඖෂධවේදියකු වසර තුනකට හිරේ ගියේ දෙතුන් සතියකට ඉහතදීය.
ඒ ගැන ප්‍රජා ඖෂධවේදීන්ගේ සංගමයේ සභාපති ජී.ජී. රත්නසිරි කියන්නේ රෝගීන්ට ඖෂධ නියම කිරීමේදී වෛද්‍යවරුන් පැහැදිලි අත් අකුරින් සහ අනුමත නාමයෙන් වෛද්‍ය නිර්දේශ නොලියන නිසා ඔසුසල් මගින් ඖෂධ නිකුත් කිරීමේදී වැරදීම් සිදුවන බවය.
හොරණ ප්‍රදේශයේදී 2012 දී රෝගී කාන්තාවකට දියවැඩියා රෝගයට මෙට් ෆොමින් ලබාදිය යුතු බවට වෛද්‍යවරයා නිර්දේශ කර තිබුණද එම අකුරු අපහැදිලිකම හේතුවෙන ඖෂධවේදියා රෝගී කාන්තාවට නිකුත් කර තිබුණේ පිළිකා රෝගයට භාවිත කරන මෙනොටේ‍රක්ෂේට් ඖෂධය බවත් ඖෂධය විෂ වීම නිසා එම කාන්තාව මරණයට පත් වූ බවත් ඔහු පෙන්වා දෙන්නේය.
විභාගවලදී පැහැදිලි අත්අකුරෙන් පිළිතුරු නොලියූවොත් ලැබෙන්නේ අඩු ලකුණුය. ඒ උත්තර පරීක්ෂකයන්ට පිළිතුරු කියවා ගැනීමට නොහැකි නිසාය. එහෙත් උසස් පෙළ විභාගයද ඉහළින් සමත් වී වෛද්‍ය විද්‍යාලයෙන්ද ඉහළින් සමත් වන වෛද්‍යවරුන් රෝගීන්ට කැත අත්අකුරෙන් අකුරු ලිවීමත් හරිම පුදුමය.
දොස්තරලා පැහැදිලි අත් අකුරෙන් බෙහෙත් තුණ්ඩු නොලියන්නේ ඇයි? ඒ ගැන අපි ඇසුවේ වෛද්‍යවරයකු සේම වෛද්‍ය ශිෂ්‍ය ශිෂ්‍යාවන්ට බෙහෝ කාලයක් පුරා ඉගැන්වූ ප්‍රජා වෛද්‍ය විශේෂඥ ආරියසේන යූ. ගමගේ ගෙනි.
වෛද්‍යවරුන්ගේ අත් අකුරු පැහැදිලි නොවීමට ප්‍රධාන හේතුව වන්නේ ඔවුන් වේගයෙන් ලිවීමයි. මොවුන් වේගයෙන් ලියන්නේ එක් වෛද්‍යවරයෙකු රෝගීන් විශාල සංඛ්‍යාවක් ඉතා කෙටි කාලයක් තුළ බැලීමට සිදුවන නිසා. වේගයෙන් ලියන ක්‍රමය බොහෝ කාලයක් පුරා පැවත එන්නක් බැවින් එය අද පුරුද්දක් බවට පත්වෙලා තිබෙනවා.

වේගයෙන් ලියන ලද ඇතැම් ඖෂධ වට්ටෝරුවල අත් අකුරු නොපැහැදිලි වීම හේතුවෙන් වැරදි ඖෂධ නිකුත් කරපු වාර අනන්තයි. වැරදි බෙහෙත් බිලා රෝගීන් මිය ගිහිල්ලත් තියෙනවා.
ලෝකයේ බොහෝ රටවල්වල වෛද්‍යවරුන් රෝගීනට බෙහෙත් ලියන්නේ ස්වභාෂාවෙන්. ඒත් අපේ රටේ වෛද්‍යවරුන් බෙහෙත් ලියන්නේ ඉංග්‍රීසි භාෂාවෙන්. අපේ රටේ බහුතරයක් ජනතාවට ඉංග්‍රීසි භාෂාව ලියන්න කියන්න පුළුවන් කමක් නැහැ.
ඒ වගේම අපේ රෝගීන් තමන් බොන බෙහෙත පිළිබඳව වෛද්‍යවරයාගෙන් අසා හෝ දැනුවත් වෙන්නේ නැහැ. සුදු පාට පෙත්තක්, රතු පාට පෙත්තක් ආදී වශයෙන් තමයි ප්‍රකාශ කරන්නේ. එය අපේ ජනතාව තුළ පවතින බරපතළ අඩුවක්. ඔවුන් වෛද්‍යවරුන්ගෙන් අහන්න ඕනේ තමන්ට නියම කරන බෙහෙතේ නම මොකක්ද? මේ බෙහෙත ගන්නේ මොන රෝගයටද කියලා නමුත් අපේ රෝගී ජනතාව එහෙම කරන්නේ නැහැ. වෛද්‍යවරයාට බියයි. එහෙම වෙන්න ඕනේ නැහැ. ඒක රෝගියෙකුගේ අයිතියක්.
ඇතැම් වෛද්‍යවරුන් ඖෂධ ලියනකොටම රෝගියාට කියනවා අහවල් ෆාමසියෙන් ගන්න කියලා. ඒ වෛද්‍යවරයාගේ අත් අකුරු කියවන්න පුළුවන් ඒ ෆාමසියේ ඉන්න ඖෂධවේදියාට විතරයි. එතැන ක්‍රියාත්මක වෙන්නේ ඔවුන් ගොඩනගාගත් මාෆියාවක්. මොකද එම ඖෂධයේ අලෙවිය අනුව අදාළ ඖෂධ සමාගම වෛද්‍යවරයාට කොමිස් මුදලක් දෙනවා. ඒ නිසා වෛද්‍යවරයා එම සමාගමේ ඖෂධම පමණක් ලියනවා. ඔහු කියන්නේය.
කෙසේ නමුදු ඇතැම් වෛද්‍යවරු බෙහෙත් තුණ්ඩු කියන්නේ කෙටි නම්වලිනි. උදාහරණයක් ලෙස පැරසිටමෝල් ඖෂධය ඔවුන් ලියනු ලබන්නේ පී.සී.එම්. යනුවෙනි.
එවන් විටකදී ඖෂධවේදියා එවැනි කෙටි යෙදුම් දන්නේ නම් ඖෂධ නිකුත් කළ හැකිය. එහෙත් කෙටි යෙදුම් යෙදීමේදී බරපතළ තත්ත්වයන්ද ඇති විය හැකිය. මන්ද වෛද්‍යවරයා කෙටි යෙදුම් යොදා නිකුත් කරන ඖෂධය ෆාමසියේ සිටින ඖෂධවේදියා වෙනත් අර්ථයකින් තේරුම් ගත්තේ නම් රෝගියාට නිකුත් කරනුයේ වෛද්‍යවරයා නිර්දේශ කළ ඖෂධය නොව වෙනත් ඖෂධයකි.
එහෙත් සෞඛ්‍ය සේවා අධ්‍යක්ෂ ජනරාල් වෛද්‍ය ජයසුන්දර බණ්ඩාර කියන්නේ ඖෂධ ලිවීමේදී කෙටි යෙදුම් භාවිත නොකරන ලෙස සෞඛ්‍ය අමාත්‍යාංශය වෛද්‍යවරුන්ට දැනුම් දී ඇති බවය.
ඒ ගැන ප්‍රජා ඖෂධවේදීන්ගේ සංගමයේ සභාපති ජී.ජී. රත්නසිරි කියන්නේ මෙසේය.
වෛද්‍යවරුන් ඖෂධීය නාමයෙන් රෝගීන්ට බෙහෙත් ලියනවා නම් මේ වැරැද්ද වෙන එක අවම කර ගන්න පුළුවන්. ඒත් වෛද්‍යවරුන් වැඩි දෙනකු භාවිත කරන්නේ වෙළෙඳ නාමයයි. මෙය භාවිත කරන බොහෝ අවස්ථාවන්වලදී ඔවුන් කෙටි ක්‍රම භාවිත කරනවා. ඇත්තෙන්ම මෙය ඖෂධ සමාගම් සමග එකතුව කරන මාෆියාවක්. මේ මාෆියාවේදී වරදක් වුණොත් එහි වරදකරු වන්නේ ඖෂධවේදියා.
අපි මේ සම්බන්ධයෙන් මතෛක් කාලයක් නිහඬව සිටියා. වෛද්‍යවරුන් විසින් ඖෂධ සම්බන්ධයෙන් කරන මේ වැරදි සම්බන්ධයෙන් නීතිමය කටයුතු කරන්න බලා‍පොරොත්තු වෙනවා.
වෛද්‍යවරුන් කරන වැරැදි සම්බන්ධයෙන් සොයා බැලීමට බලය ඇත්තේ ශ්‍රී ලංකා වෛද්‍ය සභාවටය. අපැහැදිලි අත්අකුරෙන් ලියන වෛද්‍යවරුන්ට එරෙහිව පියවර ගැනීමට නොහැකිදැයි අපි ඇසුවේ ශ්‍රී ලංකා වෛද්‍ය සභාවේ ‍ලේඛකාධිකාරී වෛද්‍ය ටෙරන්ස් ගාමිණී ද සිල්වාගෙනි.
අත් අකුරු පැහැදිලිව ලිවිය යුතුයි කියලා සෞඛ්‍ය අමාත්‍යාංශයෙන් වගේම වෛද්‍ය සභාව මගිනුත් වෛද්‍යවරුන්ව දැනුවත් කරනවා. යම් වෛද්‍යවරයෙකුගේ අත් අකුරු අපහැදිලි වීමෙන් යම් රෝගියෙකුට අසාධාරණයක් වුණේ නම් ඒ සම්බන්ධයෙන් වෛද්‍ය සභාවට ලිපියකින් හා දිවුරුම් ප්‍රකාශයක් මගින් දැනුම් දිය යුතු වෙනවා. එහෙම වුණොත් විතරයි අපිට ඒ සම්බන්ධයෙන් පරීක්ෂණයක් කරන්න පුළුවන් වෙන්නේ. එහෙම නැතිව වෛද්‍ය සභාවට එක් එක් වෛද්‍යවරයාගේ අත්අකුරු ගැන වෙන වෙනම සොයා බැලීමක් කරන්න බැහැ. අපිට එහෙම කරන්න මානව සම්පත්වල ලොකු හිඟයක් තියෙනවා. වෛද්‍යවරයෙකුගේ අත් අකුරු සම්බන්ධයෙන් ලිඛිත පැමිණිල්ලක් කවුරු හරි කළොත් පමණයි අපිට ඒ සම්බන්ධයෙන් සොයා බැලීමක් කරන්න පුළුවන් වෙන්නේ. එක වෛද්‍යවරයෙකුට රෝගීන් විශාල සංඛ්‍යාවක් සුළු කාලයක් තුළ බැලීමට සිදුවීම නිසයි  ඔවුන්ගේ අත්අකුරු අපහැදිලි වෙන්නේ. ඔහු කීවේය.
වෛද්‍යවරුන් බහුතරයකගේ අත් අකුරු අපහැදිලිය. ඒ අකුරු පැහැදිලිව ලියන්න බැරිනම් වෙනත් විසඳුමක් තිබෙනවාද..?
කොතලාවල ආරක්ෂක විද්‍යා පීඨයේ හෘදරෝග විශේෂඥ වෛද්‍ය නාමල් විජේසිංහ සඳහන් කරන්නේ වෛද්‍යවරුන් ඉංග්‍රීසි කැපිටල් අකුරු භාවිතා කර එම ඖෂධ වට්ටෝරුව ලියන්නේ නම් මේ ගැටලුව නිරාකරණය කර ගත හැකි බවය.

Read More